استهلاك البنزين فليشيا 95 ومشكلة فى مقاس الزيت

**islamaboelyaze** · 09-04-2013 04:45 PM

كنت عايز اعرف استهلاك البنزين انا قستها اكتر من مرة بكذا طريقة وطلع اللتر بيعمل 8.5 كليو بس انا حاسس انا كده وحش ياريت لو حد يقدر يفيدنى زى ما اتعودت ديما منكم
وكمان عندى مشكلة فى مقاس الزيت لو غيرت زيت من غير الفلتر بحط 4 لتر ولو غيرت الفلتر بحط 4 لتر بردو غير كده المقاس ما يظبطش لو 3 لتر يبقى المقاس اقل من النصف قولت لميكانيكى قالى المقاس قصير شوفت واحد صاحبى معاه اخت عربيتى لاقيت المقاس بتاعى اد بتاعه بالظبط وكمان قيست الزيت عنده بالمقاس
بتاعى لاقيته مظبوط وهو حاظ 3 لتر مش عارف المشكلة فين

**sakr_skoda** · 09-04-2013 07:59 PM

بالنسبة لإستهلاك الوقود تقريبا معقول جدا خصوصة بالنسبة لعمر السيارة ....

اما بالنسبة لموضوع مقاس الزيت فدا بيرجع على عدم اتزان الموتور يعنى ممكن يكون الموتور مكفى الى الامام او الى الخلف فهذا يسبب خطء فى قياس الزيت ودا بيتظبط من شداد الموتور تحت بيخلى الموتور موزون لا هو مكفى الى الامام ولا مقلوب للخلف وكمان بيثبت الموتور عن بد الدوارة ويقلل من حركته اثناء السير....

**aw2100** · 10-04-2013 12:04 AM

المشاركة الأصلية كتبت بواسطة islamaboelyaze

كنت عايز اعرف استهلاك البنزين انا قستها اكتر من مرة بكذا طريقة وطلع اللتر بيعمل 8.5 كليو بس انا حاسس انا كده وحش ياريت لو حد يقدر يفيدنى زى ما اتعودت ديما منكم
وكمان عندى مشكلة فى مقاس الزيت لو غيرت زيت من غير الفلتر بحط 4 لتر ولو غيرت الفلتر بحط 4 لتر بردو غير كده المقاس ما يظبطش لو 3 لتر يبقى المقاس اقل من النصف قولت لميكانيكى قالى المقاس قصير شوفت واحد صاحبى معاه اخت عربيتى لاقيت المقاس بتاعى اد بتاعه بالظبط وكمان قيست الزيت عنده بالمقاس
بتاعى لاقيته مظبوط وهو حاظ 3 لتر مش عارف المشكلة فين

طبعا استهلاك البنزين ده داخل البلد فى الأشارات والشوارع الزحمة ولا فى الطوالى لو جوه البلد يبقى تمام قوى لكن لو فى الطوالى وعلى سرعات يبقى قليل قوى ؟؟؟

**أحمد جودة** · 10-04-2013 10:45 AM

أولا بخصوص أستهلاك البنزين
راعي كمان حمولة العربية وكام واحد راكب وكمان الشنطة اية الحاجات اللي فيها وفيها أوزان تقيلة من عدمه
أكيد الحاجات دي بتفرق كتير

أنا حاولت اقيس قبل كدة الاستهلاك عمل معايا فى 100 كيلو إستهلاك 9 لتر بنزين 92 على متوسط سرعة من 90 الى 110 كيلو متر فى الساعة
بالمناسبة البنزين كمان حاسس انه بيفرق إذا كان 80 أو 92 يعني حاسس أن البنزين 92 إستهلاكة أقل من 80 والله أعلي واعلم

بالنسبة لموضوع الزيت والله أنا كمان عندي نفس الموضوع أخر مرة غيرت زيت منغير فلتر حطيط زيت شل الاحمر 4 لتر مرة واحدة علشان المقاس يتظبط
أعتقد ممكن تفرق من موتور للتاني
يعني على سبيل المثال الموتور بتاعي موديل 2002 إنجكشن بس شغال كاربيراتير ومنتظرين تعليقات باقي الزملاء

**AhMeD MeTwAlY** · 10-04-2013 03:57 PM

كدا البنزين مظبوط لو داخل المدينه كان عندي
بس علي الطرق السريعه كان بيقل الاستهلاك بس كتير بعيد عنك كنت بفتري شوية
بالنسبه للزيت انا كنت بحط 4 لتر بدون ما اغير الفلتر والمقاس كان بيبق مظبوط

**aali6632** · 10-04-2013 06:55 PM

بس الله ماشاء الله ربنا يباركلك
انا معيا 95 بردو بس اللتر بيعمل 6.5 كيلو جو البلد وحتى بعد تغير البكات وتظبيط الكربرتير
فـــ 8.5 كيلو ده جميل جدا ربنا يبارك

**المنسي** · 11-04-2013 01:48 PM

اعتقد استهلاك البنزين فى الطرق الزحمة حوالى 9 كيلو للتر الواحد وبالنسبة للطريق الطوالى او السفريات 11 للتر الواحد وده فى حالة كربراتير مظبوط وكهربة مظبوطة وتاكيهات مظبوطة والكلام هنا على بنزين 92
بالنسبة للزيت بالفلتر 4 لتر
من غير الفلتر 3.5
يراعى وضع السيارة فى مستوى افقى لاخذ مقياس الزيت بطريقة صحيحة وان تكون بعد مشوار وتتركها لمدة ساعة حتى تبرد ويتجمع الزيت فى الكارتيرة