طريقة نفخ الكاوتش في العربيات الحديثه

**تويوتا افريقي** · 13-04-2013 02:52 PM

مساء الفل صباح الفل حسب انا اول موضوع ليا في المنتدى بسلم عليكم كلكم
اخش في الموضوع العربيات الحديثه عموما زي كورولا سيراتو النترا سيفيك الخ بيبقى ليها طابع رياضي شويه من ناحية الكوتش بتاعها وهو سمك الكوتش مثلا عربيتي الكورولا 55 في عربيات 45 وهكذا وده ليه عشان العربيه على الملفات السريعه العجله ماتتنيش تحت الجنط والعربيه تعوم زي العربيات السبور دايما الكاوتش فيها ارتفاعه قليل جدافالحل هو ماتسمعش الفتي اللي بيقوله بتوع الكاوتش ويقلق انفخ على تلاتين يابيه عشان العربيه مادبش بالعكس هادب وهاتكسر العفشه وتجبلك الغضروف بعيد الشرمن وجة نظري المتواضعه لقيت حل هو انفخ زي مالكتالوج قال وياريت نيتروجين عشان مطباط مصر مبالغ فيها على اعلى مقاس في الكتالوج او اللصقه اللي على الباب انا مثلا في الكورولا نفخت اعى حاجه عندي وهي 36 نيتروجين لما عملت كده حسيت ان مصر بقت زي الحرير والعربيه ثبتت اكتر ومفيش دب في العفقشه وارتحت جسمانيا فهوده الحل واسف للاطاله

______________________

مخالفة لقواعد المنتدى
الكتابة باللون الاحمر خاصة بالمداخلات الادراية فقط
يرجى مراجعة قواعد المنتدى

م.ع 7

**speed_magnum** · 13-04-2013 03:02 PM

عندي 36 قدام 33 ورا
لما بظبطها كده بحس فعلا بثبات قوي و اداء رياضي
بس العربيه بتبقي ناشفه

**تويوتا افريقي** · 13-04-2013 03:13 PM

وبعدين الاداء الرياضي قاسي شويه بس المهم العربيه مادبش

**azwoz65** · 14-04-2013 11:26 PM

متابع ..............

**Ahmed Amin** · 04-05-2013 12:18 AM

كلامك مش صحيح..
انا دايما بحط اقل من الرقم اللي عال باب ب ٣ او ٥ أقل.
ومن غير ماحد بتاع كاوتش يقولي، انا اللي اخدت القرار دا من نفسي لما لاقيت العربية بترزع من قدام في الحفر والكاوتش القديم كان نشف لانه كان انتاج ٢٠٠٧ فبدأت من ٢٠١٠ اخلي الضغط ٣٠ وكان زي الفل وثباته اعلي والعربية مش بتدب من قدام بعد المطبات.
لان الطرق وحشة جداً. يعني هوا المفروض ٣٥ عندي علي كاوتش ٥٥

ولما غيرته من سنتين بحط ٣٢ او ٣٠ ومفيش اي مشاكل. بالعكس بقي وعلي عكس كلامك
العربية بتثبت اكتر لان نسبة الاحتكاك اعلي نسبياً. والنقر والحفر تأثيرها أقل علي كرسي السايق والراكبين لان الفردة مش ناشفة.