كوتش بردجيستون 17 - 215/45 ( gr-90 ) للسيراتو تجربة كاملة بالصور $$

عرض للطباعة

09-04-2013, 11:57 PM
hmotors

كوتش بردجيستون 17 - 215/45 ( gr-90 ) للسيراتو تجربة كاملة بالصور $$

اولاً احب اشكر مجهود كل الأعضاء فى تقييم الكوتش فى مواضيع سابقة وخصوصاً للسيراتو ونقل تجاربهم بشكل رائع وده كان ليه دور كبير فى التجربة بتاعتى وقرارى علشان اغير الكوتش الى كان راكب عندى فى العربية كومهو 17 - 215/45 ( Solus ) ماشي 50,0000 كم فى مدة 3 سنوات.

حالة الكوتش قبل التغيير مع العلم نمط القيادة طبيعى جدا داخل المدينة وعلى الطرق السريعة:
- الحمد لله مفيش اى بلالين جانبية وله بلونه :vctry:
- الكوتش متمسحش جامد بس كان فى نسبة تأكل طبيعية
- بعد ال 45,000 كم بدأ صوت الكوتش يكون مرتفع جدا بطريقة ملحوظة غسالة بالظبط
- كمان صوت ون و ترزيع وعومان، وكمان تحس بالظبط كان حد بيجرى حافى على الأسفلت :crying1:
حسيت انى لازم انقذ العربية من الهلاك، فعلاً الموضوع بقه غريب حاجة مش طبيعية وكمان مع انه مفيش بلالين بس فى مفاجأة ظهور شروخ عميقة من الجنب حقيقى مفيش اى مطب يعمل كده وكمان مدخلتش فى اى رصيف او حكيت، قولت يمكن من المشى على سرعة مدة كبيرة.

المهم مش عايز اطول اكتر من كده، نكمل الخطة الى تم تفيذها :049:
تم الأستقرار على اختيار الكوتش بعد شهرين و بحث وقريت تجارب على مواقع كتيير،
----------------------
بشكل نهائى بردجيستون 17 - 215/45 ( GR-90 ) يابانى
.(91W - Temperature (A) Traction (A

http://www.nilemotors.net/Nile/membe...icture2658.png

http://www.nilemotors.net/Nile/membe...icture2655.png

طيب ضرورى نوضح ليه اخترت الموديل ده تحديداً، ببساطه عايز قيادة هادئة جدا ونعومة على الطريق وثبات معقول بس اهم حاجة مش عايز صوووت :feelgood: خاااالص خاااالص وده تصنيف الكوتش على رسم بيانى توضيحى:
http://www.nilemotors.net/Nile/membe...icture2659.png
تقييم للكوتش من مجموعة مستخدمين
http://www.nilemotors.net/Nile/membe...icture2657.png

و دى صورة هتوضح الكوتش القديم على الشمال والجديد على اليمين

http://www.nilemotors.net/Nile/membe...icture2656.png

مميزات الكوتش والتجربة 100 كم بس حتى الأن (نيتروجين) ضغط 32
ماشاء الله ممتازة جداًجداً

(التفاصيل)
- النعومة على الطريق ممتازة
- الصوت على السرعات والمطبات اكثر من ممتاز
- المطبات اختلاف كبير والترزيع مفيش
- الفرامل فى تحسن بنسبة كويسة بس مش الفرق الكبير اوى
- الثبات ممتاز فى فرق ملحوظ بالمقارنة مع الكوتش القديم
- توفير استهلاك البنزين لسه تحت الأختبار
- النقشه عاديه مش حاجة جامدة بس مش مهم عندى
- البناء الخارجى للكوتش فى فكرة ممتاز من حافة الجنط، الكوتش بشفة للحماية هى موجودة فى شركات كوتش تانية بس الطريقة فى 17- gr90 ممتازة مش حاده.

