اولا السلام عليكم ورحمة الله
سؤالى لاعضاء قسم سيتروين الكرام عن السيارة وعن اماكن عرضها لانى عاوز اشوف السيارة على الطبيعة وهل فى test drive ام لا
واية سبب ان التوكيل مش بيرد على اى رقم من الارقام المذكورة فى الموقع الخاص بسيتروين مصر وشكرا
عرض للطباعة
اولا السلام عليكم ورحمة الله
سؤالى لاعضاء قسم سيتروين الكرام عن السيارة وعن اماكن عرضها لانى عاوز اشوف السيارة على الطبيعة وهل فى test drive ام لا
واية سبب ان التوكيل مش بيرد على اى رقم من الارقام المذكورة فى الموقع الخاص بسيتروين مصر وشكرا
موجودة فى معرض عز العرب العجوزة بناءً على اتصالى بمدير المبيعات بتاعها إمبارح
شكرا لحضرتك جزاك الله خيرا
ده رقم goerge ال head بتاع ال sales
0100615007
كلمه وهو هيجاوب على كل اسئلتك
بالنسبة لموضوع ال test drive , غالبا مفيش
بس اسأله برده
ويا ريت تبقى تقولنا انطباع حضرتك عنها بما إنك ناشر صحفي
ونورت القسم :)
من عنيا أ/ احمد عادل
اولا الفئة الشوفتها كانت Comfort الفئة الاعلى حتكون موجودة خلال 10 ايام
من اول ما شوفت العربية وبجانبها c4 كانت رائعة بمعنى الكلمة بالنسبة للسيارة عند فتح الباب ثقيل تقفيل رائع فعلا
التقفيل الخارجى للسيارة قبل الدخول والجلوس فيها تقييمى لية جيد جدا
التقفيل الداخلى اول ما لاحظتة هو جودة التقفيل بمعنى الكلمة كل شىء سلس ومتماسك سواء الازرار ريش التكييف حركة الطارة حركة الكراسى مقابط الابواب عند الفتج والغلق سرعة استجابة سنتر لوك وزرار الانتظار كل شىء جيد
ما لاحظتة فى هذة الفئة :
السيارة فاضية من اول لون المرايات ولون المقابض قبل دخول السيارة غير لون السيارة
والجنوط واحدة فى الفئتين 15 حجمها شكل واحد فى الفئتين
وال 16 الموجودة فى ال c4 ودة بزيادة 6 الاف جنية بالطلب
الانتريور فاضى بمعنى الكلمة يوحد بة تكييف فقط بكر وطبعا غير مقبول بالنسبالى كلة بلاستيك ااسود مفيش كاسيت حتى
وضعية الكراسى لان فى الفئة دة مينفعش تغير وضعيتها سواء للاعلى او للاسفل غير مريحة بالنسبة ليى حسيت انى غطسان فى العربية مش شايف الكبوت
ودة متوفر فى الفئة الاعلى فقط هو ونظام 2/3 -1/3 rear bench
والايرباج واحد فى هذة الفئة ويوجد امكانية تشغيلة او ايقافة
قعدة الكراسى مش مريحة بشكل كبير بس اعطيها تقييم جيد اما راحة الظهر فجيدة ايضا يعنى اصحاب الوزن الممتلىء شوية حيحس انة قاعد على احرف الكراسى حاسس بيها
الوسع كبير بشكل ملحوظ اقرب لوسع التيدا جربت السيارة بعد رجوع الكراسى كانت المساحة فى الامام والخلف اكثر من رائعة بالنسبة لطوال القامة جيدة جدا بعد رجوع اكثر عديت الفايم ووصلت للزجاج الخلفى بظهر كرسى السائق مازال الوضع مقبول ايضا للجلوس ولاكن حيكون ملامس لركب من يجلس خلفة لو طويل
الشطة كبيرة جدا ممكن واحد يدخل ينام جواها بدون ما يقفل الكنبة
من راى العاوز يستمتع بالسيارة يجيب الفئة الاعلى لانة حيتوفر لية مميزات فعلا حتفرق معاة بارجينج سينسور - مرايات كهرباء - امكانية تغيير وضعية مقعد السائق - امكانية طى الكنبة2/3 -1/3 - التكييف الديجيتال - والكاسيت - وon board computer - الكروم الداخلى حيفرق جدا فى الشكل الداخلى + الجلد البيكسو الطارة - الكنسول - Dashboard with Sun Silver decor -جيوب الحفظ للكراسى الخلفية - الايرباج الاضافى - حطوط الكروم الخارجية والداخلية - سماعتين اضافيتين - ولون المقبض والمرايات حتكون بلون السيارة ودة حيغير شكلها للافضل
