خلاص الحمد لله استقريت على السيراتو الجديده اول فئه

الحمد لله وبعد طول معاناه مع الريو اللى كنت خلاص
هجيبها ولكن اتصدمت ولقيت سعرها وصل ل 150 الف
قلت طب ليه اركب ريو اما ممكن اركب النترا او نيو سيراتو
وبنفس السعر وكنت عملت مقارنه ما بين الالنترا والنيو سيراتو
وناس كتير اجمعت على السيراتو الشكل الجديد علشان محدش ماشى
بيها كتير فى الشارع وكده وهتبقى حاجه جديده وكمان علشان توكيل
كيا محترم جدا وبما ان الميزانيه كانت مينفعش باى حال من الاحوال
تزيد عن 150 الف علشان كده اضطريت اجيب اول فئه الفاضيه وحاسس
انها فقيره جدا جدا مع انى مش عارف امكانياتها وعايزكوا تقولولى
ايه الامكانيات بتاعه الفئه دى وكمان ايه افضل الالوان فى الشكل ده
وادعولى استلم على خير علشان هغرقكوا تقارير باذن الله

موفق وان شاء الله تستلم علي خير

اختيار موفق جدا
بس كنت افضل الالنترا لسبب واحد بس الانتشار
لكن نيو سيراتو جميلة جدا فى كل حاجة

مبرووووووووووك

الله يبارك فيكوا يارب ويكرمكوا
بس محدش قاللى ايه افضل الالوان فى السيراتو
الشكل ده وكمان ايه الامكانيات اللى فى الفئه دى
والاعلى منها على طول بكام بالظبط

الف مبروك ان شاء الله تنال منها كل خير
السيراتو اجمل الالوان الاسود الابيض الفضي
الابيض جذاب جدا عليها
الالوان اذواق اولا واخيرا

اقتباس:

---

المشاركة الأصلية كتبت بواسطة elmashtoly

الله يبارك فيكوا يارب ويكرمكوا
بس محدش قاللى ايه افضل الالوان فى السيراتو
الشكل ده وكمان ايه الامكانيات اللى فى الفئه دى
والاعلى منها على طول بكام بالظبط

---

تستلم على خير ان شاء الله .
ادخل على kia motors egypt حتلاقى المواصفات لكل فئه .
اول فئه اتو 148 و تانى فئه اتو 156 . اما الالوان دى اذواق

الفئات هنا
http://www.kia.com.eg/ar/vehicles/Cerato/

اول الفئة بـ 148 فيها جنوط حديد 15 - مرايات كهرباء - زجاج كهرباء - امكانية ضبط عجلة القيادة فى 4 اتجاهات - فوجات امامية - مسند يد امامى - نقاط تثبيت كراسى الاطفال بالخلف - راديو CD MP3 USB AUX - نظام مانع السرقة Immobilizer - وتكييف مانيوال.

الفئة اللى بعدها بـ 156 الف وبتزيد جنوط 16 رياضية - ايرباج للسواق - امكانية التحكم فى ارتفاع كرسى السائق - نور قراءة امامى وجراب لحفظ النظارة - تحكم فى الكاسيت من عجلة القيادة.

واللى بعدها 165 الف بتزيد ABS - ايرباج للراكب - اشارات ليد فى الرايات الجانبية - مرايات ضم - مسند يد امامى متحرك - فتحات تكييف خلفية - مسند يد خلفى بحامل اكواب - مثبت سرعة بتحكم من عجلة القيادة - ريموت كنترول للابواب.

اللى بعدها بـ 183 الف وبتزيد جنوط 17 - عجلة قيادة جلد - عصاية الفتيس جلد - التحكم فى مستوى باور عجلة القيادة (Comfort - Normal - Sport) - شيفتات التحكم فى الفتيس من عجلة القيادة - مقابض الابواب الخارجية كروم - فتحة سقف - نظام التحكم فى النور اتوماتيكيا - فوانيس ليدات امامية - فوانيس ليدات خلفية - تبريد فى الدرج الامامى - بلوتوث بامكانية التحكم من عجلة القيادة - سمارت كى - حساسات ركن امامية وخلفية - انوار فى المرايات الخارجية ومقابض الابواب.

اللى بعدها بـ 196 الف وبتزيد كرسى السائق كهرباء 10 اتجاهات و2 ذاكرة لضبط الكرسى - فرش جلد (رمادى - ابيض - بنى) - كاسيت تاتش - كاميرا خلفية - تكييف تاتش Dual zone مزود بـ ايونيزر - شاشة LCD بين العدادات.

