ارجو الرد لاهمية

**ahmed.safwat** · 12-04-2013 02:45 PM

ارجو الافادة انا امامى عربية اوبل فيكتر موديل 1998 1600 سى سى منويل عاملة عداد 117000 كيلو الماتور كويس والراجل طالب فيها 45000 وفى مشكلة فى التكييف وهو قالى لو عايزها اخليلك التكييف تلاجة المشكلة ان فى ناس صحابى بيقوللى ان العربية الاوبل عموما فيها مشكلة فى التكييف ولو باظ تجيب تكييف ب 10000 ج هل الكلام دة صحيح ام خطأ وازاى اعرف ان التكييف دة كويس وهايعيش ارجو الافادة لمن له تجربة مع الاوبل وهل السعر مناسب وبالنسبة لقطع الغيار والصنايعية هل هما موجدين علشان فى ناس قالتلى ان تصلحهابيكون التوكيل بس

**فادى محمد** · 12-04-2013 02:59 PM

10000ج تكييف,ليه؟؟
شيل صفر بس في اسوا الظروف .
يعني كمبروسر 600ج -شجره200ج -200ج فريون ومصنعيه
-لو العربيه حالتها حلوه والعداد واقعي 117 الف توكل علي الله بعد
الكشف عند متخصص

**احمد فهمى** · 12-04-2013 03:20 PM

10 الاف ؟؟؟ لعلمك لو مفيش تكيف فى العربيه اصلاً هتجيب تكيف جديد بخراطيمو والكويل ب3000 وبضمان سنه لكن انت عندك تكيف يعنى وزي ما فادى وضحلك كمبروسر استيراد لو بايظ فى حدود 600 واسعار الغراطيم بتتكبس عادى جداً ولو لاقيت الدنيا مش تمام غير الدوره كلها لو عايز تريح دماغك وتعيش بتكيف زيرو غير الكويل والكمبروسر والخراطيم هيكلفك فى حدود 2800 بس معاك وكمان 10 سنين ولو العربيه سليمه فقطع الغيار رخيصه جداً ومن ارخص العربيات فى الصيانات