الكاسيت والاكولايزر

**linkin2008** · 13-04-2013 05:02 PM

ازيكوا يا شباب الموضوع انا عندى كاسيت بايونير 3350 بس مشكلته انه 3 باند بس فى الاكولايزر فبالصدفة جالى اكولايزر جينسين 2002 الى الباندات بتاعته انت الى بتحركها مش زراير والفكره انه عندى زيرو بالكرتونة والسلوك والفيشة وكل حاجة السؤال دلوقتى لو انا ركبت الاكولايزر ده هيعمل معايا فرق فى الصوت؟ طيب تركيبه يتكلف كام وهل فى سلوك او وصلات حشتريها ؟ممكن تركيبه على الكاسيت على طول بحيث ان السماعات يفضل خرجها من الكاسيت ولا لازم السماعات يبقى خرجها من الاكولايزر؟ نسيت اقول انا عندى سماعتين بايونير 400 وينفع انا الى اركب الاكولايزر لو ينفع ممكن شرح مبسط علشان انا بحب اوى اعمل حاجتى بنفسى وشكرا مقدما

**أحمد جودة** · 16-04-2013 12:41 PM

بالسالأعتقد تجرب بنفسك أحسن الاول

1- تركب الكاسيت لوحدة
2- تركب الاكواليزر بخرج الكاسيت

وإليك طريقة مبسطة

الكاسيت بيكون فية طرف أحمر وطرف تاني ممكن يكون لونه وردي ولو الموضوع صعب عليك
هتاخد الطرفين اللى فيهم الفيوازات مع بعض وتوصلهم بالطرف الاحمر بتاع العربية ( 12 ) فولت دة الموجب
وبعدين هتاخد السالب مع السالب مدة لونة اسود ( يعني اسود الكاسيت مع اسود العرببية )

نيجي لتوصيل السماعات

هتلاقي رسمة على الكاسيت بتقولك مثلا الاخصر والازرق سماعات خلفية
والابيض والرصاصي سماعات أمامية
وجرب الكاسيت وعيش

دة فى حالة توصيل الكاسيت بس
طيب لو عاوز توصل الاكواليز

تجيب طرفين الكهربا بتوع الكاسيت مع طرف الكهربا بتاع الاكواليزر
والسالب بتاع الكاسيت مع سالب الاكواليز وتوصلهم بالطرف الاسود بتاع العربية

الاختلاف هنا فى توصيل السماعات

فية طرفين مختلفين وطالعين من الفيضة على جمب وفية رسمة على الاكواليزر بيوضحلك الدخل بتاعه ألوانه اية

هتاخد اطراف الدخل بتاع اللاكواليزر وتوضصلهم مع اطرافا سماعات الكاسيت وتراعي الملحوظة الاتية

الاكواليزر فى دخلين فقط والكاسيت فيه اربعة خرج

هتاخد هتوصل الدخل الاكواليزر بخرج سماعة امامي وسماعة خلفي

وبعدين بنفس الطريقة توزع الاربع سماعات على سماعات العربية

أرجو أن أكون قدمت لك معلومة تفيدك

ولو حضرتك قريب من حلون اتشرف بيك واركبهم معاك لوجه الله تعالي ومحبة فى أعضاءالمنتدي الكرام

إعترافاً بجميل المنتدي عليا وكلنا بنساعد بعض

اخوك أحمد جودة

لو حبيت اي استشارة تحت امرك

للتواصل 01220121641

**أحمد جودة** · 16-04-2013 12:53 PM

المشاركة الأصلية كتبت بواسطة linkin2008

ازيكوا يا شباب الموضوع انا عندى كاسيت بايونير 3350 بس مشكلته انه 3 باند بس فى الاكولايزر فبالصدفة جالى اكولايزر جينسين 2002 الى الباندات بتاعته انت الى بتحركها مش زراير والفكره انه عندى زيرو بالكرتونة والسلوك والفيشة وكل حاجة السؤال دلوقتى لو انا ركبت الاكولايزر ده هيعمل معايا فرق فى الصوت؟ طيب تركيبه يتكلف كام وهل فى سلوك او وصلات حشتريها ؟ممكن تركيبه على الكاسيت على طول بحيث ان السماعات يفضل خرجها من الكاسيت ولا لازم السماعات يبقى خرجها من الاكولايزر؟ نسيت اقول انا عندى سماعتين بايونير 400 وينفع انا الى اركب الاكولايزر لو ينفع ممكن شرح مبسط علشان انا بحب اوى اعمل حاجتى بنفسى

وشكرا مقدما

أعتقد تجرب بنفسك أحسن الاول وتفرق بين الصوت بالكاسيت فقط وبالاكواليزر

1- تركب الكاسيت لوحدة
2- تركب الاكواليزر بخرج الكاسيت

وإليك طريقة مبسطة

الكاسيت بيكون فية طرف أحمر وطرف تاني ممكن يكون لونه وردي أو لون تاني ( ودة المسئول عن تشغيل الشاشة وحفظ محطات الراديو اعتقد ) ولو الموضوع صعب عليك
هتاخد الطرفين اللى فيهم الفيوازات مع بعض وتوصلهم بالطرف الاحمر بتاع العربية ( 12 ) فولت دة الموجب
وبعدين هتاخد السالب مع السالب ودة لونة اسود ( يعني اسود الكاسيت مع اسود العرببية )

نيجي لتوصيل السماعات

هتلاقي رسمة على الكاسيت بتقولك مثلا الاخصر والازرق سماعات خلفية
والابيض والرصاصي سماعات أمامية
وجرب الكاسيت وعيش

دة فى حالة توصيل الكاسيت بس
طيب لو عاوز توصل الاكواليز

تجيب طرفين الكهربا بتوع الكاسيت مع طرف الكهربا بتاع الاكواليزر وتوصلهم بالطرف الاحمر 12 فولت موجب
والسالب بتاع الكاسيت مع سالب الاكواليز وتوصلهم بالطرف الاسود بتاع العربية

الاختلاف هنا فى توصيل السماعات

فية طرفين مختلفين وطالعين من الفيشة على جمب وفية رسمة على الاكواليزر بيوضحلك الدخل بتاعه ألوانه اية

هتاخد اطراف الدخل بتاع اللاكواليزر اللي عدهم 2 وتوصلهم مع أطراف خرج الكاسيت وتراعي الملحوظة الاتية

الاكواليزر فى دخلين فقط والكاسيت فيه اربعة خرج

هتاخد دخل الاكواليزر بخرج سماعة امامي وسماعة خلفي ( والاتنين الباقيين ممكن تعزلهم بشيكرتون )

وبعدين بنفس الطريقة توزع الاربع سماعات على سماعات العربية

أرجو أن أكون قدمت لك معلومة تفيدك

ولو حضرتك قريب من حلون اتشرف بيك واركبهم معاك لوجه الله تعالي ومحبة فى أعضاءالمنتدي الكرام

إعترافاً بجميل المنتدي عليا وكلنا بنساعد بعض

اخوك أحمد جودة

لو حبيت اي استشارة تحت امرك

للتواصل 01220121641

ملحوظة مهمة جدا لو الاكواليزر مش تمام متحملش علية اكتر من الازم علشان انا ركبت 5 سماعت على الاكواليزر عندي ولقيته سخن جدا .......... بالاضافة لان خرج الكاسيت البايونير غبي جدا يعني شديد على السماعات

بالتوفيق أحمد أبو ميزو