الموضوع: ليه الناس مبقاش عندها زوق في السواقه !

المشاركة الأصلية كتبت بواسطة Mohab.Nabil

ههههههه يا باشا سيبك و الله البلد ديه بقى المحترمين فيها قليلين جدا

عايز اقولك بما انك من الهرم انا النهاردة و انا فى خير زمان فى حسن محمد فى فيصل راكن قدام المحل عادى فجيت طالع قام واحد عايز يركن مكانى كبس عليا جامد اوى مش هعرف اطلع و عمال يدى كلاكس والدى نزل قاله لو سمحت وسع عشان نطلع قام رجع حتة برضو مطلعنيش و واقف عمال اشاورله و اديله كلاكس ارجع و هو ولا هنا المهم خلانى عشان اطلع اروح فى اخر حارة فى الشارع خالص يعنى شارع فيصل كله وقف عشان الباشا مش عايز يرجع متر ورا .. المهم و انا طالع بقوله ليه كده يعنى لقيته قام نازل شتايم قذرة جدا و بالاب و الام المهم عمال اقوله خلاص لأن والدى و والدتى معايا و الغريبة انه معاه مراته يعنى مش بيتكسف على دمه و برضه هو مزود و بعدين السبع عمل نفسه راجل و قام نازل من العربية .. و هو بينزل بقى يا معلم قامت العربية نطت منه و قام لابس فى العربية بتاعت خير زمان الفانوس بتاعه اتكسر ههههههههههههه .. المهم يعنى لما الراجل نزل عايز اقولك انى و الله لو نزلتله هعلمه الادب و انا اصلا الحمد لله افصل منه اتنين فى الطول و العرض .. بس قولت الحمد لله ربنا جابلى حقى فى وقتها و عربيته اتخبطت غير بتاع السوبر ماركت ممكن يطلب منه تعويض و مردتش انزل و خليته يقعد يكلم نفسه فى الشارع ... بس و الله الواحد مبقاش عارف ايه الصح يعنى انا كانت تحت رجلى عصاية البيسبول سايبها فى العربية كنت ممكن انزل اكسره بيها و اكسر العربية فوق دماغ مراته و امشى عادى و لا احسن الواحد يكبر دماغه و يسمع شتيمته عشان ممكن الامور تتطور و يأذى حد

سيدي الفاضل اولا حضرتك نورت الموضوع
ثانيا والله خلاص اتعودنا مبقاش يحوق فينا
تقبل تحياتي يا غالي

يا عزيزي ده لما الشارع بيكون مقفول من ناحية وانت واقف تعدي المقابل ووراك صف طويل تلاقي اللي جاي من آخر الشارع راح كابس بنزين علشان يلحق يقفل عليك وما يهونش عليه يقف دقيقة ولا اثنين
غير لما تكون خارج من شارع جانبي في الزحمة وداخل شمال يقوم اللي عاليمين رامي شمال رامي شمال علشان يعدي قدامك من المقابل يقوم الطريق قافل نص ساعة ولا ساعة لا حد عارف يمشي يمين ولا شمال ...
ده غير أي تقاطع أو يو ترن لما تلاقي العربيات واقفة جنب بعضها علشان تلف وسادة الشارع واللي ورا يولع .. أو عربيات واقفة في وش بعض في التقاطع وتقعدلك ساعة لغاية ما الاشتباك يتفك ... آفة هذا البلد كلمة يالله نفسي

المشاركة الأصلية كتبت بواسطة mohamed_selim

عادى متاخدش فى بالك السواقه بقت كده
رخصت العربيه؟

استاذ محمد سليم
منور الموضوع يا كبير ^_^
شاكر جدا لحضرتك ع الاهتمام
والله امبارح طلعت ع مرور فيصل الساعه 7 ونص الصبح
واشتريت ورق الفحص .. ولما جه دوري العامل رفع البصمه بتاعت الموتور والشاسيه
وبعدين روحت للمهندس قالي روح هاتلي مطابقه من مرور السلام
هنا كانت الصدمه
لازمتها ايه يا عم ماانا جايبلك شهاده بيانات من هناك ّ!!!
من هنا لهنا والوالده تكلمو وانا اكلمو وهو دماغو مقفله
قمت راجع راكن العربيه تحت البيت لاني قريب جدا من المرور وركبت المترو وطلعت ع رمسيس ورركبت مواصلات ووصلت مرور السلام الساعه 10 الصبح
دخلت ع موظف البصمه هناك وهو من كتر ما شافني ف المرور ال 3 شهور اللي فاتو حافظني
قبل ما افتح بوقي قالي عايز مطابقه بصمه صح !
قولتلو اه
قالي اصبر اما يجي حماده
(حماده ده تقريبا مجند او عسكري معرفش وهو اللي معاه مفتاح الدولاب اللي فيه ملفات تاكسي العاصمه)
استنيت حماده تلت ساعه مجاش !!
قولتلو يا عم انا بقالي 3 شهور متمرمط عشان اطلع المخروبه شهاده البيانات مش هنصب عليكو يعني
قام ضاحك وقالي ع رايك !
وقام واخد ورقه الفحص وكتب 3 اسطر والله يا استاذ محمد 3 اسطر لا يودو ولا يجيبوا !!!!!!
ومتفهمش منهم كلمه !
وروحت ختمتها وغورت من ام ده مرور بام دي موظفين
المهم ع ما وصلت مرور فيصل كانت الساعه 12 ونص
وبما ان امبارح الخميس والمرور نص يوم كان الموظفين مشيوا !!!
حاجه تفقع
قمت مروح بيتنا وهاروح باذن الله بكره من صباحيه ربنا
ادعيلي ارجوك
تقبل تحياتي

المشاركة الأصلية كتبت بواسطة د.أبونضال

يا عزيزي ده لما الشارع بيكون مقفول من ناحية وانت واقف تعدي المقابل ووراك صف طويل تلاقي اللي جاي من آخر الشارع راح كابس بنزين علشان يلحق يقفل عليك وما يهونش عليه يقف دقيقة ولا اثنين
غير لما تكون خارج من شارع جانبي في الزحمة وداخل شمال يقوم اللي عاليمين رامي شمال رامي شمال علشان يعدي قدامك من المقابل يقوم الطريق قافل نص ساعة ولا ساعة لا حد عارف يمشي يمين ولا شمال ...
ده غير أي تقاطع أو يو ترن لما تلاقي العربيات واقفة جنب بعضها علشان تلف وسادة الشارع واللي ورا يولع .. أو عربيات واقفة في وش بعض في التقاطع وتقعدلك ساعة لغاية ما الاشتباك يتفك ... آفة هذا البلد كلمة يالله نفسي

استاذي الفاضل
الشعب المصري والله كويس بس ف عقلو الباطن
منور الموضوع
وتقبل تحياتي

المشاركة الأصلية كتبت بواسطة mohamed_selim

ربنا معاك المشاوير شيئ متوقع و لحد ما تمسك رخصتك فى ايدك خليك حريص :)
ربنا معاك و متنساش توزعلنا ساقع هنا لما ربنا يكرمك

ربنا يستر والله الواحد حاسس انو هايعمل مصايب بالرخصه دي
بس المشاوير حاجه واني الف حوالين نفسي سنه وشهر حاجه تانيه خالص
انت تؤمرني يا كبير ساقع بس ؟
كل اللي تؤمر بيه تحت امرك ^_^
تقبل تحياتي