:crying1: العيوب (السعر قاتل) :crying1:

خالص تحياتى للجميع ، ويارب يكون الموضوع مفيد. وكل سنة وحضرتكم طيبين بمناسبة عيد المنتدى :213-1107231241[1]:.
.
10-04-2013, 12:04 AM
excel_team2000

ألف مبروك ياباشا فعلا احساس الكاوتش الجديد مختلف بالذات فى الطارة حصل معايا لما غيرت و جبت يوكوهاما يابانى 215/45/17 الفردة ب 930 جنيه بس للأسف الطريق الزراعى ملهوش حل فغيرت الجنوط ل 15 و جبت كاوتش دانلوب 195/65/15 وطبعا الفرق كبير فى الراحة و النعومة
10-04-2013, 12:14 AM
M7amD_7amDy

الف مبروك ياباشا

والتقرير ممتاز بس ناقص السعر القاتل :))
10-04-2013, 12:47 AM
hmotors

اقتباس:

المشاركة الأصلية كتبت بواسطة excel_team2000

ألف مبروك ياباشا فعلا احساس الكاوتش الجديد مختلف بالذات فى الطارة حصل معايا لما غيرت و جبت يوكوهاما يابانى 215/45/17 الفردة ب 930 جنيه بس للأسف الطريق الزراعى ملهوش حل فغيرت الجنوط ل 15 و جبت كاوتش دانلوب 195/65/15 وطبعا الفرق كبير فى الراحة و النعومة

الله يبارك فى حضرتك، فعلاً الفرق كبير.
10-04-2013, 12:51 AM
hmotors

اقتباس:

المشاركة الأصلية كتبت بواسطة M7amD_7amDy

الف مبروك ياباشا

والتقرير ممتاز بس ناقص السعر القاتل :))

الله يبارك فى حضرتك، ده من ذوقك.
1445 :hitwall3:
10-04-2013, 04:35 AM
S O P H O S

الف مبروك يا باشا ربنا يبارك
فعلا السعر قاتل بصراحة ..
11-04-2013, 08:46 PM
Mohab555

بص الغالى تمنه فيه مفيش كلام و عمر ما فرده بردجستون هتنافسها فرده كومهو !! استحاله بكل المعانى
اختيار ممتاز و التورنزا فرده من احسن فرد الكاوتش الى انتجت فى تاريخ بردجستون علشان بتجمع بين الهدوء القاتل و الاداء القوى ...
11-04-2013, 09:32 PM
hmotors

اقتباس:

المشاركة الأصلية كتبت بواسطة S O P H O S

الف مبروك يا باشا ربنا يبارك
فعلا السعر قاتل بصراحة ..

الله يبارك فى حضرتك، والحمد لله.

اقتباس:

المشاركة الأصلية كتبت بواسطة Mohab555

بص الغالى تمنه فيه مفيش كلام و عمر ما فرده بردجستون هتنافسها فرده كومهو !! استحاله بكل المعانى
اختيار ممتاز و التورنزا فرده من احسن فرد الكاوتش الى انتجت فى تاريخ بردجستون علشان بتجمع بين الهدوء القاتل و الاداء القوى ...

كلام مظبوط، وشكراً لأهتمام حضرتك جداً. :thumbsup:

إن شاء الله بعد فترة هقول اخر الأخبار علشان الناس تستفيد ويعرفو الأختيار ده عملى ويستحق الرقم ده أو لأ.

.
11-04-2013, 09:40 PM
speed_magnum

الف مبروك الكاوتش
وربنا يباركلك فيه
طبعا كاوتش محترم جدا
.........
ومن الانواع العاليه أيضا ميشلان سوبر بايلوت
و كونتيننتال سبورتي كونتاكت 3
11-04-2013, 10:57 PM
hmotors

اقتباس:

المشاركة الأصلية كتبت بواسطة speed_magnum

الف مبروك الكاوتش
وربنا يباركلك فيه
طبعا كاوتش محترم جدا
.........
ومن الانواع العاليه أيضا ميشلان سوبر بايلوت
و كونتيننتال سبورتي كونتاكت 3

شكراً، الله يبارك فى حضرتك.

فعلا ً كان فى انواع تانية بس لقيت الناس مجربة ال gr-90 فكان ده من العوامل المشجعة اكتر.

