غسل الموتور من جوا بالميه, ممنوع الشتيمة

**shaikh_tamer** · 09-04-2013 06:37 AM

واحد صاحبي اثناء تغيير الزيت حط خرطوم ميه في الموتور علشان يغسل الموتور من جوا, و فضل مشغل الميه نص ساعة علشان كل الزيوت تنزل لغاية لما فعلا الميه بقيت تنزل من تحت لونها ابيض مفيهاش اي شوائب و بعد كده سابها اربع ساعات و بعدين حط منفاخ هوا علشان لو فيه ميه جوا تطلع, و بعدين قفل الصامولة اللي تحت الماكينة و حط الزيت الجديد

العجيب و الغريب في الامر ان الموتور اشتغل بعد كده ولا كان فيه حاجة حصلت
انا بصراحة لما قالي علي الموضوع ده قبل لما يعمله قلت ليه حتستفيد ايه, قالي علشان انزل الزيت المستعمل, و لما قلت ليه انه كان ممكن يحط اي زيت رخيص يغسل بيه الماكينة من جوا و بعدين يغيروا بعد اسبوع قالي كده ارخص.

اللي مضايقني فعلا ان الصنايعي بتاع الزيوت كان بيضحك و شكله كان محشش و صاحبي بيطلب منه يعمل كده, و بدل لما ينصحه ان ده غلط سابه يعك و قال لما نتفرج. و للاسف انا شفته بعد لما حط الميه بالفعل.

الماكينة 128 و العربية شغالة و زي الفل, بس تفتكروا الموضوع ده ليه مضاعفات في المستقبل؟

**aymanshebl** · 09-04-2013 07:27 AM

هو للاسف صحبك لا نطف الموتور و لا حاجة كل ما هنالك انه طرد الزيت المتبقى فى الكارتيره بالماء فقط و لا غسل الموتور ولا حاجة لان الزيت كثافته اقل من الماء و لا يمتزج به علشان كده لما ساب العربية او الموتور ينشف و بعدين بالهواء طرد الماء اصبح اللى موجود الزيت او الزيت المبطن للموتور فقط و هو كمل الزيت الجديد فامفيش مشكلة خالص و الافضل انه كان جاب فلاش انجين محترم و عمل غسيل للموتور من جوه لانه كده و لا عمل اى حاجة و شكرا

**aldesha989** · 09-04-2013 08:04 AM

والله عادى مش مشكلة وزى ما استاذ ايمن قالك ان الزيت مش بيختلط بالمايه ولا اى ممكن لو كان ضغط مايه عالى كان اثر شويه لكن كده هو فعلآ ما نزلش كل الزيت اللى جوا الماتور والكرتيره

اللى ينزل الزيت فعلآ هو السولار انا شويه ميكانيكى حط زيت على سولار ودور الماتور دورتين براحه كده وبعد كده راح منزله وحط زيت عادى ده بقى اللى انا شايف انه اخطر ومش اعرف الفلاش انجن موصفاته ايه ولا هو زيت عادى مخصص انه ينزل فى فتره قصيره فينضف كرتيره الزيت واللى فيها ؟

**SYD** · 09-04-2013 08:38 AM

دة علي اساس ان الموتور كان مترب من جوة ؟؟؟
في حاجة اسمها flush
والمياة جوة الموتور هتتبخر بعد دقيقتين ثلاثة لما يدور مفيهاش مشكلة
بس المشكلة انها هتضر الزيت الجديد وهتخليه مرطب
يعني عشان يشيل اثرها عايز غيارين زيت - والله اعلي واعلم

بس اعتقد انه ماعملش الصح - وانه بيضر اكتر ما بيفيد
وبردو الله اعلم

**فادى محمد** · 09-04-2013 09:47 AM

لا يمكن ان يخنلط الزيت بالماء
لا يمكن ان يخنلط الزيت بالماء

**Karim Ibiza** · 09-04-2013 09:56 AM

كان اصول حط كيس ايريال من ابو جنيه عشان بيشيل البقع

**ahmed1981** · 09-04-2013 10:38 AM

أهم حاجة يكون غير فلتر الزيت

هو تصرف مش صح
وأنا شايف إنه ملوش لزمة لو مضرش مش هيفيد

وزي ما الشباب قالوا في مادة فلاش بتتحط على الزيت القديم قبل التغيير
وتشغل الموتور سلانسيه بدون حمل لمدة ثلاث اربع دقايق أو حسب كتالوج المادة
وبعدين تغير زيت وفلتر

والحركة دي تعملها مرة في عمر العربية معاك لو حسيت إنها محتاجة كده
-
-
-

-

-

الموضوع: غسل الموتور من جوا بالميه, ممنوع الشتيمة

LinkBack

أدوات الموضوع

عرض

-

-

-

-

-

المواضيع المتشابهه

سؤال عن الزينون هل ممنوع ولا مش ممنوع في المرور

ممنوع لأصحاب القلوب الضعيفة ... تاني ممنوع أنا مش مسؤل على إلي ممكن يحصلكم

يللا اوكازيون الشتيمة على هيونداى !

الكلمات الدلالية لهذا الموضوع

المفضلات

المفضلات

ضوابط المشاركة