لاصحاب الخبرة هل قانون المرور الجديد دستوري

**hamdy** · 10-08-2008 09:42 AM

السلام عليكم ورحمة الله وبركاته
لاصحاب الراي والخبرة :
هل قانون المرور الجديد
ستوري علما بالاتي :
1 - يحمل طبقة من متوسطي الدخل ان لم يكن من معدومي الدخل اعباء مالية فوق طاقتهم
2 - الحكومة لم توفر بدائل للحد من العقوبات مثل بناء جراجات او ازالة التعديات علي سبيل المثال لا الحصر(تلاقي واحد قدام كل بيت حططله حديدة ويقلك المكان دا بتاعي )
3 - تطبيق قانون المرور علي فئة دون اخري وهذا ايضا في كل القوانين لكن قانون المرور يمثل احتكاك مباشر بين الدولة اولمواطن يعني مثلا
ابناء الطبفة المتوسطة -ابناء الحرافيش - امثالي -في داهية مش مهم - والباشا ومرات البشا و بنت الباشا مهما كان وظيفة ما يسمي بالباشا طبعا لا يندرج عليهم ما يسمي بقانون المرور الجديد

وان كان في نظر اهل القانون القانون دستوري فاذن نحن نعيش في وسية وليس في وطن

اما اذا كان القانون غير دستوري
فلماذا نتهاون في حقنا لماذا لانعلن من هنا حملة ضد القانون و عدم دستوريته و لماذا لانوحد الصف لتعديل هذا القانون بما يمثل القيم العادلة التي تجعل -ابن الباشا - زي -ابن ال .....- هما الاتنين زي بعض

الرجاء المشاركة

**ibrahimsaad** · 10-08-2008 03:37 PM

كلامك فعلا صحيح

لكن على فرض انه مش دستورى ايه ممكن يحصل ؟

بلدنا احسن بلد تطبخ القوانين وكلكم عارفين القوانين المطبوخه قد ايه ولمين

لكن بكل اسف القوانين لاتطبق الا على الغلابه فقط

واليك امثال كثيره ضربت بقوانين مصر عرض الحائط

عز واحتكار الحديد

ممدوح اسماعيل وقتل اكثر من 1500 شخص عمدا وتم تبرئته بكل بجاحه

قوانين حمايه الفساد

قوانين الضرائب الجديده

البلد دى للاسف للاغنياء فقط اما عامه الشعب فهو مجرد شويه عبيد عن رجال الاعمال ورجال الحزن الوطنى والفكر الجديد

الفكر اللى كله ضد الغلابه ومعدومى الدخل

لما كيلو العدس يوصل ل 13 جنيه اللى هو كان اكله المسكين وابن السبيل يبقى عليه العوض ومنه العوض فى مصر اللى بييحكمها شويه اقطاعيين جدد تحت عبائه الفكر الجديد

للاسف طول مالشعب ساكت عن حقه ومابيتكلمش الحكومه بتفتكر انه مبسوط وهيموت من الانبساط فتقوم تطلع قوانين اكثر علشان تزوده انبساط

ماهو كل يوم بينضرب على قفاه وبرده مش بيتكلم

مش عارف لامتى هيستحمل الذل والهوان ده

انا عن نفسى حاسس انى خلاص مخنوق ومش قادر اخذ نفسى

حسبنا الله ونعم الوكيل فى كل ظالم مفترى

**osama** · 10-08-2008 05:44 PM

بلد تفصل القانون

**limo** · 10-08-2008 06:02 PM

دستورى
لان قانون المرور ده فرع من فروع القانون الخاص بينظم حركه المرور ويفرض جزاءات عند مخالفته
فالمخاطب بيه كل مالكى وقائدى المركبات
عامل زى القانون التجارى بيخاطب فئه التجار
مينفعش اجى اقول ان القانون ده غير دستورى لانه بيخاطب التجار فقط وبيحملهم بالتزمات وحقوق زياده او اقل من العامه

**hamdy** · 11-08-2008 09:22 AM

المشاركة الأصلية كتبت بواسطة ibrahimsaad

كلامك فعلا صحيح
لكن على فرض انه مش دستورى ايه ممكن يحصل ؟

اعتقد ان ممكن لو القانون طلع غير دستوري ممكن بترفع قضية في المحكمة الدستورية العليا وطبعا الراي النهائي لاصاحب المجال ده والله اعلم

المشاركة الأصلية كتبت بواسطة limo

دستورى
لان قانون المرور ده فرع من فروع القانون الخاص بينظم حركه المرور ويفرض جزاءات عند مخالفته
فالمخاطب بيه كل مالكى وقائدى المركبات
عامل زى القانون التجارى بيخاطب فئه التجار
مينفعش اجى اقول ان القانون ده غير دستورى لانه بيخاطب التجار فقط وبيحملهم بالتزمات وحقوق زياده او اقل من العامه

كانت مجرد فكرة ولو كنت قلتلي انها فعلا غير دستورية كنت هفرح جدا كنا لقينا مخرج للغلابة اللي في مصر

**أبــوحبيبه ونور** · 11-08-2008 09:47 AM

فرضا ان قانون المرور مش دستورى ايه اللى ممكن يتعمل .

**hamdy** · 11-08-2008 12:44 PM

المشاركة الأصلية كتبت بواسطة amongy

فرضا ان قانون المرور مش دستورى ايه اللى ممكن يتعمل .

ياباشا ممكن يترفع قضية في المحكمة الدستورية علي ما اعتقد والله اعلم

**M!NA** · 11-08-2008 12:50 PM

المشاركة الأصلية كتبت بواسطة hamdy

ياباشا ممكن يترفع قضية في المحكمة الدستورية علي ما اعتقد والله اعلم

مش عارف ليه افتكرت فيلم عايز حقي :D

(أنا بهزر معاك اوعا تزعل) :D

**Defender** · 13-08-2008 03:03 AM

انا عاوز اعرفهو مجلس الشعب دة مش من الشعب والمفروض مفيش حد يوافق علي بتاعه الاسعافات المعدن دي
ولا علشان مفيش حد بيوقف عربيه نائب والمفروض سيت النائب يعمل حسابه لانه مش هيكون طول عمرة نائب

-

الموضوع: لاصحاب الخبرة هل قانون المرور الجديد دستوري

LinkBack

أدوات الموضوع

عرض

لاصحاب الخبرة هل قانون المرور الجديد دستوري - انشر الموضوع فى :

-

-

-

قانون المرور -

-

-

-

المواضيع المتشابهه

قانون المرور الجديد

حد سال نفسة لة المرور طلع قانون المرور الجديد

استفسار لاصحاب الخبرة فى قانون المرور

ايطاليا اللي هيا مصر وقواعد المرور بمناسبة قانون المرور الجديد

قانون المرور الجديد ..

الكلمات الدلالية لهذا الموضوع

المفضلات

المفضلات

ضوابط المشاركة