مش عارف اضبط الطبق على نايل سات

**sniper2010** · 10-08-2008 05:37 PM

أنا عارف إنه 7 درجات غربا _ _ _ بس إزاي أحسبها دي محتاجة بوصلة و لا بالتقريب ولا إيه _ _ و كمان نسبة ميل الطبق على الأفقي أد إيه _ _ _ يا ريت حد يساعدني

**ahmad7610** · 10-08-2008 10:27 PM

حضرتك لازم تكون فنى دش علشان تعرف ...
-
فى جهاز اسمه لاقط اشارة .. بيعمل صوت أول ما الطبق يلقط ...
-
ممكن تأخد ريسيفر وتلفزيون وتحرك الطبق لحد ما يلقط اشارة قوية لاى قناة

**noble911** · 10-08-2008 10:38 PM

اختار تردد 11747 من الرسيفير
و حطه جنبك و انت بتظبط الطبق
وجه الطبق في اتجاه القبلة ناحية جنوب الغرب
و تنزل وش الطبق لحد ما يبقي عمودي علي الارض و تلف الطبق بالراحة من اليمين للشمال
لو جبت اشارة يبقي ابتدي اظيط بالراحة في جميع الاتجاهات
لو مجبتش يبقي ارفع طبق حبة صغيرة اوي و حرك الطبق راجع في اتجاه اليمن او الشمال علي حسب ما ابتديت في اول مرة
مفيش ارفع سنة كمان و افضل رايح جاي لحد ما تلاقي الاشارة
الظريف ان النايل سات اشارته قوية اوي و حتلاقيه بسهولة
بس اوعي تلقط قمر تاني
حتعرف انك تمام لما تلاقي نفسك موجه الطبق في نفس اتجاه الاطباق اللي حوليك و اللي من نفس النوعية و القطر و اللي اغلبها موجه للنايلسات
لما تلاقي اشارة ظبط علي التردد 10719 لانه ضعيف حاول تخليه اعلي اشارة و بالتبعية اشارة باقي الترددات حتتظبط
اربط المسامير و اعمل سكان للقمر و جرب القنوات