اقتباس المشاركة الأصلية كتبت بواسطة AoA مشاهدة المشاركة
لا ماتقلقش انا معايا مانيوال برضه (اصل انا عمرى ماحبيت الاوتو اصلا)
هى العربيه مش منتشرة فى المانيوال اوى

بس انا ماظهرش خالص عندى عيب التزييق دة

عموما هو الحل مع التوكيل

انك تعمل زى ما هاقولك بس هاتروح فيها للتوكيل كذا مره

هاتحجز قبل ماتروح للتوكيل عن طريق التليفون مع انه مالهوش لازمه بس علشان يبقى متسجل عندهم
هاتروح للتوكيل وتقول للمهندس اللى هايستقبلك على المشكله اللى فى العربيه
اول لما المهندس يخلص قوله يطلع معاك وجربوها على الطريق وسمعه الصوت بنفسك
ولو حصل وقالك هايبعت يجيب حاجة من بره علشان عيب ما فيها
اول ماتسيب التوكيل
اتصل على رقمهم وقول للهايرد عليك انك عايز تعمل شكوى
ووقت مايحولك لحد علشان تقوله تفاصيل الشكوى
قوله اسم المهندس وقوله انه مش عارف يصلح العربيه
بعدها بيومين هتلاقى المهندس بيتصل بيك
قوله العربيه فيها المشكله ومارحتش
ساعتها هايقولك تعالى اشوفها تانى
وقتها هايبقى مهتم اكتر
وهتلاقى فيه حل
لو ماحصلش حل شكوى على حمايه المستهلك بس هياخدوا حوالى اسبوعين للرد عليك

دة بناء على تجربتى مع التوكيل
هما دلوقت بيتصلوا بيا كل فتره لوحدهم يتطمنوا العربيه عامله معايا ايه :)
الحمد لله - هو ده اللى انا عملتو بالظبط و الحمد لله الصوت اختفي بس خايف ليرجع تاني - عموما لو رجع تاني هاروح مباشرة على حماية المستهلك لان حرام الواحد يحط شقي عمره فى عربيه غاليه عشان يرتاح و يخلص من ارف صيانة العربيات الرخيصه و بعدين يتفاجئ بنفس المشاكل
انا فرحان جدا اني لقيت حد معاه مانوال زي حالاتي