ليه الناس مبقاش عندها زوق في السواقه !
بسم الله الرحمن الرحيم
اخواني الواحد بقا ع اخرو !!
هو الواحد شاري العربيه عشان يرتاح ولا عشان يتقرف ف عيشتو
النهارده دخلت شارعنا بعد مشوار عشان اركن طبيعي خالص ف انا بخش الشارع من نصو بضهر العربيه عشان احضن جامد جنب الرصيف المهم اول ما عدلت نفسي ف الشارع لقيت عربيه تانيه جايه ف وشي والشارع ضلمه وانا مولع النور الواطي وهو مولع النور الواطي
قومت مشغل الانتظار عشان اعرفو اني هركت قام مقلبلي نور !
قولت يمكن الراجل مستعجل مش مشكله انا خلاص هركن وهاطلع بيتنا قمت طفيت النور الواطي وطلعت قدام وسعتلو عشان يعدي !!!
لقيتو قام مشغل العالي !!!!!!!!!!!!!
يعني انا طفيتلك الواطي عشان تشغلي العالي
بصراحه انا ف الموقف ده ف اي مكان بقوم انا كمان مشغل العالي لحد ما اعمي اللي قدامي لحد ما يطفي !!. .. والبادي اظلم
لقيتو مش عايز يطفي العالي قمت هديت لحد ما قرب من جنبي استنيتو حوالي 30 ثانيه ع ما جه جنبي عشان الشارع مكسر وهو ماشي بالراحه !
المهم اول ما جه جنبي لقيت حد يبان من اول وهله انو حد محترم ومراتو جنبو
ف قولتلو لو سمحت النور العالي بس ف الضلمه
كان عداني ف قولت مش مشكله
لقيتو قام واقف مره واحده وقام مدي ريفيرس وقام راجع
وقالي : بتقول ايه !!! مع نظره احتقار
انا : بقول لحضرتك عمتني بنورك العالي والشارع ضلمه واحنا بالليل وانا قلبتلك نور مرتين !
هو : يعني ؟؟
انا : يعني من الذوق ان حضرتك تقفل النور عشان متعمينيش مش تشغلي العالي !
قام باصصلي وماشي من غير ولا كلمه
الموضوع ممكن ميكونش مهم وانا مش حاطو ف بالي بس انا كل يوم بقابل الناس دي كتير
وانا والله السواقه بالنسبه ليا احترام وذوق قبل الفن ف السواقه
اول ما اخش اي شارع والاقيه ضلمه بقفل النور ايا كان اللي قدامي مولع نور مركب زينون مش هتفرق معايا لما يلاقيني بحترم نفسي قبل ما احترمو هو اكيد هيحترم نفسي
ليه وصلنا لاننا ع اتفه الاسباب مش بنراعي بعض !
انا اه سني صغير 18 سنه
بس والله مش بالسن خالص !
موقف تاني ومعلش لو هتقل عليكم بس اخواتي الكبار ومليش غيركو :15_2_143::15_2_143:
كنت ماشي ف شارع خاتم المرسلين ف منطقه الهرم للي يعرفو
والشارع ده معروف انو في اماكن واسعه جدا وفي اماكن ضيقه جدا متاخودش غير عربيه واحده وسعات عربيه وتوكتوك المهم كنت ماشي ف الواسع ودخلت ف الضيق
ف طبعا المنطقه معروفه بكثره الميكروباصات الفولكس
المهم ماشي جنبي واحد ولازق فيا هو ماشي في المكان اللي يشيل توك توك وانا ماشي ف حارتي عادي
وانا مروح يعني لا ف بالي عصبيه ولا قله ادب ولا اي حاجه الواحد ف حالو
المهم الاخ كل شويه يقوم رامي عليا عشان يمشي لحد ما حك ف المرايه ف سكت لما لقيتو بيتكلم ف التليفون !!
ومعندوش مرايه جانبيه
ف مش هعند عليه عشان مزعلش ع الغاليه !!
المهم رما عليا 3 مرات ف اقل من 100 متر
اول ما لقيت الفرصه سمحت واللي قدامي خلع منو قمت دوست وعملت زي بتوع التكاتك كلاكسات عشان ياخد بالي ان في دبانه معديا من جنب الباشا !!!
لقيتو رما عليا بغباااااااااء جدا
قمت مفرمل وايدي ع الكلاكس جاااااااااااااااااااااااا ااااااااااااااامد جدا حتى اللي كانو معايا ف العربيه اتخضوا
لقيتو نزل من عربيتي وبعلو صوت اروحلك فين يعني ما اانا جنبي عربيات اعملك ايه
انا والله كنت ناوي انزل اعرفو انو ماشي من غير مرايه وانو رمي عليا اكتر من 3 مرات ودي الرابعه
لما لقيتو كائن بيضوحباطي حطيت راسي ع الدركسيون ومبسطلوش !!!
5 ثواني ورفعت راسي لقيتو واقف زي ما هو !!!
قولتلو بشفايفي اتفضل ورفعتلو ايدي واعتذرت ّ!ّ!!!!!!!!!!!!!!!!!!!!!!!!!!!!!!!!
الخلاصه ليه وصلنا للدرجه دي
ومش معنى اني ماشي محترم اني معرفش اخد غرزه واطلع تلاته ........................* واخليك تشد ف شعرك
ومش معنى اني ماشي بحترامي اني طيب ومبعرفش اسوق
هو ليه كل حاجه ف البلد بقت بالدراع
انا كنت مقيم ف السعوديه 7 سنين من عمري
بصراحه هما هناك فنانين سواقه بجد بس من كتر الروتين الواحد بيمل وبيحصل اسخم من هنا
بس احنا وصلنا لدرجه صعبه اوووووي
انا اسف لو طولت بس انا كان لازم افضفض شويه
وادعولي اخوكو ف ثانويه عامه وامتحاناتي قربت
وياريت كل واحد اتحط ف موقف زي دول يحكيلي عشان محسش اني لوحدي
