الموضوع: من وجهت نظرك البحته : تعدد الزوجات.. هل هيحل مشكلة العنوسة؟

موضوع التعدد فعلاً ده شيء عادي جداً
ومين فينا معندهوش اخ ولا حتى عم ولا أب او جد. مش متجوز وحده واتنين وتلاته ... حتى كنا زمان نسمع عبارة ان ده اخويا شقيقي. وده اخويا من ابويا او ده اخويا من امي ( الاخ الغير الشقيق ) لكن النهردة نادر ما نسمع الكلمة دي والنتيجه بقت في عنوسة متفشية في المجتمع ... طب بالعكس بقه عارف لمن تروح تتقدم لوحده ابوها متجوز اتنين او تلاته تلاقي العملية اسهل بكتيرررر قوي وربنا ميسرهالك. اكتر من. ان يكون الواحد متجوز وحده بس .

وكتير من الناس متجوزين في السرر ... من ورى خوفهم من زعل زوجاتهم بس بتوصل للرجل مرحلة كده بيبقى خلاص بيقول انوا متجوز تاني والي يزعل يزعل ... والي مش عاجبوا يتفلق.حتى لو زوجتوا سابت لو البيت وراحت عند بيت ابوها ... وكان في فترة كان في منتدى نسائي منزلين موضوع. مستغرب ليه قووي استطلاع زي ده بيقولك ياسيدي. بعنوان ( شبح العنوسة ولا نار التعدد)

تصور ٨٠ في المية من الستات اختاروا شبح العنوسة ... طب انا بسئل نفسي سؤال ليييييييييه !

وفيها ايه يعني لمن تتجوزي واحد متجوز. هيحصل ايه يعني. لمن يقصر في واجباتوا ابقي ساعتها اتكلمي ... لمن ميرضاش يصرف عليكي ابقي ساعتها اعترضي. لمن ميقولكيش. كلمة حلوة. ساعتها ابقي قوليلوا لا يحلو اسطوب عندك :)

وباستغرب جداااااااً من مسلسل. بتاع مصطفى شعبان الي طلع في رمضان الي كان متجوز اربعه. باستغرب رأية المخرج انوا يشوه الناس الي بتتجوز اربعه ... وحالياً كمان بعض النظرات المتخلفة في المجتمع ان لمن يعدي راجل قدامهم متجوز اتنين ولا حتى تلاته تبص تلاقيهم بيتلامزوا. وبيوش وشوا بعض. وبيقولوا بصوا بصوووو الراجل ده على فكرة متجوز اتنين !

وزميلوا : يااااااااااااه متجوز اتنين مره وحده !!! كان حاجة مصيبه او كارثة. او شيء خارق يعني .
فالمجتمع والناس بيدفعوا الواحد انوا يتجوز في السر رغم انوشرع الله. وبحكم ربنا وشيء عادي ... انا مثلاً واحد من الناس الي الى الان لا اعرف عدد خيلاني او كل عمامي او حتى ابنائهم من كترهم بسم الله مشاء الله ... وبنتقابل في المناسبة علشان نفتكر بعض

وتحياتي
@@@@@@@@@@

المشاركة الأصلية كتبت بواسطة 3mr farrag

ياريس باشااااااا
هو احنا عارفين نفتح بيت واحد بزوجه واحده علشان تقول
الشباب يتجوزوا اتنين علشان العنوسه!!!!
هتعمل ايه العنوسه ما دام الحل التاني تاكل رمل و زلط
ديه لو لقيتهم اساسا الرمل و الزلط
غير بقي الخلفه الكتير
وشويه بشويه نسرحهم يبيعوا مناديل علشان يطفحوا
الكلام ده يعمل مصيبه اكثر و الفساد و البلطجه يكثر
ومسؤليات الاب تكثر و تبقي اصعب
لأن ما فيش فلوس تكفي مصاريف البيت غير الاب هتلاقي ملخوم و قرفان من الدنيا
ومش هيهتم بالبيت ولا الولاد و العيال تبوظ و نشوف جيل ازفت من الموجود دلوقتي
قولنا كلام منطقي موضوعي ينفع يتنفذ :(

