للبيع: جيلي باندا - 2010

**kito** · 13-04-2013 03:00 AM

للبيع، جيلي باندا حمراء اللون 2010 - جميع الكماليات - تكيف - 4 زجاج كهرباء - باور ستيرنج - مرايات كهرباء - فرامل ABS / EBD - عاملة 22،000 كم - بوية المصنع خوارج و دواخل - صالون فبريكة - محتاجه طقم طاسات عجل، في 2 إتسرقو و ممكن كاوتش جديد لأن بها كاوتش المصنع - صيني - و هو ناشف نوعاً ما. هي تاني يد، و بإسمي. و معايا بقالها 12،000 كم.
مطلوب 42،000 ج إن شاء الله
لو حد عنده إستفسار معين يتفضل يسأل

**S O P H O S** · 13-04-2013 04:59 AM

ما شاء الله
ربنا يوفقك فالبيع

**el diesel** · 13-04-2013 05:40 AM

42 الف جنيه
لولا اختلاف الازواق لبارت السلع
وموفق فى الببيع يا جميل ان شاء الله

**amrrashed** · 13-04-2013 02:30 PM

بالتوفيق فى البيع ... العربية دى بحب شكلها بس ياريت لو تكلمنا على تقييمك ليها واخبار قطع غيارها ايه وشكرا

**kito** · 13-04-2013 03:37 PM

المشاركة الأصلية كتبت بواسطة el diesel

42 الف جنيه
لولا اختلاف الازواق لبارت السلع
وموفق فى الببيع يا جميل ان شاء الله

شكراً ليك :) و الصراحة العربية مفيهاش مشاكل عندي، أنا شفت عربيات باندا بأسعار أقل من كدة، و حالاتها كانت كوميديا يعني

**kito** · 13-04-2013 03:43 PM

المشاركة الأصلية كتبت بواسطة amrrashed

بالتوفيق فى البيع ... العربية دى بحب شكلها بس ياريت لو تكلمنا على تقييمك ليها واخبار قطع غيارها ايه وشكرا

شكراً لحضرتك :) العربية جميلة الصراحة و أنا كان معايا m11 الأول ٣ سنوات، و جبت الباندا علشان شغلي بقي في المعادي و كنت محتاج إستهلاك بنزين أقل و عربية أعرف اركنها في أي حته. العربية محتاجتش أي حاجه غير تغيير الزيت، لحد قريب كنت محتاج تيل فرامل أمامي و جبته من شارع دمشق، قطع الغيار متوفرة في التوفيقية، و في قاصد كريم في الهرم كمان، و كنت بفكر أكلم توكيل غبور أعرف هل قطع الغيار متوفرة عندهم ولا لأ بس جه قرار البيع بقي. عربية عملية، إقتصادية و مشاويري كلها بيها، تكيف تمام و صراحة لما جبتها كنت بقارن بينها و بين تويوتا سترلت مثلاً، و الحمدلله جبت الباندا و أدت الغرض.

**amrrashed** · 14-04-2013 08:41 AM

شكرا علي ردك طيب تعرف حاجة عن اللي بيكون نازل اوتوماتيك منها

**kito** · 15-04-2013 01:50 AM

المشاركة الأصلية كتبت بواسطة amrrashed

شكرا علي ردك طيب تعرف حاجة عن اللي بيكون نازل اوتوماتيك منها

لا الصراحه معنديش أي فكرة عن الاتوماتيك :) غير انها كانت أغلي، انما كا موتور العربية موتورها هو موتور تويوتا ١٣٠٠ القديم، فا الموتور حلو ... كفائة الفتيس الاتوماتيك بقي إلي عليها هو إلي هيفرق