انا معايا جيب شيروكي 2010 kk وبفكر ابيعها علشان البنزين والضريبه انا بفكر في نيسان قشقاي اتوماتيك او بيجو ٣٠٠٨ انا هام حاجه عندي تكون العربيتين في ثبات الشيروكي ان ما كانش اكبر ويكون التكييف والصيانه والعفشه مريحين في السفر لاني انا مش مرتاح في الشيروكي من نتحيه العفشه والتكييف اما الثبات فهو معقول لان العربيه عاليه عن الارض وارتفاعها ٢٤ سم فانا عايز رايكم اجيب قشقاي ولا بيجو ٣٠٠٨ ولا ما اغيرش الشيروكي بس يا ريت يكون حد ساق العربيات الثلاثه دول علشان حكمه يكون عادل
البيجو 3008 واطية جدا ارتفاعها عن الارض حوالى 16 سم
اضم صوتي لصوت استاذ kfma1 ال 3008 ارتفاعها مش العالي اوي وانا بصراحه جربت القشقاي جامده جدا بتاعت واحد والد زميل ليا بسم الله ما شاء الله ربنا يباركلهم فيها حاجه كده من الاخر قوة اداء وموتور وثبات ما شاء الله وتكييفها معرفهوش لان لسه الصيف مدخلش وده اول صبف ليها بس صالونها كويس جدا ومريح ومن الداخل السقف اعليمن ال jeep بس لو عليا القشقاي هجيبها وقتي
يا اسلام باشا حضرتك سوقت القشقاي وجريت بيها وملفات وغرز ولا سوقتها كده بالراحه وحضرتك سوقت جيب قبل كده ولا لا علشان اعرف مدي استجابه القشقاي
بص انا جربت الليبرتي 2004 جري وشد وقرص وغرز عشان كانت بتاعت واحد صاحبي وكانت حالتها كويسه مش متهانه بس بردوا حسيت انها مش علي قد المستوي من القشقاي هي اه في فرق في المواتير بس صدقني القشقاي في ظل ظروف البنزين هتكسب بمراحل
ولما سوقت القشقاي كان اقصي حاجه اني زودت الدوسه شويه وعليت الار بي ام علي 6 والعربيه بسم الله ما شاء الله تجميع ولا اروع مع ان الناس بتقول ان نيسان استهلاكه لبنزين غير منتظم بس انا بيتهيالي ان ده راجع لان العربيه لسه جديده ومحدش لحق يحفظها
اقتباس:
المشاركة الأصلية كتبت بواسطة amroelras
أنا بفكر نفس التفكير دة بس لسة مش عارف أخد قرار ، معايا kk 2009
ده يتوقف انت عايز ايه من العربيه
لو ثبات وماتور يبقى XV ثم 3008 ثم ix35 ( هاى لابن) ثم قشقاى
لو عائليه ووسع يبقى IX35ثم 3008 واخيرا القشقاى...........ثم XV (بسبب الشطنه)
لو اوبشنز وحركات يبقى IX35 ثم 3008 ثم القشقاى
لو توكيل وانتشار واعادة بيع يبقى القشقاى ثم ix35 ثم 3008
دى طبعا مجرد وجهة نظر شخصيه
بيجو 3008
اجمد من القشقاي في الموتور و الاوبشن و ثباتها جامد
بس عيبها سعر اعاده البيع
يا اسلام باشا مع احترامي لحضرتك الليبرتي من ٢٠٠٢ الي ٢٠٠٧ عباره عن مراجيح مولد النبي موتور فقط بدون ثبات العربيه فعلا تخوف اما الموديل اللي بعده kk فده ارحم بكتير من الليبرتي ٢٠٠٤ اللي حضرتك سوقتها انا كده لازم بقي اجرب القشقاي ةالبيجو ٣٠٠٨ بنفسي علشان المغامره
الاستاذ phantom0xx0
لما حضرتك تلاقي حل في مشكلتنا ابقي طمني علشان البنزين والضريبه خربوا بيتي
100% agreeاقتباس:
المشاركة الأصلية كتبت بواسطة Mohyeldin1974
You can also check the new VW tiguan, 1.4TSI with fuel 92, lots of options & a german car
اقتباس:
المشاركة الأصلية كتبت بواسطة kariko
depending on the budget !! its almost 300k and i think DSG
and fuel should be 95
٣٠٠٨ اعتقد أكثر ثباتا من القشقاي و أعلي سعرا و أعاده بيع مش إد كده و قطع غيار فرنسا وي غالبا أغلي
القاشقاي اقرب لل ٤*٤ أرخص
أنا كنت بفاضل بين الاتنين و فالآخر جبت القشقاي ٢٠١٣
بالتوفيق
أنا معى KK 2008اقتباس:
المشاركة الأصلية كتبت بواسطة amroelras
السياره فى إستهلاك البنزين معقوله جدا بالنسبه لسعة المحرك 3700CC
الصوره المرفقه أخذتها من سيارتى لتوضيح إستهلاك البنزين وهو 11 لتر لكل 100 كيلومتر أى ان اللتر الواحد يعمل 9 كيلومتر يعنى الصفيحه 20 لتر تعمل 180 كيلومتر وهذا فى المسافه من السويس إلى القاهره على سرعة 120 كم و RPM 2000 تقريبا أما فى داخل البلد يرتفع الإستهلاك إلى 12.8 إلى 13 لتر لكل 100 كيلومتر وأعتقد أن الإستهلاك معقول جدا ولكن يتوقف على طريقة قيادتك و الحاله الفنيه للسياره
الأمر الثانى وهو الراحه فى السفر أو العفشه
وهو يمكن التغلب عليه بمراجعة ضغط الإطارات طبقا للمانوال الذى تسلمته سيادتك و ان تكون الضغوط ضمن الحدود الموصى بها لأنها تتغير بعد التحرك بالسياره قليلا ( تزداد)
بذلك سوف تجد أن العفشه أصبحت أكثر راحه فى المطبات بصفه عامه
السياره ممتازه فى كل شئ إلا موضوع الضريبه الظالمه
جرب لن تخسر شئ
مع خالص تحياتى لشخصك الكريم
http://imageshack.us/a/img809/9013/20121118171459.jpg
انا برجح انك تجرب القشقاي من حد جاب العربية علشان تعرف تحكم والمنتدى فية نسبة كبيرة معاهم العربية ارجو ان لا يبخلو عليك بلأفادة وانا من وجهة نظري البحتة العربية ما هيا الا وسيلة راحة بال مدام مقتنع بيها وعربية مريحة ومحترمة مش مهم اي حاجة تانية وكمان محدش يسرقني في ضريبتها علشان الظلم ظلمات ارجو لك الخير اينما كان
رأيي الشخصي ......... قشقاي