يا عمر يا عزيزي
انا قلت نكتر زواج بس مقلتش نكتر خلفه. ... هو حد مودي البلد دي في داهية غير الخلفة الكتير ( خلف وارمي )
ده بالعكس انا من مناصرين تحديد النسل. باي طريقة كانت ومع فكرة محدش ياخود دعم وهوا عندوا اكتر من عيلين ، يعني مش هو يخلف والحكومة تئكل واحنا ندفع ضرايب علشان هو ينبسط. .

بس مثلاً ذكرت ياعمر نقطة جميلة ان في شباب مش قادرة تتجوز او مش قادر يفتح بيييت طيب ماهو ياعزيزي في مطلقات او ارامل. ( الولية الي جوزها اتكهرب في الحمام دي هههه ) عندهم شقه مثلاً. ... لا واحياناً بيبقى عندها معاش جوزها السابق او يكون عندها وظيفه. طيب فيها ايه لمن الشباب يروحوا يتجوزوا البنات الي زي كده. فيها ايه !!!

وهبسطهالك يا عزيزي في ناس نفسها في حته سامسونج اس ثري الجديدة او حته اي فون وممعهوش يجيبوا مش بيروح يجيبوا مستعمل بنص التمن بس استخدام طبيب حاجة كده. لقطة. فاهمني ... بس عيب الشباب بيوقعدوا كده حاطين ايديهم على خدهم. وبيقولوا هنعمل ايه ياربي هنعمل ايه ياربي وظروف البلد وحالة الدنيا. وهجيب منين. ... ده بالعكس على ما اعتقد كمان وحد يصححللي ان المطلقة او الارملة مبيبقاش في فرح ولا فستان وكوافير. والدوشة بتاعت زمان وبتبقى مؤذون وشربات ويفرقوا ملبس ... وحتى المهر مفيش ولا قايمة يعني ابسط ياعم والشبكة مفيش بس برضوا ياخي الشبكة دي تعتبر هدية من العريس ... يعني برضوا الواحد لازم يخلي عند مامتوا نظر هههههه مش يخوش بلوشي كده يعني القصد ان اي شاب يقدر يتجوووز واي شاب. يقدر يفتح بيت مهيتوا على مهيت زوجتوا وطول ما الشاب قاصد ربنا وموكل امروا على ربنا .... ربنا هيسرلوا الاموووور ويسبها لتساهيل ربنا

وبعدين اقولك حاجة يا عمر يا صاحبي. ... انا وانتا اهو كام مره الواحد بيبقى ماشي ويلاقي. شب وبت قاعدين. في حتت. مظلمة. وقال ايه قاعدين بيتكلموا ههههههه كانهم عندهم حساسية من ألاضواااء ... فمين احسن يا عزيزي. ان دووول يتجوزوا انشالله حتى. يتجوز في بيت اهلها او هيا تتجوز في بيت ابوه واموا. احسن. ولا يقضوها كورنيش وتيرمس وعسلية وبطاطا احسن :)

وادينا اهو بنعاني من مشاكل التحرش. بنعاني من مشاكل العنوسة. بنعاني من مشاكل المطلاقات بنعاني من مشاكل البطالة. فهل تتصور يا عزيزي واحد متجوز مش هيقوم ويهز حيلوا ويروح يشتغل انشالله حتى يوقف في الحمامات. يمسح الارض. طبعاً اكييييييد لان الجواز بيخلي الواحد يحفر الارض علشان يعرف يصرف على بيتوا بس طول مالواحد مش متجوز. هيفضل مقضيها كده فاهمني يا عزيزي. انوي انتا بس وملكش دعوة ربنا هيسهلها باذن الله. ... وتحياتي