هو انا لو فضلت ماشي على الثاني كتيير غلط ؟ :) :) :)
لو سمعت صوت الماتور علي ، ومانقلتش على الغيار الاعلى غلط ولا عادي ؟
واخيرا .. ايه اسلم طريقة عشان احافظ على عمر الماتور بغض النظر عن البنزين ؟؟
والطريقة الافضل للنقلات ؟؟
وشكرا :F_eyeb1[1]:
عرض للطباعة
هو انا لو فضلت ماشي على الثاني كتيير غلط ؟ :) :) :)
لو سمعت صوت الماتور علي ، ومانقلتش على الغيار الاعلى غلط ولا عادي ؟
واخيرا .. ايه اسلم طريقة عشان احافظ على عمر الماتور بغض النظر عن البنزين ؟؟
والطريقة الافضل للنقلات ؟؟
وشكرا :F_eyeb1[1]:
1-لا مش مشكله انك تمشي علي التاني....الفكره انك هتخلي الموتور صوته يعلا و عدد لفاته كتير وبكده هياكل منك بنزين...لو انت متعلم جديد،هتلاقي نفسك عاوز تمشي بطي و بعدين هتتعلم امتي و ازاي تنقل
2-حافظ علي الموتور بعمل الصيانه الدوريه...زيوت..فلاتر..الخ الخ،اقرا موضوعات القسم و هتتعلم كل حاجه
لو عندك عداد ار بى ام هتعتمد على عينك عليه متخليهوش يعلى عن 2.5 او 3 بالكتير فى اى غيار الا الغيار الاخير طبعا سواء كان عندك خامس او رابع
اما لو مش عندك فهتعتمد على ودنك مع صوت الموتور ميعلاش قوى
او طريقه افضل لو معندكش عداد ار بى ام عينك على عداد السرعه الاول من 0 الى 20/15 والتانى من 20 الى 40/35 والتالت من 40 الى 60/55 والرابع من 60 الى 80/75
وبما انك جديد ومانيوال بالمره خد بالك من شوية ملاحظات مش كتير هيقولهالك
الدبرياج هو روح المانيوال ده الافيونه بتاعته
يعنى بدور رجلك عليه هيريحلك المارش والبطاريه
وانت بتلف رجلك عليه عشان يريحلك الكبالن
وانت بتفرمل رجلك عليه عشان يريحلك التيل
بس هو مش صح اني ادوس عليه عمال على بطال مش كده ؟؟
سؤال كمان من فضلكم ،،، بالنسبة للوقفات المتكررة عشان الزحمة انهي افضل ،،، اخليني دايس عليه وانا مدي غيار لحد لما الطريق يفك ولا امور العربية واشيل رجلي خالص ، ولما الطريق يتحرك ادي الاول وامشي ؟؟؟!!!!
ولا احاول اقيمها من ده على ده على حسب الوقفات ومدتها ؟؟؟
وشكرا
الافض وانت واقف في اشارة تمور العربية طبعا عشان غلط انك تدوس علي الدبرياج باستمرار حفاظا علي اسطوانة الدبرياج
طبعاً الأفضل إنك تمور العربية عشان تريح إسطوانة الدبرياج وكمان لو فضلت دايس على الدبرياج حتلاقى العربية بتسخن منك بسرعة
وعشان تريح الموتور ويعمر معاك أهم حاجة متتحركش بالعربية غير لما تسخن ومؤشر الحرارة يوصل لحرف السى . وأهتم بتنضيف فلتر الهوا كل 5000 كيلو وغيره لما يتبهدل وأهتم بتغيير الزيت وفلتر الزيت ونضف فلتر البنزين وغيره لو أتسد وأهتم بنقل الغيار على السرعة المعقولة يعنى مش بدرى ولا متأخر
كلام حضرتك شكله وافي جدا .. وفعلا تستحق وسام التميز بكل جدارة
يكفي انك ماسيبتش حد الا ورديت عليه :)
ولاكن انا مع الاسف ... مش فاهم اي حاجة مش فاهم المصطلحات المعقدة دي كلها ،،، اكيد مليون في المية طبعا العيب مني انا
ومعومات حضرتك. على دماغي من فوق
بس انا اخري اعرف الديبرياج والفيتيس ،، لاكن من جوه .... مع الاسف ولا الهوا
محتاج حد فعلا اقعد معاه ويفتحلي العربية ويشرحهملي ....
تحياتي