طريقة فك تابلوة لانوس بالكامل ... بالتفاصيل والصور
استكمال لموضوع تفكيك سيارتى بالكامل
فى الموضوع دة طريقة فك التابلوة بالكامل (مش الحتة بتاعة العدادات والتكييف والكاسيت بس)
ودة كان مرحلة من مراحل تفوير صالون السيارة بالكامل من اجل عزل سيارة بالارما فليكس
وبكدة يبقى انا عملت 4 مواضيع من اصل 11 موضوع هعملهم بأذن الله
وهم كالاتى
عمل فلتر لتكييف الانوس
تعديل كوريك السيارة الاصلى لذيادة الفاعلية والامان
فك العدادات
فك الدركسيون
فك التابلوة نفسة بالكامل
فك التلاجة
فك سربنتينة السخن
فك دواسات الوقود والفرامل والدبرياج
فك الفبر
فك فرش السيارة بالكامل
طريقة اصلاح الاطارات المتهالكة القديمة
بس قبل ما نفور التابلوة بالكامل لازم تكون الاول فكيت قطمة الدركسيون زى ما انا عملت فى الموضوع دة
http://www.nilemotors.net/Nile/342016-a.html
وبعدين تفك الجزء بتاع الكاسيت ولوحة التكييف والعدادت اللى انا عاملة فى الموضوع دة
http://www.nilemotors.net/Nile/343300-a.html
وبعد كدة هنفك التابلوة بالكامل
الاول هنبدأ من الناحية الشمال (عند السائق)
هنفك الكاوتش اللى بيبقى على الباب
http://i1357.photobucket.com/albums/...ps340b52a0.jpg
وبعديت هتحط صوابعك بين الفبر والقايم بتاع الباب
وبالعقل كدة هتسحب الفبر لبرة
من غير ما تكسر القواعد بتاعتة
http://i1357.photobucket.com/albums/...psf74654e9.jpg
http://i1357.photobucket.com/albums/...psafde5f36.jpg
وتروح الناحية اليمين عند درج التابلوة وتكرر نفس الكلام
وبعد كدة هنطلع الفبر الصغير اللى فى الجنب
بس بدل ما تطلعة بمفك والكلبسات تتكسر
هتدخل ايدك من عند درج التابلوة وتضغط على الكلبسات وتدفعها للخارج بصوابعك عشان متتكسرش
http://i1357.photobucket.com/albums/...ps5f6ae2ad.jpg
http://i1357.photobucket.com/albums/...ps2a30b6ab.jpg
هنروح الناحية التانية عند السواق
بس للاسف مش هنعرف نفك الفبرة الصغيرة بنفس الطريقة
ودة عشان مكانها مزنوق شوية فهنستخدم المفك العدل بس بحرص
http://i1357.photobucket.com/albums/...ps3d415ecb.jpg
http://i1357.photobucket.com/albums/...ps1a10971e.jpg
وبعدين هنفك الفيشة بتاعة الكمبيوتر
ومكانها جنب دواسة البنزين عند رجل السواق
http://i1357.photobucket.com/albums/...ps897c4f02.jpg
طبعا انت هتكون طلعت كرسى السائق واللى جنبة برة العربية
وبعدين هتفك الغطاء الجلد بتاع الفتيس
وبعدين هتفك الكونسولة اللى بين كرسى السواق اللى طالع منها فرامل اليد وبعدين هتفك القطعة اللى قدامها اللى فيها الولاعة وتحرر سلك الولاعة
الحاجات دى بسيطة كلها مش محتاجة صور ولا شرح
وبعد كدة هنفك القطعتين الحديد اللى ماسكين التابلوة فى جسم السيارة من تحت وكل ناحية فيها 4 مسامير مقاس 10
http://i1357.photobucket.com/albums/...psa49b1d53.jpg
وبعد كدة هنروح عند درج التابلوة
فية 3 مسامير (راس مفك صليبة) بيبقوا ماسكين علبة التلاجة فى التابلوة فكهم عادى وعلبة التلاجة هتفضل مكانها ومتثبتة زى ما هى لان دى ليها قصة تانية
