تعديل بيجو

**omarov2000** · 13-04-2013 01:37 AM

السلام عليكم...

انا عاوز اضبط بيجو 504 من أ الى ى
عاوز حد يرجعها فبريكة من جوة و برة
عاوز اركب جنط 17-18 ومش عارف هحتاج اغير اية عشان يركب و اوطى العربية على الجنط
هل هحتاج تغير عفشة او هتاج اية ؟

المتور2000 مشاء لله سليم و ناعم وكل حاجة - هل ينفع اركبلو تربو يعلى القوة و العزم وتوصل لى سرعة اعلى ؟

انا اعرف ان فى متور 505 2000 سى سى تربو - هل دة يركبلها عادى و هيبئا احسن من انى اتربن متورها لو ينفع ؟

ياريت حد يفدنى عشان عاوز انفذ الحلم دة

**BODAAA** · 13-04-2013 02:36 PM

لو العفشة عندك تضيفة ركب 17 عادى بس هتحتاج فلنشات واحد صحبى لسة مركبة و مركب الفتيس بتاع ال 505

**amer hassan** · 13-04-2013 04:41 PM

والله يا صاحبي انت برنس... انا فكرت في فكرتك دي و فكرت كمان بالمرة اعدل الفرامل قدام و ورا لسكاكين.... الصنايعية بيسموها الدوشمة.. الي هي الطنابير و السرة و الجهاز.... الميجان ال 2000 تركب من غير اي تعديل بس معرفتش ورا هيبقى الموضوع ايه.. لو عملت كده... مش هتركب فلانشات لانك هتغير السرة بتاعتها ف مقاسات المسامير هتتغير
جرب كده و انزل عند بتوع الاستعمال استلف منهم دوشمتين (طقم قدام و طقم ورا) و عالميكانيكي بتاعك بس يكون صنايعي..... و شوف الدنيا اخبارها ايه... لو الحوار نفع متبخلش على اخوك و تقولي الدوشمة ورا ركبت ولا لاء... و التكلفة كانت كام .... عشان الي مانعني اعمل كده الكاشات... عشان مستني ست الحسن الي هتشرف كمان كام شهر ف مش عايز اصرف عشان مصاريف الولادة و كده..ز بالتوفيق يا صاحبي ... العربية دي ميتفرطش فيها... الموتور ال تربو بتاع 505 2200 سي سي و نادر شوية... موتورك حلو... عايز بس موبينه و اسبراتير اليكتروني و بوجيهات و سلوك سبور.. و شيل علبة الجاكمان الي في النص و خلي العلبة الي ورا... و وسع المواسير بتاعت الجاكمان.. الي عندنا 1.5 بوصه.. خليها 2.. و انت هيبقة تحت ايدك طيارة .. جرب و ادعيلي

**amer hassan** · 13-04-2013 04:43 PM

نسيت اقولك غير الهيدر بتاع الجاكمان ببتاع ال505 اوسع و بيزود السحب
الهيدر ده الي هو مخرج الجاكمان من الموتور

**ana** · 16-04-2013 10:12 PM

مهما عملت وصرفت جامد لو جيت تبيع لاى ظرف محدش هيقدرها وهتخسر جامد وانت ممكن تجنط بس وتسمكر وترش رشه محترمه واكتر من كده متعملش

**omarov2000** · 16-04-2013 10:57 PM

المشاركة الأصلية كتبت بواسطة bodaaa

لو العفشة عندك تضيفة ركب 17 عادى بس هتحتاج فلنشات واحد صحبى لسة مركبة و مركب الفتيس بتاع ال 505

شكرا يا باشا

معلش متعرفش حوار الفتيس ال 505 دة تقولى معلومات اكتر عنو ؟
عشان كان فى بالى بيركب الفتيس علطول و مفيش مشاكل ؟
هل سحب العربية احسن او هوا هوا ؟ القوة و الدفعة عشان ال 504 لية طلعة غبية كدة انا بحبها جدا - السرعة بتوصل لحد كام بعد الفتيس الجديد ؟

