سنسور بارك و وحدة رفع - صني شكل قديم

**NaderNabil** · 13-04-2013 10:32 PM

شباب نيسان

ودينا العربية النهاردة اوتو ايجبت علشان صيانة الالف و سألنا على تركيب لباركينج سينسور و وحدة رفع للزجاج...

المهم قالولنا ان السنسور ب ٤١٥ جنيه و وحدة الرفع مش موجودة و مش مأمون تركيبها علشان اللعب في الضفيرة! فقلتلهم خلاص مش عايزين حاجة و ماركبناش حاجة

السؤال هنا بقى ايه معلوماتكم و تجاربكم في تركيب الحاجتين دول؟ اركبهم فين بره و هل وحدة الرفع فعلاً خطر تركيبها في النيسان؟

و سؤال كمان... هي العربية بتنزل من غير فلتر التكييف؟ لان قالولنا نركبه لأنها مش نازله بيه من المصنع و سعره ٢٠٠ جنيه!!

**miceg** · 13-04-2013 11:04 PM

إسال في مودرن أبو رواش اعتقد انه هيبقا أرخص

**shifo** · 14-04-2013 01:36 AM

أنا معايا صنى 2008 مركب سينسور بارك ووحدة رفع بالتوكيل فى اسكندرية ب550 جم الاثنين شامل التركيب و بقالهم 3 سنين فى حالة ممتازة ودون اى مشاكل

**_hema** · 14-04-2013 01:51 AM

انا مركبهم فى مودرن فى الدقى وبقضل الله تعالى زى الفل

**Dr'AhmZZong** · 14-04-2013 02:09 AM

مفيش مشكلة إن شاء الله ..

ساعات كده مودرن بعمل عروض كويس في الموضوع ده ..

**Sehsss** · 14-04-2013 04:08 PM

فعلا شوف في مودرن، أنا مركب البارك سينسور في أوتو إيجبت وبصراحة ممتاز، لكن وحدات الرفع بيرفضوا تركيبها، هاتلاقيها موجودة في مودرن وبيضمنهالك هي وضفيرة الكهرباء علشان لا قدر الله لو حصل حاجة تبقى بتاعتها.. تحياتي

**_hema** · 14-04-2013 06:53 PM

المشاركة الأصلية كتبت بواسطة sehsss

فعلا شوف في مودرن، أنا مركب البارك سينسور في أوتو إيجبت وبصراحة ممتاز، لكن وحدات الرفع بيرفضوا تركيبها، هاتلاقيها موجودة في مودرن وبيضمنهالك هي وضفيرة الكهرباء علشان لا قدر الله لو حصل حاجة تبقى بتاعتها.. تحياتي

انا كنت مركب السنسور مع وحده الرفع فى موردن الدقى وكان وقتها فى عرض وطبعا منساش افضال اخى وحبيبى زونج فى الموضوع ده لانى عطلتو فى اليوم ده كتير اما جه معايا المشوار ده

تحياتى لكم