الموضوع: عايز جدول صيانات البومه

متابع وياريت بلي العجل والسره واي حاجه في العفشه مش لازم طبعا نستنا لما الحاجه تجيب اخرها

السلام عليكم
حسب خبرتى القليلة جداً ... حيث اننى اشتريت لانسر 2007 اوتوماتيك فى اول السنة دى وبعد الفحص والتمحيص اقول لحضرتك الاتى :
تغيير زيت الموتور مع فلتر الزيت ... كل 10 الاف كيلو
فلتر الهواء ... كل 40 الف كيلو
بوجيهات ... كل 40 الف كيلو
مياه الرادياتير ... كل 40 الف كيلو مع المتابعة ( ياريت تعرف تجيب المياه اللى بتزل مع الفبريكه )
زيت الفتيس ... كل 40 الف كيلو ( ياريت تعمله فى التوكيل لانه محتاج جهاز معين )
فلتر البنزين ... كل 40 الف كيلو
سير الكاتينة كامل ... كل 80 الف كيلو
فلتر التكييف ... انا من رايي تغيره كل صيف مع مراجعة شحن التكييف ( فلتر التكييف جبته بـ 60 جنيه من المواردى )
تيل الفرامل الاصلى الامامى ... كل 20 الف كيلو ( فى كلام على عدد الكيلو مترات حسب نوع وماركة التيل )
وياريت تروح لعفشجى محترم تراجع عنده العربية كل 10 الاف كيلو وتهتم بجلب المقصات والاتياش والبارات وتراجع الصرة + البلية بتاعة العجل سواء يمين او شمال .
قواعد الموتور برضه مهمة جداً ( طبعاً انا بقول الكلام ده للى زى جاب عربية مستعملة )
وربنا يبارك لكل واحد فى عربيته ... ويبركلك فى عربيتك