**omarov2000** · 16-04-2013 10:59 PM

المشاركة الأصلية كتبت بواسطة amer hassan

والله يا صاحبي انت برنس... انا فكرت في فكرتك دي و فكرت كمان بالمرة اعدل الفرامل قدام و ورا لسكاكين.... الصنايعية بيسموها الدوشمة.. الي هي الطنابير و السرة و الجهاز.... الميجان ال 2000 تركب من غير اي تعديل بس معرفتش ورا هيبقى الموضوع ايه.. لو عملت كده... مش هتركب فلانشات لانك هتغير السرة بتاعتها ف مقاسات المسامير هتتغير
جرب كده و انزل عند بتوع الاستعمال استلف منهم دوشمتين (طقم قدام و طقم ورا) و عالميكانيكي بتاعك بس يكون صنايعي..... و شوف الدنيا اخبارها ايه... لو الحوار نفع متبخلش على اخوك و تقولي الدوشمة ورا ركبت ولا لاء... و التكلفة كانت كام .... عشان الي مانعني اعمل كده الكاشات... عشان مستني ست الحسن الي هتشرف كمان كام شهر ف مش عايز اصرف عشان مصاريف الولادة و كده..ز بالتوفيق يا صاحبي ... العربية دي ميتفرطش فيها... الموتور ال تربو بتاع 505 2200 سي سي و نادر شوية... موتورك حلو... عايز بس موبينه و اسبراتير اليكتروني و بوجيهات و سلوك سبور.. و شيل علبة الجاكمان الي في النص و خلي العلبة الي ورا... و وسع المواسير بتاعت الجاكمان.. الي عندنا 1.5 بوصه.. خليها 2.. و انت هيبقة تحت ايدك طيارة .. جرب و ادعيلي

اولا انشاء لله البنوتة تيجى بى السلامة وتكون خير عليك
موضوع الفرامل دة كان فى بالى علطول عشان بينى وبينك مش عجبانى فرملها مش بتسعف اوى و خصوصا انا طريقى علطول دائرى و سرعة - عموما انا رايح لى بتاع العفشة و هسئلو على الموضوع دة - موضوع الموبينة و اسبراتير اليكترونى هيفرق فى اية معلش - والسلوك الاسبور بتبقا بتاعت بيجو بس ؟ وعندك فكرة اجبها منين ؟

حوار علبة الشكمان كونت عاملة بس الشكمان كان تعبان وجاب اخرو فا الحمدلله غيرتو كامل
شكمان سعودى انجليزى بتعها - ومشائ لله العربية اختلفت بقت نعمااااااااة وهديا اوى

العربية بتجيب معايا 160 مشاء لله منغير م العب فى اى حاجة

وشكرا على ردك

**omarov2000** · 16-04-2013 11:10 PM

المشاركة الأصلية كتبت بواسطة ana

مهما عملت وصرفت جامد لو جيت تبيع لاى ظرف محدش هيقدرها وهتخسر جامد وانت ممكن تجنط بس وتسمكر وترش رشه محترمه واكتر من كده متعملش

يا باشا انا عاوز الكلام دة عشان اركبها انا وهيا عموما ورث لا تصلح للبيع و بتعتنا اول يد
فا هحاول اخليها فى احسن شكل عشانى

**amer hassan** · 18-04-2013 08:15 PM

سؤال صغير يا صاحبي.... 160؟؟ طيب ايه عايز تقفل ال 200؟؟
الاسبراتير هيزود السحب و يزود السرعة شوية.. و لو شيلت العلبة الي في النص او غيرت الجاكمان هيريح العربية اكتر في السحب... و السلوك مش مخصوصة للبيجو

**omarov2000** · 19-04-2013 08:41 PM

المشاركة الأصلية كتبت بواسطة amer hassan

سؤال صغير يا صاحبي.... 160؟؟ طيب ايه عايز تقفل ال 200؟؟
الاسبراتير هيزود السحب و يزود السرعة شوية.. و لو شيلت العلبة الي في النص او غيرت الجاكمان هيريح العربية اكتر في السحب... و السلوك مش مخصوصة للبيجو

لاء 160 حلو بس لو جابت 180 ميدورش

و انا عاوز الهورس بور بتاع العربية يزيد مش اكتر

تعرف سعر السلوك كام ؟