الموضوع: ارخم عيب من عيوب الار بى ( انا خبطت العربية يا رجالة ومضايق اووى

المشاركة الأصلية كتبت بواسطة elmo7amed

تكلفتها كام دى ياباش مهندس وهل حتخرج العربيه من الضمان

بعد إذن الباشمهندس ........ أنا لي صديق مركب كاميرا خلفية من يوميين واشتراها من هنا في طنطا وكانت ب 260 جنيه !!!

وهي طبعاً حتخرج ضفيرة الكهرباء فقط من الضمان !!! , لأنك حتاخد طرف كهرباء من لمبة المارشيدير , وخلي بالك هي ممكن تعدي والتوكيل ما يا خدش باله لأن الكاميرا بتبقى مخفيه , وابقى خبي المراية !!!

في أسوأ الظروف ضمان الكهرباء فقط اللي حيسقط إنما باقي الضمان شغال .

تحياتي

تخيل حضرتك أني ركبت الكاميرا اللي قدام و هي أضافية لنفس السبب و بعد أن رشقت بالعربية و هيا لسه جديدة في عمود حديد أرتفاعه عن الارض لايزيد عن 30 سم و مدهون باللون الاسود و كنت بالليل و داخل أركن عمودي علي الرصيف

طبعا البهوات سكان العمارة كانوا عاملين الحديد ده علشان ماحدش يركن و لما عملت محضر في القسم جه الحي و أجبرهم يشيلوا الحديد لكنهم قصوه و كانت النتيجة أني داخل أركن بالليل و بالرغم من أني منور الفوج لايت و النور الواطي لكن فجأة حسيت أن العربية ركبت فوق حجر و أن الموتور أتكسر

لما نزلت و شوفت منظر الاكصطدام أتجننت و بعلو صوتي بقيت أنادي علي سكان العمارة و أشتمهم و طلعوا يبصوا لي من البلكونات و ماحدش فيهم بينطق و كنت عايز حد منهم ينزل لي علشان اناوله بالحديدة دي

المشاركة الأصلية كتبت بواسطة Walid_M

بعد إذن الباشمهندس ........ أنا لي صديق مركب كاميرا خلفية من يوميين واشتراها من هنا في طنطا وكانت ب 260 جنيه !!!

وهي طبعاً حتخرج ضفيرة الكهرباء فقط من الضمان !!! , لأنك حتاخد طرف كهرباء من لمبة المارشيدير , وخلي بالك هي ممكن تعدي والتوكيل ما يا خدش باله لأن الكاميرا بتبقى مخفيه , وابقى خبي المراية !!!

في أسوأ الظروف ضمان الكهرباء فقط اللي حيسقط إنما باقي الضمان شغال .

تحياتي

كلام مظبوط فعلا

بس تخبي مين !! دول مابيصدقوا و أول مابيشوفوا الكاميرا أو الشاشة مين غير تفاهم بيكتبوها

الحل أنك قبل ماتروح التوكيل تشيل الكاميرا و الشاشة و ترجع كل حاجة لصلها و بعدين تبقي تركبهم تاني بعد ماتطلع من التوكيل

المشاركة الأصلية كتبت بواسطة samir elshahawy

كلام مظبوط فعلا

بس تخبي مين !! دول مابيصدقوا و أول مابيشوفوا الكاميرا أو الشاشة مين غير تفاهم بيكتبوها

الحل أنك قبل ماتروح التوكيل تشيل الكاميرا و الشاشة و ترجع كل حاجة لصلها و بعدين تبقي تركبهم تاني بعد ماتطلع من التوكيل

خد بالك يا باشمهندس الكاميرا المنفصلة دي من غير شاشة زي اللي عندك
دي بيبقى لها مراية بتركب على المراية الداخلية , يعني مسمارين واخلع ويبقوا يقابلوني !!!

يعني القصة مختلفة عن اللي عند حضرتك , ده الراجل كل اللي حيعمله حياخد وصلة من سلك لمبة المارشيدير ودمتم ..........

وبصراحة هما بيستهبلوا في الحكاية دي !!!

حاقولك حاجة ظريفة , أنا عربيتي ركبتلها الباركينج سينسور عند السجان وأنا في الضمان , وفضلت بعديها سنتين في الضمان وكنت بعمل الصيانات في فرع قليوب وعمر حد ما كلمني عليهم أو حتى عمل ملاحظة عند التسليم ....

يمكن عشان الحمد لله محصلش مشكلة في الكهرباء استدعت اللجوء للضمان ..... ربما !!!

المشكلة ان التوكيلات هنا في مصر بيتفننوا في كيفية الهروب من الضمان وبيصدروا الكلام ده لموظفيهم !!!

ويفضلوا يخترعوا في حاجات يقرفوك بيها عشان يسرقوك { زي اختراع عمو غبور بتاع صيانة ال 5000 كم } .
ولو ليك حق يخلعوا وانت اللي غلطان !!!

يا سيدي الفاضل ده الواحد بيتنقط لما يقرأ كل شوية ان هوندا مثلاً سحبت كام الف عربية في دولة كذا عشان عيب صناعة وبي ام ورينو وكل شركات السيارات اللي في الدنيا , على شرط بيسحبوا كل الدفعة موش الناس اللي اشتكت بس !!!

هنا بقى تلاقي ناس بتغير تيل على 15000 كم زي الصني الجديدة مثلا ويطلعوك انت اللي غلطان .

طبعاً موش كل الناس وحشة لكن الوحشين كثير ....

عمو غبور اللي بيلغي الضمان عشان الباركينج سينسور حياخد طرف كهرباء من المرشيدير .
الافندي لما نزل الالنترا 2007 عشان يوفر نزل العربيات من غير الكاسيت و الإنذار الأصلي , واتفق مع عشم نوار اللي في شارع دمشق يركبلوا جهاز إنذار مصري إسمه غريب بريموت كده , أخره يبقى على توك توك وأجهزة رفع وكاسيت سي دي مصري ودغدغ الضفيرة عشان يعدلها على الأجهزة دي .

تخيل حضرتك لما تشتري عربية ب 110,000 جنيه من ست سنين وتلاقي الضفيرة مقطعة وملفوفة بالشيكرتون الصيني !!!

خد بالك سعر جرام الذهب ايامها كان 100 جنيه , يعني بسعر الذهب النهاردة ال 110,000 جنيه دول يسوا النهارده 330,000 جنيه أو اكثر .

عذراً للإطالة ..... وتقبلوا فائق الشكر والتقدير