اللى يعرف عربية اكسيل اتوماتيك من 94 حتى 99 جاد للشراء

**ciborgec18** · 13-04-2013 11:18 PM

اللى يعرف عربية اكسيل اتوماتيك من 94 حتى 99 جاد للشراء

**fares_311** · 13-04-2013 11:36 PM

السلام عليكم يا باشا....
بس ملاحظة رفيعة كده: الاكسيل اخر موديل نزل اظن 97 بس وبعد كده من 98 نزلت الاكسنت

**ciborgec18** · 14-04-2013 12:20 AM

المشاركة الأصلية كتبت بواسطة fares_311

السلام عليكم يا باشا....
بس ملاحظة رفيعة كده: الاكسيل اخر موديل نزل اظن 97 بس وبعد كده من 98 نزلت الاكسنت

مفيش مشكلة لحد 97
بس هى فين اللى انا بدور علية نادر ولا انا بدور غلط

**AbdelRa0uf** · 14-04-2013 12:32 AM

بص ياباشا انا من ملاك الاكسيل و منزلش منها غير مانيوال فققققط و لكن لو انت عايز تركب فتيس اوتوماتيك عادى مفيش مشكلة بس العربية هتتبهدل منك بعد فترة و انا هعرض عربيتى ان شاء الله لو حابب مانيوال و موديل 97 و تحت امرك فى اى اسألة :)

**ciborgec18** · 14-04-2013 01:32 AM

المشاركة الأصلية كتبت بواسطة abdelra0uf

بص ياباشا انا من ملاك الاكسيل و منزلش منها غير مانيوال فققققط و لكن لو انت عايز تركب فتيس اوتوماتيك عادى مفيش مشكلة بس العربية هتتبهدل منك بعد فترة و انا هعرض عربيتى ان شاء الله لو حابب مانيوال و موديل 97 و تحت امرك فى اى اسألة :)

شكرا
بس انا حابب اركب اتوماتيك والعربية دى كويسة بدليل اى عربية منها تنزل على النت 3 ايام بالكتير تكون اتباعت وحاليا لا يوجد منها فى مصر كلها غير 2 فقط حالتهم مش عجبانى لو تعرف واحدة تالتة وحالتها حلوة قولى وانا شارى وليك عمولة 200 جنية لو تخلص 32 او 33 لسة متباعة واحدة النهاردة ب 33

**AbdelRa0uf** · 14-04-2013 01:27 PM

حاضر يا باشا ان شاء الله هدورلك :)

**kar!m** · 14-04-2013 01:40 PM

المشاركة الأصلية كتبت بواسطة abdelra0uf

بص ياباشا انا من ملاك الاكسيل و منزلش منها غير مانيوال فققققط و لكن لو انت عايز تركب فتيس اوتوماتيك عادى مفيش مشكلة بس العربية هتتبهدل منك بعد فترة و انا هعرض عربيتى ان شاء الله لو حابب مانيوال و موديل 97 و تحت امرك فى اى اسألة :)

كان بينزل منها أتوماتيك أيامها .. و أعرف ناس كانوا شارينها أتوماتيك كتير في التسعينات.

**mado83** · 14-04-2013 01:56 PM

المشاركة الأصلية كتبت بواسطة AbdelRa0uf

بص ياباشا انا من ملاك الاكسيل و منزلش منها غير مانيوال فققققط و لكن لو انت عايز تركب فتيس اوتوماتيك عادى مفيش مشكلة بس العربية هتتبهدل منك بعد فترة و انا هعرض عربيتى ان شاء الله لو حابب مانيوال و موديل 97 و تحت امرك فى اى اسألة :)

اوعى باسم يوسف يسمعك وانته بتقول انك من ملاك الاكسيل ومانزلش منها غير مانيوال
ازاى بس ياصديقى مانزلش منها غير مانيوال تصحيحا لمعلومه حضرتك

**hesham155** · 14-04-2013 06:39 PM

المشاركة الأصلية كتبت بواسطة mado83

اوعى باسم يوسف يسمعك وانته بتقول انك من ملاك الاكسيل ومانزلش منها غير مانيوال
ازاى بس ياصديقى مانزلش منها غير مانيوال تصحيحا لمعلومه حضرتك

اه فعلا اذاى منول بس امال الى انا راكبها دى ايه ؟؟؟ دى موديل 94 وفيها اوفر دريف كمان والمبه كمان شغاله ولنها اصفر هههههه بالاماره بص يا باشا هيا الى معايا مواصفات خليجى فول ابشن بس معرفش الى بتقفل فى مصر كان فى منها اوتو ولا لا لاكن الاكيد ان فى منها اوتوماتيك مواصفات خليجى زى الى معايا والعربيه على فكره حلوه وناعمه بس لازم لما تجبها تشوف ميكانيكى فتيس بيفهم فيها كويس لانى تعبت فى الاول من الفتى بتاع المكانيكيه وتخربهم فيها وكنت هبيع العربيه من كتر القرف لحد ما ربنا كرمنى بواحد كويس حبيت العربيه جدا بعد ما اتزبطت هيا كويسه وبنت ناس بس نصيحه منى بقا في اوتو كربرادتير وفى انجكشن دور على الانجكشن احسن

**ciborgec18** · 14-04-2013 09:00 PM

المشاركة الأصلية كتبت بواسطة hesham155

اه فعلا اذاى منول بس امال الى انا راكبها دى ايه ؟؟؟ دى موديل 94 وفيها اوفر دريف كمان والمبه كمان شغاله ولنها اصفر هههههه بالاماره بص يا باشا هيا الى معايا مواصفات خليجى فول ابشن بس معرفش الى بتقفل فى مصر كان فى منها اوتو ولا لا لاكن الاكيد ان فى منها اوتوماتيك مواصفات خليجى زى الى معايا والعربيه على فكره حلوه وناعمه بس لازم لما تجبها تشوف ميكانيكى فتيس بيفهم فيها كويس لانى تعبت فى الاول من الفتى بتاع المكانيكيه وتخربهم فيها وكنت هبيع العربيه من كتر القرف لحد ما ربنا كرمنى بواحد كويس حبيت العربيه جدا بعد ما اتزبطت هيا كويسه وبنت ناس بس نصيحه منى بقا في اوتو كربرادتير وفى انجكشن دور على الانجكشن احسن

شكرا على الردود من كل الناس المشكلة انةمفيش معروض خالص فى السوق وانا علطت وبعت عربيتى قبل ما اشترى
وكنت عايز اعرف هى موديلات اية من الاكسيل اللى موجود منها انجكشن ؟