ياحلاوه

كيا سيراتو ب 200 اللف

اركب الالنترا اول فئه 145 الف بعد الخصم
او سول تانى فئة 155 الف
او سيراتو الشكل القديم ب 145 الف
او الفلوانس الجديده ب 161 الف

كل دوووووووول اشد من السيراتو الشكل الجديد كفئات اولى لان السيراتو الجديده متتركبش غير هى لاين والفئه الاول متستهلش فلوسها

سيراتو بالاسعار دى ليه عشان ايه يعنى والمشكلة ان الناس بتشترى

اقتباس:

---

المشاركة الأصلية كتبت بواسطة yasserelsayad

اول الفئة بـ 148 فيها جنوط حديد 15 - مرايات كهرباء - زجاج كهرباء - امكانية ضبط عجلة القيادة فى 4 اتجاهات - فوجات امامية - مسند يد امامى - نقاط تثبيت كراسى الاطفال بالخلف - راديو cd mp3 usb aux - نظام مانع السرقة immobilizer - وتكييف مانيوال.

الفئة اللى بعدها بـ 156 الف وبتزيد جنوط 16 رياضية - ايرباج للسواق - امكانية التحكم فى ارتفاع كرسى السائق - نور قراءة امامى وجراب لحفظ النظارة - تحكم فى الكاسيت من عجلة القيادة.

واللى بعدها 165 الف بتزيد abs - ايرباج للراكب - اشارات ليد فى الرايات الجانبية - مرايات ضم - مسند يد امامى متحرك - فتحات تكييف خلفية - مسند يد خلفى بحامل اكواب - مثبت سرعة بتحكم من عجلة القيادة - ريموت كنترول للابواب.

اللى بعدها بـ 183 الف وبتزيد جنوط 17 - عجلة قيادة جلد - عصاية الفتيس جلد - التحكم فى مستوى باور عجلة القيادة (comfort - normal - sport) - شيفتات التحكم فى الفتيس من عجلة القيادة - مقابض الابواب الخارجية كروم - فتحة سقف - نظام التحكم فى النور اتوماتيكيا - فوانيس ليدات امامية - فوانيس ليدات خلفية - تبريد فى الدرج الامامى - بلوتوث بامكانية التحكم من عجلة القيادة - سمارت كى - حساسات ركن امامية وخلفية - انوار فى المرايات الخارجية ومقابض الابواب.

اللى بعدها بـ 196 الف وبتزيد كرسى السائق كهرباء 10 اتجاهات و2 ذاكرة لضبط الكرسى - فرش جلد (رمادى - ابيض - بنى) - كاسيت تاتش - كاميرا خلفية - تكييف تاتش dual zone مزود بـ ايونيزر - شاشة lcd بين العدادات.

---

حضرتك متأكد ان الهاى لاين فيها الشاشة العريضة الملونة ؟ اصل شاب من بتوع المبيعات فى روكسي قالى ان كلهم نازلين بنفس الشاشة الصغيرة يا تأكد المعلومة و جزاك الله خيرا

ألف مبروك مقدما عربية جميلة و هتعجبك
و مدام أنت مقتنع بيها هتها و ملكش دعوى بكلام الناس علشان أنت إلى هتركبها مش هما و هنا كل المنتدى مش عجبه سعرها ناسين أن العربيات كلها غليت أو يقول لك أنواع محدش بيشتريها
بالنسبة للسحب بتعها جميل جدا أحسن من عربيات كتير ( على فكرة أنا معايا عربية تانية أوكتافيا و مش أول مرة أركب عربية أنا كان عندى بي إم 2003 ) فعارف بقولك أه
بالنسبة للعفشة هى جميلة أخف من السيراتو القديمة بكتير
بالنسبة للثبات على السرعات كويسة مش وحشة بس أقل من الفنتازيا
بالنسبة للفتيس النقلات مبتحسش بيا إلا لو جبتها على اﻹستب وبتحرق جامد بتحس بيا و أنت بتنقل بس على العادى من غير حرق مبتحسش بيها و غير كدة النقله مبتحملش على الماتور
يعنى 4 rpm بتبقى على سرعة 173 تقريبا ده كويس لأنه بيقلل الحمل على الماتور و ربنا يوفقك ولو عاوز أى إستفسار أنا تحت أمرك

أحسن ألولن الفضى و دة إلى معايا
أحمر
أزرق من وجهة نظرى

اختيار موفق بس ياريات حضرتك لو ينفع تزود شويه و تجيب الفئه الثانية
علشان مينفعش تركب عربيه بمبلغ كبير و مفيهاش اوبشن عالى ... و الفرق مش كبير
وياريت لو تعرف تبص برده على الرينو فلوانس الجديد تحفه فنيه بمعنى الكلمة

اقتباس:

---

المشاركة الأصلية كتبت بواسطة yasserelsayad

اول الفئة بـ 148 فيها جنوط حديد 15 - مرايات كهرباء - زجاج كهرباء - امكانية ضبط عجلة القيادة فى 4 اتجاهات - فوجات امامية - مسند يد امامى - نقاط تثبيت كراسى الاطفال بالخلف - راديو cd mp3 usb aux - نظام مانع السرقة immobilizer - وتكييف مانيوال.

