العربية اللي حيلتي راحت

**dozo** · 15-04-2013 07:48 AM

الحمد لله .
حاول تأمن عليها حترتاح من القلق الى حد ما و اعتقد مش حيتكلف كتير .

**احمد نظمي** · 15-04-2013 09:49 AM

اللهم رب الضاله رد عليه ضالته

**melkhateeb** · 15-04-2013 12:18 PM

الحمدلله

**hemtey** · 15-04-2013 12:43 PM

مبروك رجوعها وربنا يستر على الناس كلها

**tarekzein** · 15-04-2013 05:23 PM

الحمد لله
مبرووووووووووووووك رجوع العربيه

**SAMEH_FOUAD** · 15-04-2013 08:01 PM

الف الف مبروك ياباشا , الحمد لله على كل شىء , ياريت بقى تحكى التفاصيل عشان الناس كلها تاخد بالها و اللى بردة سيارتة مسروقة يقدر يرجعها بإذن الله

**attyasat** · 15-04-2013 10:57 PM

حمد لله ع السلامة بس التفاصيل بقا عشان الكل يستفيد

**melkhateeb** · 16-04-2013 08:25 PM

انشاء الله مفيش حد العربية بتاعته تتسرق او يمر بنفس الموقف اللى انا شوفته .

الموضع اتسحبت من تحت البيت الساعة 4 الفجر طبعاَ كان فى النفس الوقت الكهرياء كانت قطعه من الساعة 4 الى الساعة حوالى 4:45 او 4:50 ( طبعا الايام الجيه ديه هيحصل فيها سرقه كتييييير بسبب قطع الكهرباء)
طبعاً انا نازل الصبح الساعة 8 اروح العمل وكانت هنا الصدمه الكبره العربية مش موجوده فى مكانها اتصلت بحارس عقار رد عليه وقال انا قبل ما الكهرباء تقطع الساعة 3 كنت داخل من بره وكانت موجوده وطلعت الساعة 5 مشوفتهاش فى مكانها قولت انك اخدها
بعدين قفلت معها الممكالمة
طبعا انا كنت زى المجنون بس الحمد لله ربي الهمني الصبر
توجهت الى قسم شرطة عين شمس لعمل محضر السرقة ثم توجهة مكتب سرقة السيارات فى مدرية امن القاهرة
لعمل محضر والحصول على جواب للمرور ثم توجهة المرور السلام لاعطيهم الجواب وقفل ملف العربية
ثم ذهبت للبحث عن العربية فى السلام و الطريق الدائرى والتجمع ولم اعثر على شىء
واستعوضت ربنا فى العربية وقولت الحمدلله وبعد مرور اربعة ايام على السرقة يتصل حارس العقار ويقول
فى واحد اتصل بيه وبيقول فى عندكم حد عربية اتسرقت نوعها هوندا اعطى رقم التليفون ده لصاحب العربية وخليه يتصل بيه وعشان بعد ساعه هقفل الخط ده
قمت بالاتصال بالحرامي
اول مكلمة
طلب منى 20,000 الف جنيه وقفل معايه وقال امامك ساعة واحده وترد عليه واغلق الخط
طبعا انا مكنتش لوحدى كان معايه اصحابى واخواتى وكنا نتشاور ماذا نفعل
ثاني مكالمة
اتصلت وقولت انا مش معايه غير 3000 جنيه ومعيش فلوس تانى والفلوس ديه استلفتها
رد عليه وقال خلاص اتصرف وخليهم 7000 وامامك نصف ساعة وترد عليه
ثالث مكالمة
اتصلت وقلت انا معايه 5000 بس ومش هقدر اتصرف فى فلوس تانى
رد وقال خلاص 10 دقائق وهقول هتسيب الفلوس فين
بعد 10 دقائق اتصل ووصف ليه عنوان انى اسيب الفلوس فيه وبعد ما اسيب الفلوس هو هيتصل ويقول على مكان العربية
طبعا انا رايح وبقول ممكن الفلوس كمان تروح بس سبتها على الله
روحت حطيت الفلوس فى مكان وطبعا كل التحركات ديه على التليفون يعنى انا كنت بتعامل مع شخص عن طريق التليفون بس
بعد كده اتصل بيه ووصف مكان العربية
على الفور اتصل باصحابى وقلت لهم على المكان عشان هما يوصلو اسرع
وبالفعل وصلو للعربية
طبعا العربية كان مغير وشويه فى ملامحها وكانت متغطيه عشان مفيش حد يشفها
------------------------------------------
لما الحرامى اتصل بيه وقال على مكان العربية قال ليه لو هتسيب العربية فى الشارع تانى ركب ليها جهاز انذار

.................................................. .................................................. .................................................. ......*
حولو تركبو جهاز انذار فى العربية مهم جدا والاحسن جهاز انذار وجهاز حماية كويس

ربنا يبعد عنكم اى شر