.
12-04-2013, 01:30 PM
moha4tec

الف الف مبروك ربنا يباركلك فيها و يكفيك شرها
و البريدجستون افضل بمراحل كتير
12-04-2013, 05:13 PM
hmotors

الجزء الثانى

اقتباس:

المشاركة الأصلية كتبت بواسطة moha4tec

الف الف مبروك ربنا يباركلك فيها و يكفيك شرها
و البريدجستون افضل بمراحل كتير

حقيقى سعيد جداً بمرورك يامحمد و شكراً الله يبارك فى حضرتك، وهوه فعلا فى فرق بمراحل ويمكن الدرس ده كان مكلف جداً مادياً بس كنت عايز اخوض التجربة وعملت حسابى على المبلغ من فترة وبرضه دى من اكثر مكونات العربية اهمية وتستحق التضحية و ده فعلاً درس الواحد المفروض ميوفرش فى كوتش عربيته.

الجزء الثانى من التجربة:
- إستهلاك البنزين فى فرق نسبى و واضح، يعنى جوه البلد قدرت العربية تكسر ال 500 كم مع العلم الصيانة وحالة المتور مظبوطة وقبل كده كان اقل من الرقم ده بنسبة 30 الى 60 كم لمراعة طريقة وظروف القيادة المختلفة.

- هاجى لنقطة مهمة جداً (الفرامل+الثبات) هقوم فيها بربط التعديلات الى كان عملها الزميل العزيز moha4tec فى عربيته من بارات الثبات وحجات تانية لزيادة نعومة العربية وتقليل مطبات الهواء والثبات فى الملافات مع العلم انى مش مركب فى عربيتى التجهيزات دى بس فرق الكوتش قلل بشكل كبير و ملحوظ المشاكل دى:
- الفرامل كلنا عارفين انها فى بعض الأحين بتعمل صوت التخبيط الى هو نظام ال ABS لما الطريق يكون غير مستوى وفى تعريج شديدة او رمل/ زلط وتدوس فرامل بقوة يمكن متكنش كبيرة يحصل صوت تخبيط او رجرجة متكررة من قدام، اكتشفت ان الكوتش كان مشترك بشكل كبير فى حدوث هذه الظاهرة واختبرت الفرق ومحصلش خالص الكلام ده وقل بنسبة 80%

- الثبات من اكتر الملاحظات المشهورة جدا فى السيراتو الجنط ال 17 فى الملفات البسيطة او الحادة ويكون الطريق غير ممهد وفى تعريجات وتدخل بسرعة متوسطة او كبيرة نسبياً تلاقى فى خلل فى الأتزان وترزيع كأن العربية (بترقص) بس لسه من غير متعوم ومطبات الهوا تحس انك مش مرتاح للعربية الوضع ده اختفى وكان الكوتش القديم من ساعة شراء العربية بيعمل الحركة السخيفة دى وكنت فاكر انها العفشة اجمالاً الموضوع ده اتحسن بنسبة 70%

اخيراً تعديلات الزميل moha4tec + كوتش 17 مميز وممتاز اكيد نتيجة مبهرة وغير متوقعة للأفضل.

http://www.nilemotors.net/Nile/membe...icture2663.png

Bridgestone Turanza GR90

طيب الرقم الى دفعته ده كان ممكن يجيب طقم كامل جنوط بعجل 15 محترم بس كان هيقلل الثبات بنسبة كبيرة وهيغير شكل العربية واكيد اذا حد مش غاوى عربيات ومبيهتمش بالتفاصيل كان لازم يعمل كده ويغير الجنط ال 17.

طيب النصيحة عندك جنط 17 يبقى لازم تحط كوتش محترم مهما كان التمن اول متشترى العربية و الأفضل متشتريش عربية جنط 17 من الأول اذا مش محتاجه ووفر الفلوس لحاجة تانية، بجد الكوتش الى نازل مع الجنوط ال 17 فى عربيات كيا ظالمها جدا، و بيكره ناس كتير فيها وطبعا كلنا فهمين مش سهل ان اى حد يطلع الفرق ده غير فعلاً الى محتاج وفاهم الجنط ال 17 وعايز عربية مختلفة وطريقة قيادة مختلفة علشان تحافظ عليه وبرضه كل الكوتش ال low profile محتاج حرص جامد.

مع اطيب التمنيات والأستفادة من الموضع. :satelite:

.