الموضوع: حد يفيدني ضروري جدا بخصوص الفتيس

السلام عليكم ورحمة الله وبركاته
انا حابة استفسر عن مشكلة عندي في فتيس تويوتا كورولا 2012 اوتوماتيك
كنت عملت حادثة اتاثر تبعا ليها الكوبلن اليمين
اشتريت كوبلن استيراد المفروض انه ليها ومشيت عليه فترة اسبوع كان ماشي تمام بس في رجة ع سرعات 40 و60 وبتقل الرجة مع زيادة السرعة
عديت ع مركز العالمية في الحرفيين فالقاهرة قالولي دا مش بتاعه
وغيرلوي واحد من عندهم ركبوه للتجربة الاول بس تشبيط وطلعنا جربنا العربية كانت زي الفل مفيهاش مشكلة
لما رجعنا عشان يركبوه نهائيا كان عايز اولسي زيت بس مكنش راضي يركب ع الراس الداخلية للكوبلن وقعدو يحاولو يركبو الكوبلن ساعة كاملة كل خمس دقايق يدقو عليه يعني بيحاولو يركبوه بالدق واللي اعرفه ان دا غلط
المهم بعد الدق دا ركبوه باي شكل كان وزود2 كيلو زيت موبيل ع الزيت بتاعها الموجود فيها اصلا من يوم ماجبتهاومشيت عليه رجعت الزقازيق الغيارات كلها مفوتة والار بي ام بيعلى كإن العربية متمورة وبترفع بالبنزين
لغاية ماوصلت الزقازيق كان المارشدير مش شغال
رجعتلهم تاني يوم
قالولي الزيت كان بيسرب من الكوبلن والكلتشات بتاعة المارشدير اتحرقت فكوها وشفتها متفحمة وحطولي كلتشات استيراد
المارشدير اشتغل بس الوضع الحالي العربية فيها نتشة ع التاني ولما بتيجي تاخد الرابع بتفوت ومبتاخدش سرعتها كويس
لو مشيتها مانوال النتشة بتيجي ع2 وطول منا ماشية ع 3 مفيش مشكلة اول ماديها الدي عند اي رقم بتفوت
رجعتلهم تاني غيرولي كلتشات التاني ولقو مجموعة الكلتشات بتاعة المارشدير اتحرقت تاني معرفش اي السبب وغيرولي الفلتر عشان مسدود وحطو 5لتر زيت موبيل من عندهم
بس بردو الحال ع ماهو عليه
عايزة اعرف قبل مااوديها بكرا للتوكيل حد يفيدني كدا عوضي ع الله فالفتيس ولااي
ولو هو كدا فعلا اغيره فالتوكيل ولا في حد برا ارحم شوية من التوكيل
وشكرا

يا افنتم حرام عليك امال التوكيل لزمته ايه روح ع طول علي التوكيل والدق اللي هما عملوه غلط جدا وياريت يا جماعه نعطي العيش لخبازه التوكيل اه غالي حبيتين بس علي الاقل بيحافظلك ع العربيه ومش بيدخلك في متاهات زي اللي حضرتك دخلتها وان شاء الله تطلع بسيطه ويارب ميكونش الفتيس حصله حاجه وخير ان شاء الله