الموضوع: عربيات تاكسي العاصمه

المشاركة الأصلية كتبت بواسطة hugan

شهاده البيانات
اكيد لازم يكون في شهاده مخالفات
وعقد البيع

سيدي الفاضل شاكر جدا لسرعه رد حضرتك
شهاده المخالفات موجوده
وعقد البيع موجود
وجواب النائب العام موجود
ايه المطلوب بعد كده ؟
اسف ع الازعاج

المشاركة الأصلية كتبت بواسطة hugan

هاتاخد كل الورق اللي معاك وتطلع علي اداره المرور التابع ليها وترخص ان شاء الله

شاكر لحضرتك جدا ع الرد
بس هو يعني مفيش ورقه كمان مطلوبه ؟
وهل اول ما اروح افحص من نفسي ولا اسال ف الشباك
اسف ع الاطاله بس اول مره ارخص عربيه والوالد مسافر
تقبل تحياتي ونورت الموضوع

المشاركة الأصلية كتبت بواسطة hugan

اهههه
فهمت
مبدئيا لو العربيه هاتترخص باسم الوالد يبقي مشوارك مالوش لازمه
لازم يكون موجود بشخصه
لو باسمك
حضرتك تطلع علي اداره المرور بعد صلاه الفجر
لو لقيت شباك يقولك تعمل ايه زي الدول المحترمه يبقي خير وبركه
هاتقف علي الخزنه اول شيء
تشتري ورق فحص
تطلع تفحص وتدي المهندس 20 جنيه غصب عنك وعامل البصمه من 5 الي 10 جنيه
تختم وصل الطفايه بعد مراجعتها
لو مش معاك طفايه تشتري واحده من داخل المرور
هايقابلك اكشاك شركه التامين
تختار اي شركه لانهم مالهمش لزمه وتشوف ها ترخص كام سنه وتدفع التامين الاجباري
وبعد كده تاخد دور في شباك التراخيص
ان شاء الله تلاقيه سالك وتخلص بسرعه
هايدفعك في الخز نه مصاريف الترخيص حسب السنين
تخلص شباك التراخيص
تاخد ورقه صغيره وتطلع علي شباك النمر واستلام الرخصه
وبكده تكون خلصت

شاكر لحضرتك جدا ع الرد
العربيه باسم والدي بس والدتي موجوده ومعاها توكيل من النائب العام
يعني اول حاجه من غير ما اكلم اي حد اخش ع الفحص ؟

المشاركة الأصلية كتبت بواسطة hugan

بالضبط تشتري ورق الفحص من الخزنه
وتفحص وبعد كده تخلص الترخيص

شاكر جدا ع مجهودك ووقتك واسف لو تعبتكوا
بس اخوكو الصغير ومزنوق
باذن الله اروح بكره مرور فيصل واطمنكوا ع المستجدات بس سؤال اخير اروح الساعه كام ؟
خصوصا ان بكره المرور بيبقا نص يوم