الالوان كلها ميتالك وجيدة جدا صاج السيارة جيدا جدا - تقفيل السيارة جيد جدا - اسفل غطاء المحرك كل شىء متناسق مفيش اسلاك ظاهرة تقفيل جيد السيارة بشكل عام تستاهل المبلغ
بس انا وضحتلة ا جورج ان سعرها لو ارتفع اكثر حتدحل فى فئة تانية وكان ردة انة بسبب ارتفاع الدولار رفعو الاسعار بالشكل دة وكمقارنة بالكورى لا يوجد مقارنة دة كان كلامة
من راى الحابب يجيب السيارة حيكون كسبان اكيد لانها رائعة وسالت على سعر الفانوس الامامى كان ب 800 جنية وباقى اسعار قطع الغيار على حد قولة مناسبة جدا ومش مبالغ فيها اتمنى انى اكون قدرت اوضح تجربتى للسيارة لمن يرغب فى الشراء والتسليم على حسب الدفعات القادمة واولها فى نصف شهر خمسة والتسليم من شهر ونصف لشهرين ومقدم الحجز 1000جنية
شكرا لإهتمامك و عرض وجهة نظرك :)
بس أنا ليَّ تعليقين
1. إن الفئة الاولى طاسات مش جنط زي ما حضرتك قلت
2.مش فاهم إزاي أول فئة مفيهاش كاسيت
الانتريور فاضى بمعنى الكلمة يوحد بة تكييف فقط بكر وطبعا غير مقبول بالنسبالى كلة بلاستيك ااسود مفيش كاسيت حتى
ولا أنا فهمت غلط
أول فئة فيها cassette وسماعتين
و الفئة الاعلى فيها cassette باربع سماعات مزود بـ bluetooth
ودة اللي حضرتك كاتبه فعلا تحت
ومتفق معاك جدا إن فرق السعر يستاهل فرق ال option وإن الافضل شراء الفئة الاعلى
دي صورة بتوضح فرق الكماليات عشان تساعد الناس :)
http://nileup.com/up/uploads/nilemotors_13590287181.jpg
الفئة الانا ركبتها هى comfort الاتوماتيك ممكن حضرتك تشوفها برضو لانى استغربت ب 120.000 ومفيهاش حتى كاسيت ولا موضوع تعديل كرسى السائق وكانت جنوط 15 مش طاسات
للأساتذة الفضلاء , أ /محمد الناشر الصحفى , أ /أحمد عادل هل لو دخلنا النيسان تيدا 2014 فى مقارنة مع العربية السى أليزيه هتكون أنهى الأفضل لأنى ناوى أشترى واحدة منهم علما بأن السعر فى التيدا هيكون أزيد 10 آلاف تقريبا (هى سعرها دلوقتى 134 ألف) بس هتكون أثقل 100 كيلو وأعلى فى المتور 124 حصان ( مش 114 )
أنا عارف إنى الإثنين لسه منزلوش الشارع وحد جربهم ولكن أنا قصدى بعد مقارنة مواصفات العربيتين هيكون مين الأفضل
أنا سألتكم بعد الخبرة إلى إلتمستها فى إجابتكم وخصوصا بعد ما قرأت مشاركات أ/ أحمد عن العربية السيتروين وإتأكدت إنه فاهم تفاصيلها كويس , وأكيد أ/ محمد ناشر الصحفى هيقدر يفيدنا , فيا ريت تقولوننا رأيكم بالصراحة والموضوعية المعهودة فيكم
لأن العربيتين يعتبروا تقريبا فئة واحدة وقطع غيار متقاربة والتوكيل نيسان أفضل بس عز العرب مع السيتروين كويس ومقبول , والأحسن يا ريت تقولوا رأيكم كعربية vs عربية بعيد عن العناصر الخارجية
:U_thin1[1]:
هو محدش لسة استلم
واللي اعرفه مبني على ال brochure بتاعها
مكتوب فيه إن ال comfort فيها
cassette بسماعتين
وفيه تعديل كرسي السائق
وطاسات 15 مش جنط
الصورة حتى موضحة الكلام ده
ممكن تكون النسخة دي للعرض بس خصوصا إن لسة مفيش تسليم
أصل ده تمن الجنط أكتر من تمن ال cassette بالسماعتين ههههههه
واكيد مفيش عربية تنزل في 2013 من غير cassette !!!!!!!!!
