ماهي المخالفات المرورية التي تعرضت إليها

**the_air_devil** · 09-04-2013 11:40 AM

حتى الآن مافيش مخالفات خالص ... بس ان شاء الله متوقع كذا حاجة يكونوا رادار

والسبب الأساسي...باكون شايف الرادار وعارف مكانه لكن بالاقي واحد مفتري ورايا ولو لمست بس الفرملة يبقى اعتبر نص العربية الخلفي راح !! ...مش عارف الناس اللي بيركبوا ديل العربية بيبقوا عايزين ايه بالظبط ...فباحسبها في نفس اللحظة واقول مخالفة رادار ولا ادفعلي نص تمن العربية تصليح ... وادخل واجري غصب عني

إنما لا بامسك موبايل وانا سايق وحزام الأمان صاحبي من زمان ... وبامشي زي ما يرضي الله مش باخطف حتة عكسي ولا اركن في الممنوع ... انت ممكن تركن على بعد 5 دقايق مشي احسنلك واحسن لعربيتك وجيبك بدل ماتكسل وتلبس مخالفة وتتكلم مع حد ماكانش له انه يتكلم معاك نص كلمة ويبقى له سلطة عليك ...

بالمناسبة ...انا عارف المنطقة اللي اتاخدت فيها مخالفة مشي عكس السير وكون الميكروباص قفل عليك ووقف يحمل ده معناه انك مش عارف الحتة دي أساساً ... عايز اقوللك كنت خد اليوترن عادي , لكن احمد ربنا انها جات عالمخالفة بس لأنك كان ممكن تخسر وش العربية ... بتوع الميكروباص اللي في المنطقة دي مستغنيين عن وشوش عربياتهم !!!

**mem** · 09-04-2013 04:23 PM

انا بقى دفعت المخالفه مع انى مش انا اللى عاملها
وعملت تظلم وبردك ما فيش فايده
واكلم فى وكيل النيابه ويقولى انا عايز اشلهالك بس مش قادر لان القانون لا يجيز التصالح
وكل ده لان مخالفه السير عكس الاتجاه لا يوجد فيها مصالحه لاززززززززززززززم
تدفع المخالفه وكانت 2000 جنيه

**Sehsss** · 09-04-2013 08:53 PM

المشاركة الأصلية كتبت بواسطة dr'ahmzzong

اخر مخالفة صف تاني عند القصر العيني بورقة على الازاز ..

أكتر حاجة مديقاني إن الورقة لازقة بغرة ههههههههههه

للأسف مش بغرة.. آه لو تعرف ببتلزق بإيه، كنت ولعت في العربية ههههههههه

**Dr'AhmZZong** · 09-04-2013 11:29 PM

المشاركة الأصلية كتبت بواسطة Sehsss

للأسف مش بغرة.. آه لو تعرف ببتلزق بإيه، كنت ولعت في العربية ههههههههه

لااااااااااااااااااااااااااااااااا ااااااااااااااااااااااااا

**Sehsss** · 09-04-2013 11:34 PM

المشاركة الأصلية كتبت بواسطة Dr'AhmZZong

لااااااااااااااااااااااااااااااااا ااااااااااااااااااااااااا

أيوووووووووووووووووه

**miceg** · 09-04-2013 11:51 PM

المشاركة الأصلية كتبت بواسطة limo

انا الحمد لله جالى مخالفه غريبه من نوعها انا مش فاهمها لحد دلوقتى وهيه تحميل ركاب بالصندوق الخلفى بالسياره فى الفيوم مع العلم ان عربيى ملاكى والمصحف :)
بس الحمد لله اتشالت فى التظلم

ياعم ممكن يكون قصده بالصندوق التابلوه اللي جوة العربية هههههههههههه