الموضوع: الشاهين بتعوووووووووووم

عومان الشاهين سببه حاجة من 3:

1- المقصات سيئة: ممكن تكون المقصات جديدة وسيئة، بتكون الجلبة الداخلية للمقص طرية بتخلى المقص يروح وييجى والعربية ترقص
2- الزاويا مش مظبوطة: العجل لو مقفول (مقدمة العجلتين الأماميتين ضامة على بعض ) بتخلى العربية ترقص فى السرعة العالية

3-علبة الديريكسيون تكون مبوشة وبالتالى برضه العجل بيروح يمين وشمال

وطبعا فيه احتمالات تانية بس ضعيفة، زى ان بنط شاسيه تكون فكت او جلب الشداد الخلفى طرية، لكن خلى الإحتمالات دى للآخر

نصيحتى لك هى:

1- اضبط زوايا كويس، واعتقد ان اخونا درش ممكن يضبط لك الموضوع ده،

2- لو ضبط الزوايا محلش المشكلة غير المقصات واقترح عليك نوع أوكاب الإيطالى أو نوع كونترول الألمانى أو نوع مايلى الألمانى

3- لو المشكلة متحلتش ، وده احتمال بعيد جدا ندور فى باقى عفشة العربية(مساعدين ، كاوتش، جلب) وبنط الشاسيه