عشان اللي يقول بعد كدة ( عامل من بنها ) هيتعور

**alexaway** · 11-04-2013 11:14 PM

المشاركة الأصلية كتبت بواسطة imhotep

رغم ان الخبر ايجابى و شئ كويس الا انه مايزال مجرد خطوة على طريق طويل. . . ليه. . . لان أتابلت ده هيبقى عامل زى العربيات اللى بتتجمع فى مصر. . . مكوناتها الاساسية الكبيرة مستوردة لكن ال 40% المكون المصرى عبارة عن كاوتش نسر السئ و بطارية سايلة مش عارف ماركة ايه و هى منتجات مش مشهور عنها الجودة وهو ده الاهم من مجرد انتاج سلعة. . . المكونات الاهم فى التابلت ده و هى البروسيسور و الرامات و الشاشة طبعا كلها هتبقى مستوردة ده ان ما كانش كل المكونات مستوردة و احنا مجرد بنجمعه هنا. . . الاهم ان احنا نبدأ الطريق بتاع تصنيع المكونات المتقدمة مش مجرد تجميعها. . .فين اكبر مكان فى العالم لتصنيع الدوائر الالكترونية المتقدمة هو وادى السليكون فى كاليفورنيا فى امريكا. . . طب فين تانى اكبر مكان؟

يا باشا انت حتعترض علي الانجاز العظيم دا , اعمل نفسك من بنها ومتردش
لا والعالم فرحانه كاننا عندنا اكبر مركز ابحاث الكترونية فى الشرق الاوسط :)
دفن الروؤس في التراب اسهل وبيريح من الاعتراف بالتخلف التكنولوجي والاقتصادي .
سؤال برئ هو اللي عمل الايباد دا اخوان :)

**youssef_u** · 11-04-2013 11:17 PM

و هل يا ترا هيشتغل بالتاتش ولا باللطش ؟

**|Mostafa|** · 11-04-2013 11:31 PM

لو علقت هتوقف :) يخربيت البجاحة بتاعت الناس دي...ال تابلت مصري ال.

**Egyzizo** · 12-04-2013 12:01 AM

أنا متشوق أعرف ايه الأجزاء اللى فيه صناعة مصرى بالفعل.
أكيد حاجة غير البروسيسور أوالرامات أوالهارد أوالشاشة أو المازر ..
حد عنده تفاصيل؟

**alexaway** · 12-04-2013 12:05 AM

المشاركة الأصلية كتبت بواسطة egyzizo

أنا متشوق أعرف ايه الأجزاء اللى فيه صناعة مصرى بالفعل.
أكيد حاجة غير البروسيسور أوالرامات أوالهارد أوالشاشة أو المازر ..
حد عنده تفاصيل؟

الشاسية ؟
ممكن الجيراب :)

**Imhotep** · 12-04-2013 12:11 AM

المشاركة الأصلية كتبت بواسطة alexaway

الشاسية ؟
ممكن الجيراب :)

هههههههههه انا كنت هقول الفريم

**alexaway** · 12-04-2013 12:15 AM

المشاركة الأصلية كتبت بواسطة imhotep

هههههههههه انا كنت هقول الفريم

ههههههههههههههههههههه
ليه انت متعرفش اننا تقدمنا دلوقت وبنعمل شاسية بالبادي الخارجي كله :)
يا باشا دا احنا جامدين اوي :)
والله العظيم حموت من الضحك :)

**Egyzizo** · 12-04-2013 12:20 AM

ممكن كمان مفاتيح الكيبورد ، متهيأ لى دى حاجة مش صعبة.

**Imhotep** · 12-04-2013 12:29 AM

الواحد مش عايز يبدو انه مش عايز يتفاءل او بيركز على السلبيات و يتجاهل الايجابيات و الكلام ده . . . لكن للاسف احنا لسه قدامنا اشواط طويلة. . . فاكرين لما من كام سنة المركز القومى للبحوث عمل اعلان فى الجرايد يعلن فيه بكل فخر. . . عن انتاج اول استيكة مصرية بالكامل !!!!!!! و بدل ما يحصل رد الفعل اللى هم كانوا عايزينه من ان الناس تفرح راح الموضوع ضرب فى وشهم و الناس هرتهم تريقة بسبب المقارنة بين اللى العالم وصله و بيعمله و بين اخر انجازاتنا احنا. . . يبقى ساعتها الاعلام يعمل طيب و يسكت احسن لغاية ما السلعة تبان لها كرامة غير كده ممكن تبقى تريقة السنين على اول تابلت مصرى يعمل. . . بالمانفلة :-)