الفئة اللى بعدها بـ 156 الف وبتزيد جنوط 16 رياضية - ايرباج للسواق - امكانية التحكم فى ارتفاع كرسى السائق - نور قراءة امامى وجراب لحفظ النظارة - تحكم فى الكاسيت من عجلة القيادة.

واللى بعدها 165 الف بتزيد abs - ايرباج للراكب - اشارات ليد فى الرايات الجانبية - مرايات ضم - مسند يد امامى متحرك - فتحات تكييف خلفية - مسند يد خلفى بحامل اكواب - مثبت سرعة بتحكم من عجلة القيادة - ريموت كنترول للابواب.

اللى بعدها بـ 183 الف وبتزيد جنوط 17 - عجلة قيادة جلد - عصاية الفتيس جلد - التحكم فى مستوى باور عجلة القيادة (comfort - normal - sport) - شيفتات التحكم فى الفتيس من عجلة القيادة - مقابض الابواب الخارجية كروم - فتحة سقف - نظام التحكم فى النور اتوماتيكيا - فوانيس ليدات امامية - فوانيس ليدات خلفية - تبريد فى الدرج الامامى - بلوتوث بامكانية التحكم من عجلة القيادة - سمارت كى - حساسات ركن امامية وخلفية - انوار فى المرايات الخارجية ومقابض الابواب.

اللى بعدها بـ 196 الف وبتزيد كرسى السائق كهرباء 10 اتجاهات و2 ذاكرة لضبط الكرسى - فرش جلد (رمادى - ابيض - بنى) - كاسيت تاتش - كاميرا خلفية - تكييف تاتش dual zone مزود بـ ايونيزر - شاشة lcd بين العدادات.

---

انا راى ان الفئة اللى ب 165 الف كويسة جدا فىها عوامل الامان و الجنط 16 فحترتاح من بلالين الجنط 17 وكمان فيها رفاهية اللى هو تحكم الكاسيت و مثبت السرعة من الطارة و ليد فى المرايات و ريموت للابواب

الف مبروك وتستلم على خير ان شاء الله زمستنين تقرير الاستلام بالصور

اقتباس:

---

المشاركة الأصلية كتبت بواسطة ahmadm

حضرتك متأكد ان الهاى لاين فيها الشاشة العريضة الملونة ؟ اصل شاب من بتوع المبيعات فى روكسي قالى ان كلهم نازلين بنفس الشاشة الصغيرة يا تأكد المعلومة و جزاك الله خيرا

---

تقصد انهى شاشة عريضة ؟
لو اللى بين العدادات فا كل العربيات السيراتو اللى كانت فى معرض اوتوماك كان فيهم الشاشة دى
وسألت واحد من المبيعات هناك وقالى انها بتنزل فى الهاى لاين بس

اقتباس:

---

المشاركة الأصلية كتبت بواسطة yasserelsayad

تقصد انهى شاشة عريضة ؟
لو اللى بين العدادات فا كل العربيات السيراتو اللى كانت فى معرض اوتوماك كان فيهم الشاشة دى
وسألت واحد من المبيعات هناك وقالى انها بتنزل فى الهاى لاين بس

---

هو يقصد يا ياسر ان فيه شاشتين :
- واحده عريضه متصله بين العدادين . دى شوفتها فى الهاى لاين فى ريفيوهات العربيات الخليجى فى دبى .
- واحد صغيره عنها مش واخده المسافه كلها بين العدادين و لما سالت عند الطارق قالى كله نازل نفس حجم الشاشه بس ماكانش عنده الهاى لاين عشان اتاكد .
ارجو التوضيح و شكرا

نصيحة لوجه الله لو خلاص هتشتري كوري يبقي لازم تجيب الفئه فيها abs

ايوة انا قصدى الشاشة العريضة اللى بين العدادات و كمان ملونة

اهتم بوسائل الامان شويه وخصوصاً المدعو abs ههههههههههه

ده هينفذك فعلاً في اوقات بس مبرووووووووووك عليك مقدماً وعايزين تقارير بقى بعد ما تشتري

اقتباس:

---

المشاركة الأصلية كتبت بواسطة ahmadm

ايوة انا قصدى الشاشة العريضة اللى بين العدادات و كمان ملونة

---

انا اعتقد انها مش موجودة لان العربية اللى جربتها مكنتش فيها .. بس كان فيه منها فى التوكيل وفى المعرض بتاع العربيات بالشاشة الـ lcd

الله يعطيك خيرها ويكفيك شرها وتمشي بيها في الخير

مبروك مقدما ,,,,,
ياريت تجيب الفئه اللى ب 165 لان فيها abs و ايرباج و اوبشنز حلو و جنط 16
صعب انك تشترى عربية موديل 2013 ب 150 الف مفهاش abs او air bag
ع فكرة , العربية شكلها حلو اوى و اى لون هيبقى حلو عليها بس انا بحب النبيتى اوى و بعديه السيلفر