حضرتك سألته طيب ؟
ممكن يكونوا بيركبوا ال cassette هنا ؟؟
للاسف يا أستاذ sawa
التيدا لسة منزلتش ومحدش يعرف هتيجي مصر امتى
و محدش يعرف عنها حاجة (لا option ولا سعر .....)
اللي ممكن نعرفه دلوقتي هو مواصفاتها الفنية بس
يبقى هنقارن على أساس إيه ؟
أنا من ناحيتي , اللي أقدر أساعد بيه
أي سؤال في ال elysee أنا تحت أمرك
وفيه موضوعين هنا عن ال elysee
معرفش إنت شفتهم ولا لأ ؟
http://www.nilemotors.net/Nile/331840-a.html
http://www.nilemotors.net/Nile/332453-c-elysee.html
دول هيعرفوك كل حاجة عن العربية وفيه اسئلة كتير
واتهامات ناس إن العربية صيني و إنها نازلة للاسواق التعبانة و ......
وهتلاقي الرد الصح علي كل ده إن شاء الله
كمقارنة بالسيتروين citroen c elysee كمعلومات تقنية فقط لتوضيح الفروق :
نيسان تيدا تتفوق فى Gearbox 6 speed Xtronic cvt
- 124 حصان عزم 154 engine
سيتروين سى اليزية
115 حصان - عزم 150
Gearbox 4 speed steptronic
DRIVE TYPE
مثل بعض : Front Wheel Drive
DIMENSIONS
citroen c elysee تتفوق فى الطول 4430 mm
العرض 1770 mm
نيسان تيدا 2014 تتفوق فى الارتفاع بمقدار 49mm
وقاعدة العجلات اكبر بمقدار 48mm
مساحة الشنطة تتفوق فيها سيتروين 506 لتر
مقابل 310 لتر للتيدا
نظام التعليق
نيسان تيدا 2014
Front
McPherson independent
rear
torsion beam semi- independent مع rigid stabilizer bar لزيادة التوازن
citroen c elysee
Front
Mc Pherson type independent wheel suspension, hydraulic telescopic shock absorbers, coil springs
rear
semi-flexible traverse, hydraulic telescopic shock absorbers, coil springs
دة تقريبا المتوفر حتى الان كمعلومات للتيدا + السعر والكماليات غير معروفة بالنسبة للتيدا
اما سيتروين ممكن حضرتك ترجع للتوكيل وان شاء الله يفيدك بصورة ادق لان واضح ان فى نية لتغير فى بعض الكماليات بخلاف السيارات المعروضة فى المعرض او التم عرضها فى معرض اتوماك السابق ..
أنا لسة مكلم george يا أستاذ mohamed
قال لي إن العربية المعروضة دي model جايبينه من تركيا للعرض
وإن مواصفاتها زي ما مكتوب في ال brochure مفيش تغيير
بالذمة عمرك شفت توكيل بيعمل كده هههههههه
بيعرض العربية بكماليات أقل من اللي هتنزل بيها !!!!!!!!!
