يا بشمهندس حمدى ,, انت فكرتنى برده بقصه أخرى و لكن هذه المره ليست من الصين و لكن من إيران
معروف ان عامود الكردان للسيارات الدفع الخلفى بالأخص ,, يصنع من سبيكه معدنيه لا يعرف سر خلطتها إلا الدول الصناعيه الكبرى و تعتبره الأخيره حكرا صناعيا لا تفشى سره علانيتا
المهم إيران فضلت ورا الموضوع ده ,, و فضلت تجرب و تجرب و تفشل و تجرب و تفشل و لكن فى النهايه توصلت إلى سر الخلطه المعدنيه بالتجربه و الصبر و المثابره و الإجتهاد و الإراده و الرغبه فى الوصول
و أصبحت إيران تصنع عامود الكردان منافس طبعا للى بتصنعه الدول الصناعيه الكبرى
و على فكره ,, إيران عندها ماركات عربيات إيرانى خالصه ,, مش فاكر منهم دلوقتى غير العربيه " سمند " و ده إسمها و ليها وكيل هنا فى مصر و صالة العرض موجوده فل حى الدقى , الشارع المتفرع من شارع مصدق عند تقاطع كوستا كافيه ,, تقريبا الشارع اسمه شارع إيران ,, مش غريبه ديه شويه ,, شارع إيران و فيه صالة عرض السياره سمند
ما علينا
المهم برافو الصين و برافو إيران و برافو أى دولة تانيه عندها إصرار انها تبقى حاجه
و ما شاء الله دلوقتى الصين هى أكبر منتج للسيارات فل عالم متخطيه أمريكا و اليابان و غيرها من البلاد القديمه فل انتاج دول
أعتقد ان مشاكل البى واى دى ,, كلها مشاكل تافهه بالمقارنه بسعرها و إمكانياتها و معتقدش ان حد حيتدايق منها إلا إذا كان محسوك أوى و يحب كل حاجه تبقى على الشعره
و عامتا كلها حاجات محلوله و ليها حلول
و لكن السيارة حتى الأن أثبتت وجودها فل السوق المصرى و العالمى ,, ليس بسبب الدعايه لا سمح الله زى ما غبور و توحه بيعملوا و ليس بسبب الوكيل و خدمة ما بعد البيع و لكن بسبب انها متفوقه فعلا عن منافسيها فى حاجات كتير أوى
فى المساحه الداخليه و الوسع سواء الصالون أو الشنطه
الشكل الخارجى الإنسيابى و المريح للعين
اوبشنات الرفاهيه
توافر قطع غيارها و أسعارها و البدائل المتاحه
قوة موتورها و اداءه
و إلى الأفضل يا بى واى دى
المفضلات