وبعدين هتسحب حتة الحديدة الصغيرة اللى المسامير كانت ماسكة فيها
http://i1357.photobucket.com/albums/...ps159e54c5.jpg
وبعدين هنروح عند الحتة اللى كان فيها مكان الكاسيت ولوحة التكييف بعد ما طلعناهم وفك المسامير دى
http://i1357.photobucket.com/albums/...psb22c6aae.jpg
ودول اللى ماسكين علبة خلط الهواء وسربنتينة السخن فى التابلوة ومتقلقش بردة العلبة هتفضل فى مكانها
وبعد كدة هنخش على المسمارين الصغيرين اللى ماسكين التابلوة فى القايم يمين وشمال بس خلى بالك دول مش هيتفكوا غير ببيبة 10 او بطقم لقم وتطويلة عشان مكانهم مزنوق شوية
http://i1357.photobucket.com/albums/...ps43add321.jpg
http://i1357.photobucket.com/albums/...ps740b022e.jpg
كدة انت خلصت كل المسامير الرفايع اللى ماسكة فى التابلوة
مش فاضل غير المسامير الرئيسية اللى ماسكة الهيكل الحديد اللى التابلوة مشدود علية اللى هما دول
http://i1357.photobucket.com/albums/...psb6cfd004.jpg
http://i1357.photobucket.com/albums/...ps528e36af.jpg
لما هتفكهم هتلاقى زنبتين حديد داخلين جوة قوايم العربية يعتبروا دليل للتابلوة فى جسم العربية دول اللى بيكونوا شايلين التابلوة بعد ما تفك كل مسامير
بس خلى بالك فى المرحلى دى لازم يكون حد معاك يمسك معاك وانت بتفك التابلوة لأن الضفيرة بتكون مشدودة جوة التابلوة لسة ودة عشان التابلوة ميقعش والضفير تتقطع وتلاقى نفسك فى حوسة كبيرة
http://i1357.photobucket.com/albums/...ps6e08d858.jpg
عند المرحلة دى هتقف انت من ناحية وصديقك من ناحية وتميل التابلوة عليك من فوق وتسندة بركبتك وتبدا تحرر الضفيرة وكل الفيش بتاعتها من جسم التابلوة وتطلعه برة بالراحة وبالعقل وبهدوء عشان مفيش حاجة من الضفير تتقطع
وهنا هسبق الاحداث واوريلك صور بعد الفك والتابلوة مقلوب على وشة وهرسم لك بالقلم الاصفر الضفيرة بتبقة ماشية ازاى فى التابلوة من جوة
وهى بتبقى متثبتة بقفزان بلاستيك بتاعة الفابريكة اللى بتيجى من المصنع لو التابلوة بتاعك متفكش قبل كدة او بالقفزان العادية لو اتفك قبل كدة
وفى الحالتين بتقصفهم بالقصافة عادى جدا بس خليك واخد بالك وانت بتقصفهم لحسن تقطع سلك من الضفيرة
ودى صورة توضيحية لمسار الضفيرة فى التابلوة
http://i1357.photobucket.com/albums/...ps1886249e.jpg
بعد ما هتحرر الضفيرة متطلعش التابلوة مرة واحدة
اسحبة سنة سنة لورا عشان اكيد هتلاقى فى اسلاك تانية محتاجة تحرير وخلى بالك لازم يكون حد معاك عشان التابلوة ميقعش والضفيرة تتقطع
ودة كان الشكل النهائى
http://i1357.photobucket.com/albums/...ps39d5c874.jpg
ودى صورتة وهو برة العربية خالص قدام المحل عندى
http://i1357.photobucket.com/albums/...ps95f0e0dc.jpg
واى استفسار انا حاضر
بس انا ليا طلب صغير جدا جدا
اى عضو يحس انة استفاد من الموضوع دة ارجوا ان يقرأ الفاتحة بينة وبين نفسة لوالدتى يرحمها الله
وبالتوفيق للجميع