وعلمنى العوم والنبى يا أحمد
عرض للطباعة
وعلمنى العوم والنبى يا أحمد
فعلا انا بردو من متابعتي لمنتدى الصيد ان المراكب عامة بتشيل من 6-8
بس ياجماعة لازم يكون معانا حد متمكن
و عايزين نعرف فعلا العدة موجودة على المركب ولا حنشتري
وطبعا لازم يكون معانا حد خبير يبقى الراعي الرسمي عشان يقولنا على الطعم و الذي منه
ماينفعش نطلع كلنا مبتدئين كده
نداء الى الاخ GoodWave
تعالى اكسب فينا ثواب
طيب انا اكيد من ال 6 - 8 دول ان شاء الله طالع
شوفلنا بقى 19 واحد كمان غير الخبير :)
لي فكره ياشباب انا كنت بعمل الموضوع ده في شوم الشيخ و كان جامد جداً
المركب بيبقي فيها عدة صيد تكفي المجموعه و المراكبي اللي بنتطلع معاه كان هوه بيصطاد سمك و بيقليه بقي و يعمل رز و كده علشان الغدي
و دلوقتي بنتطلع من العين الشخنه في نادي هناك كده مش فاكر اسمه ايه بي هوه امام بورتو سخنه علطول
و معايا نمرة واحد هناك علشان نحجز معاه اليوم اللي احنا عايزينو
والله يا شباب انا سعيد بأهتمامكم بالموضوع و فعلا الصيد دة هواية جميلة فعلا
و انا على فكرة لسة مبتدئ لكن الحمد لله فى الفترة اللى اصطدت فيها خدت خبرات كتييير فى مجال الصيد فى المياه العذبة لكن مطلعتش مالح قبل كدة الا مرة واحدة اصطدت فى شرق التفريعة فى بورفؤاد.
و على فكرة المركب فى السخنة بتعمل من 160 الى 250 ليوم الواحد .
و المركب بتشيل من 6-8أفراد يعنى مش هتبقى مكلفة اوى.
و بيبقى يوم لزيز و ممتع جدا .انا طلعت السخنة دى مرة واحدة بس غطس مش صيد.
طبعاً الإسكندرانية دايسين جامد فى الموضوع ده ..... إحنا بتوع القاهرة بنصطاد فى البانيو :biggrin24:
انا أسف يا جماعة
الكلام خدنا و معرفتكوش بنفسى
انا اخوكم احمد من الزقازيق و شغال مدرب سباحة
فى العاشر من رمضان و كنت فى الشمس.
و هاوى صيد من 3شهور بس...!!
اخوانى بصراحة فكرة هايلة
علشان الواحد يبعد عن القاهرة وزحامها وهمومها
والله كنت بفكر فى موضوع الصيد دة من اسبوع ويا سلام على روقان الدماغ وانت قاعد تصطاد فى الطراوة
بس محتاجين الاول دورة تعليمية عن الصيد لان الواحد فى موضوع الصيد دة بالذات ..... زى ستى فى دراسة اللغة الصينية
الاول عاوز اعرف بتجيبوا الصنارة والذى منة منين
طيب يا جماعة
احنا عاوزين الكلام العملى
عشان بس منضيعش وقت عشان على علمى
ان اليومين دول يومين الصيد.
لو حد يقدر ينظم الرحلة دى ننجز وقتنا و منضيعش وقت.
يعنى نلم بعضنا و نتكل على الله.
بس محتاجين الاول دورة تعليمية عن الصيد لان الواحد فى موضوع الصيد دة بالذات ..... زى ستى فى دراسة اللغة الصينية
ان شاء الله كل واحد عندة خبرات فى هذا المجال
ميبخلش على اخوانه بالمعلومات