سنسور بارك و وحدة رفع - صني شكل قديم

شباب نيسان

ودينا العربية النهاردة اوتو ايجبت علشان صيانة الالف و سألنا على تركيب لباركينج سينسور و وحدة رفع للزجاج...

المهم قالولنا ان السنسور ب ٤١٥ جنيه و وحدة الرفع مش موجودة و مش مأمون تركيبها علشان اللعب في الضفيرة! فقلتلهم خلاص مش عايزين حاجة و ماركبناش حاجة

السؤال هنا بقى ايه معلوماتكم و تجاربكم في تركيب الحاجتين دول؟ اركبهم فين بره و هل وحدة الرفع فعلاً خطر تركيبها في النيسان؟

و سؤال كمان... هي العربية بتنزل من غير فلتر التكييف؟ لان قالولنا نركبه لأنها مش نازله بيه من المصنع و سعره ٢٠٠ جنيه!!

إسال في مودرن أبو رواش اعتقد انه هيبقا أرخص

السينسور بارك تركيبه عادي جدا ومفيهوش مشاكل بس تركبه فى التوكيل علشان الضمان

لكن وحدات الرفع بتلعب فى ضفيره الكهربا للسياره وزي ما فى اخوه لينا فى المنتدي ذكرو ان
فى مراكز خدمه بتركبها بس هى بتضمنلك ضفيره الكهرباء

اما بالنسبه لفتر الهوا العربيه بتنزل من غيره فعلا وبتشتريه من التوكيل فى الحدود دي فعلا

أنا معايا صنى 2008 مركب سينسور بارك ووحدة رفع بالتوكيل فى اسكندرية ب550 جم الاثنين شامل التركيب و بقالهم 3 سنين فى حالة ممتازة ودون اى مشاكل

انا مركبهم فى مودرن فى الدقى وبقضل الله تعالى زى الفل

مفيهمش مشاكل ان شاء الله بس ركب طبعا في التوكيل علشان الضمان و في الاغلب هتركب وحدات الرفع في مودرن موتورز و علي فكره الشغل كله بيبقي في باب السائق فقط ساعه التركيب و مش لازم تركب كل حاجه مره واحده يعني ممكن مثلا مره تبقي تركب وحدات الرفع و مره تانيه الانذار و بالنسبه لفلتر التكييف انصحك ما تشتريهوش دلوقتي لانه احيانا مع حملات الصيانه المجانية ممكن يعطوه لحضرتك هديه

مفيش مشكلة إن شاء الله ..

ساعات كده مودرن بعمل عروض كويس في الموضوع ده ..

فعلا شوف في مودرن، أنا مركب البارك سينسور في أوتو إيجبت وبصراحة ممتاز، لكن وحدات الرفع بيرفضوا تركيبها، هاتلاقيها موجودة في مودرن وبيضمنهالك هي وضفيرة الكهرباء علشان لا قدر الله لو حصل حاجة تبقى بتاعتها.. تحياتي

اقتباس:

---

المشاركة الأصلية كتبت بواسطة sehsss

فعلا شوف في مودرن، أنا مركب البارك سينسور في أوتو إيجبت وبصراحة ممتاز، لكن وحدات الرفع بيرفضوا تركيبها، هاتلاقيها موجودة في مودرن وبيضمنهالك هي وضفيرة الكهرباء علشان لا قدر الله لو حصل حاجة تبقى بتاعتها.. تحياتي

---

انا كنت مركب السنسور مع وحده الرفع فى موردن الدقى وكان وقتها فى عرض وطبعا منساش افضال اخى وحبيبى زونج فى الموضوع ده لانى عطلتو فى اليوم ده كتير اما جه معايا المشوار ده

تحياتى لكم