ماهي المخالفات المرورية التي تعرضت إليها

**miceg** · 08-04-2013 10:19 PM

[OVERLINE]

[OVERLINE]السلام عليكم ورحمه الله وبركاته
أخواني ألاعضاء
انا جه فدماغي سؤال كده نسرد المخالات المرورية التي تتعرض اليها
الموقف إيه بالظبط وفأنهي منطقة وشعورك إيه لما وقعت فالمخالفة .
[/OVERLINE]

[OVERLINE]

وهبدأ بنفسي أولا :-
اليوم جاي من اخر مكرم ونازل على مصطفى النحاس والمفروض الف وأرجع تاني فالناصية اللي جمب التوحيد والنور
ولقيت أمين شرطة واقف استأذنته بدل مادخل على زحمة النحاس وانا كده كده هرجع تاني
شاورلي قاللي اتفضل جيت اخد بقا الملف الصغير لقيت بقا واحد بتاع ميكروباص كابس عليا وعمال يركب بني ادمين

لو هو تبع المرور مش هيقفل عليا القفلة السوداء ههههههههههههههه
المهم فجأة لقيت عقيد قدامي رخصك يعني رخصك

واركنلي على جمب ولقيت الايصال الحلو اللي بينور واخد الرخصة القيادة ومطلعلي أيصال عكس اتجاه وبيقولي غرامته 1500 جنيه و 1050 لو عملت مصالحة ودفعت خلال الاسبوع
المهم سبته وجيت ادور العربية لقيت ورقة ملزوقه من ظابط تاني قدام مشفش الغرامة الاولي بالانتظار في الممنوع .. المهم ورييتله الايصال قولتله باشا انا حبيبكم لسه منفعكم بمخالفة ههههههههههههه راح مكلم الظابط ألاولاني قالله الراجل بتاع عكس الاتجاه اسيبه يمشي ولا نسحب منه رخصة العربية بالمرة ؟؟؟؟؟؟؟؟؟؟؟؟

طبعا دي أول مرة تتسحب مني الرخص وما أدراكم ماحرقة الدم اللي كنت فيهااا
طيب أعمل ايه أولع فنفسي ولا أولع فننوسة حبيبتي

.
مستني مواقفكم وتجاربكم

[/OVERLINE][/OVERLINE]

**Sehsss** · 08-04-2013 11:10 PM

أنا عن نفسي هما 3 مخالفات في حياتي صف ثاني.. منهم واحدة ما نزلتش مش عارف ليه ولما روحت أجدد يوم الأربعاء اللي فات ملاقيتهاش موجودة، علما بأنها من أكثر من 10 شهوووووور
بس قوللي يا أبوحنين.. أنا ما فهمتش، رخصتك اتسحبت ولا دفعت فوري ولا عملت إيه.. وقلبي معااااااااك

**miceg** · 09-04-2013 01:39 AM

المشاركة الأصلية كتبت بواسطة Sehsss

أنا عن نفسي هما 3 مخالفات في حياتي صف ثاني.. منهم واحدة ما نزلتش مش عارف ليه ولما روحت أجدد يوم الأربعاء اللي فات ملاقيتهاش موجودة، علما بأنها من أكثر من 10 شهوووووور
بس قوللي يا أبوحنين.. أنا ما فهمتش، رخصتك اتسحبت ولا دفعت فوري ولا عملت إيه.. وقلبي معااااااااك

لا والله يابو حسين مافيش فوري ولا حاجة اتسحبت والمفروض اني اسدد في المرور
وخلال يومين هتكون في المرور التابع ليه
ومتقلقش بلدك أنفع مافيها الوساطة والرخصة فجيبي من بعدها بنصف الساعة

أقوله انا شغال مع فلان فالداخلية يقولي طز فالداخلية ههههههههههههه
ده شوية تاني كان قاللي هجيبلك إعدام ياحامد (( على رأي أحمد عز في فيم بدل فاقد )) هههههههههه
مع ان العلم ان الظابط ساب المنطقة بالكامل وكأنه كان مستنيني انا ههههههه
تقول إيه بقا ههههههههههههه

**Sehsss** · 09-04-2013 01:54 AM

المشاركة الأصلية كتبت بواسطة miceg

لا والله يابو حسين مافيش فوري ولا حاجة اتسحبت والمفروض اني اسدد في المرور
وخلال يومين هتكون في المرور التابع ليه
ومتقلقش بلدك أنفع مافيها الوساطة والرخصة فجيبي من بعدها بنصف الساعة

أقوله انا شغال مع فلان فالداخلية يقولي طز فالداخلية ههههههههههههه
ده شوية تاني كان قاللي هجيبلك إعدام ياحامد (( على رأي أحمد عز في فيم بدل فاقد )) هههههههههه
مع ان العلم ان الظابط ساب المنطقة بالكامل وكأنه كان مستنيني انا ههههههه
تقول إيه بقا ههههههههههههه

ههههههههه طيب كويس طمنتني يا باشا والله

**Dr'AhmZZong** · 09-04-2013 03:16 AM

اخر مخالفة صف تاني عند القصر العيني بورقة على الازاز ..

أكتر حاجة مديقاني إن الورقة لازقة بغرة ههههههههههه

**dr.hazem** · 09-04-2013 09:39 AM

مخالفة سرعه في السعودية واحده على سرعة 76 بدل من 60 ومخالفة في الاردن سرعه 112 بدل 100
في الحالة الأولى مخدتش بالي اصلا لانه كان شارع مكسر واول مره اخشه ومركز ف الطريق ومبصتش عالعداد اساسا..
الانيه كنت ماشي 100 وحتى الجي بي اس كان 100 ودمي اتحرق...
من وقتها الحمد لله ملتزم بالسرعات زي ما قال الكتاب والحمد لله....
تحياتي

Sent from my LT18i using Forum Runner