على فكرة اللي كانت في المعرض برده كان فيها حاجات مختلفة
فيها ESP زيادة
وناقصة تكييف digital و مسند يد
انا مش فاهم لية طيب بيعرض سيارات غير الحتسوق بية يعنى الكاسيت !! موجودة مكان الكاسيت فطعة بلاستيك سودا ولما سالت حتى على نظام طى الكنبة قالى مش حتكون متوفرة غير فى اعلى فئة مع ان كانت موجودة فى السيارة المعروضة جنوط 15 للفئتين بعكس فى الموقع كان موجود جنوط 16 فى الفئة الاعلى ومفيش نظام تعديل وضع كرسى السائق وقالى حيكون فى اعلى فئة فقط واضح ان فى نية للتعديل فى كماليات الفئتين لذلك حستنى لبعد شهر 5 واشوف استقرو على اية وعموما اعلى فئة حتكون خلال 10 ايام فى فرع العجوزة ممكن حضرتك تلقى نظرة عليها ونشوف الاختلافات بشكل اوضح
انا قراتها حالا فعلا الله يكون فى عون العملاء مفيش حد بيعمل كدة ابدا نظام تسويق لسيارة بكماليات سواء ازيد او اقل ومش حتنزل بيها بيعمل حيرة للحيشترى وممكن يوجة اختيارة لسيارة تانية ولعلم حضرتك دة حيعمل تضارب فى الاراء كتير لان كدة احنا بنسمع غير البنشوفة على الطبيعة او الحتشتريها فمش عارف طب لية بيعملو كدة هل حيقللو الكماليات فى الفئتين وشكرا لحضرتك جزاك الله خير على التوضيح انا قولت طب انا يمكن كنت راكب سيارة تانية هههههههههه دة غير مش بيردو على الارقام الموجودة بالموقع تخيل حضرتك كل التسويق للسيارة من خلال ا جورج يعنى الميعرفش الرقم مش حيعرف حاجة عن السيارة سواء متوفرة فين او اية الكماليات الاساسية ليها المفروض يلتزمو بالمكتوب بالموقع على الاقل ويبقى فى مصداقية
كلامك سليم 100 %
ده بيعمل لخبطة وممكن يخلي ناس كتير تصرف نظر عنها
هو فاكر citroen سوقها حلو قوي !!!!!!!!!!!
والله ما أعرف الناس بتفكر إزاي ؟؟!!!!!!!!
أنا في المعرض الاخير هزأتهم
اسأل مهاب كان معايا :ma:
الكماليات ثابتة زي ما هي مفيش تغيير , متقلقش من النقطة دي
هههههههه
دول مش عارفين ارقام التسارع بتاعت عربياتهم ، مزودين على كل عربية ثانية او ثانيتين هدية من عندهم كده و احمد ظبطهم و قالهم مينفعش كده يقولوا اصل الارقام جاتلنا كده ، تخيل لما الزبون يبقى عارف عن العربية اكتر من التوكيل نفسه ههههههههه
و هتفضل ستروين تعبانة فى مصر طول ما التسويق فى عز العرب كده
يا راجل دا انا شفت واحد فى المعرض ناقص يتحايل عليهم عشان يجيبولوا عربية DS5 لونها ابيض ، يعنى دا زبون بيشترى عربية بحوالى 300 الف مفروض يعلموا معاه احلى واجب مش الراجل يقعد يقولهم طيب استنى طيب هاتهالى الدفعة اللى بعد الجاية
خلينى ساكت احسن :ma:
نظام التعليق
نيسان تيدا 2014
Front
McPherson independent
rear
torsion beam semi- independent مع rigid stabilizer bar لزيادة التوازن
citroen c elysee
Front
Mc Pherson type independent wheel suspension, hydraulic telescopic shock absorbers, coil springs
rear
semi-flexible traverse, hydraulic telescopic shock absorbers, coil springS
أنا متشكر جدا لإهتمامك وذوقك بس ممكن تفهمنى ببساطة أنهى أحسن فى نظام التعليق أنا فاهم الباقى وكمان أنهى أعرض فى قاعدة العجلات علشان الثبات وبكرر شكرى ليك جزاك الله خيرا
العفو يا فندم وسعيد انى قدرت افيدك
ايهما افضل دة بعد قيادة السيارتين علشان يبقى الحكم صحيح وبما انى لسة معملتش Test drive حتى للستروين فمش حقدر افيدك حاليا على نظام التعليق او الثبات ...
بص يا أستاذ sawa
على الورق :
الفروقات طفيفة قوي
الإتنين نفس العفشة قدام بظبط
وورا الإتنين برده torsion beam
بس بيبقى فيه اختلاف بسيط في ال setup
زي مثلا الفرق اللي بين ال setup الاوروبي والياباني
في ال megane ll وال fluence
وال megane ثباتها أعلى من ال fluence بناء على كلام ملاكهم
يعني المتوقع إن ال elysee تتفوق
على الطبيعة :
تجربة العربيتين هي اللي تحدد
يا ريت أكون ساعدتك