بشري سارة لراغبي الشراء جديد او مستعمل

**tarekjwal** · 14-04-2013 02:37 PM

تنبية هااااااااام لجميع الأخوة الأعضاء أو المقبلين علي الشراء
نظرا لأنخفاض سعر صرف العملة (الدولار) الي ما يوازي 7 جنيهات فبذلك ينعكس سعر الأنخفاض الي انخفاض سعر السيارات الجديدة والتي ارتفعت طرديا مع زيادة سعر الصرف
................
وبما ان سعر الصرف قد تدني في غضون 4 ايام من تاريخ 9-4-2013 نظرا لدخول 5 مليارات دولار كمنحة سندية من قطر وليبيا واستقرار سعر الصرف
فيجب علينا مراعاة ذلك وتحري هذا في اسعار السيارات
شكرا
طارق اسيوط

**JOKER_KLEN** · 14-04-2013 05:12 PM

يارب تكرم مصر فى اذمتها ؟؟؟؟؟؟؟؟؟؟؟؟؟؟؟؟؟؟؟؟؟؟؟ ادعو معنا

**Mohamed~Adel** · 14-04-2013 06:11 PM

الدولار سعره 6.87 و دا اللى بيبص عليه الناس فى مصر ملهمش دعوه الدولار موجود وللا لأ المهم سعر الدولار كام ....و حكاية الدولار هينزل محدش عارف البلد رايحة على فين ^_^ ...... اللهم اصلح احوال بلدنا .... اّمين

**shaddadfalcon1** · 14-04-2013 06:20 PM

للأٍسف مفيش حاجه بترخص وجشع التجار وجهل المستهلكين هيخلي ا"لأسعار تغلي اكتر لان الناس هتقول نشتري قبل مايغلي تاني

**Batman372** · 14-04-2013 06:54 PM

طبعا كلنا نتمنى ذلك ... لكن للاسف الواقع شى اخر كذلك اقتصادنا حاليا حدث و لا حرج ...
الدولار حتى اليوم فى رنج 8 جم و ان قد انخفض قليلا بسبب بلبله ال 5 مليار !!!
الى يمتلك دولار اليوم استحاله يفرط فيه او يبيعه الا للضروره و ده احدى اسباب الارتفاع ...
و سيعاود الارتفاع مجددا بعد صرف منح قطر/ليبيا لانها سوف فقط تغطى العجز الداخلى مؤقتا ...
ايضا الحجز 3/4 شهور .... يعنى فرضا لو الدولار ثبت طول هذه الفتره حتدفع نفس سعر الحجز ... يعنى الاسعار مش حتقل ابدا !!!
افضل حل هو الشراء الان ....
اخر مره سنه 2004 لما الدولار وصل 7.5 و تم تثبيته من قبل المركزى عند 5.40 و بالتالى الاسعار انخفضت كان يوجد فائض احتياطى 35 مليار دولار و بيزيد و الدنيا ماشيا و فيه قانون بيطبق بصرامه على شركات الصرافه ... اليوم لا يوجد سوى 15 مليار و فى النازل و الدنيا للاسف بايظه !!
ربنا يسترها علينا جميعا ... تحياتى ...

**aboomar22** · 15-04-2013 12:09 AM

غالبا نزول مؤقت حاجة زى المسكنات كده لكن مشكلتنا الاصلية اللى هى السياحة اللى بتعتبر المصدر الاساسى للعملات الاجنبية لسه مشكلتها متحلتش اللى هى فى المقام الاول مشكلة الامن والاستقرار اما موضوع ان الاحتياطى 15 مليار او اكثر شوية دا الكلام اللى على الورق لان منهم 5 مليار وديعة قطر السابقة و3 اذون الخزانة الحالية و2 مليار وديعة ليبيا بدون قوائد ومليار اظن تركيا و مليار السعودية مش متاكد من الرقم وعلى فكرة كل الودائع دى والاذون هى قروض بفوائد يعنى ليها اعباء اضافية ومنهم ايضا 2.5 مليار الغطاء الذهبى للعملات (رصيد الذهب بالمركزى ) يعنى الحالة تعبانة وامالنا فى الله كبير تعود السياحة الى عهدها ودخول استثمارات حقيقية للبلاد وعودة العلاقات للاخوة الغرب وتحولات المصريين بالخارج يعنى اللى معاه فائض يكون واجب وطنى وضعه فى البنوك المصرية