اسبيرانزا A213 حلوة ولا اى كلام...

**amr007** · 11-08-2008 06:36 AM

بعد لف و دوران سيات و جولف و مش عارف ايه لقيت نفسى مش عارف اشترى عربية مستعملة حالتها كويسة و هتغش عشان خبرتى اى كلام فى العربيات ففكرت فى الاسبرانزا رغم حذير الناس من الصينى فلقيت 113 و 213 فشفت ان 213 احلى فى شكلها و فرق السعر مش بعيد تقربيا هى 54 الف ..صح؟؟؟
فالعربية ديه هل الناس جربتها او عرفت عنها اخبار من قرايب لهم اشتروها او اى معلومات عنها ؟؟؟ياريت تفيدونى...

**CBR** · 11-08-2008 06:45 AM

صباح الخير

وبعدين ياراجل

بتقول 213 شكلها حلو

ديه زي ولا بلاش عشان الي معاه زيها ميزعلش

انت لو عايز صيني وكويسه ومحدش اشتكى منها اوي

خصوصا لو مشيك عاقل

وكمان شكلها حلو ومودرن

a113

احسن بكتير ب 52 الف

وتكيفها جامد

كفايه المتور بتعها هو قوي فعلا على السياره ديه

لو حتشتري هات ديه احسن

وبردوا دور على بقيت الردور في قسم اسبرنزا

سلام

**MomoMedo** · 11-08-2008 08:09 AM

بتقول 213 شكلها حلو

ديه زي ولا بلاش عشان الي معاه زيها ميزعلش

+1

العربية دي مش باينلها وش من ((قفا))

التانية احلى منها بكتيييييير

**MoToRiZeR** · 11-08-2008 08:34 AM

انا طول عمري مقتنع ان السيارات اذواق و لكن السيارة دي بالفعل شكلها سئ للغاية !
و بعدين بحس إنها هتتقلب و هي واقفة !!

ال 113 الهاتشباك أفضل لو هتجيب سبيرانزا

**hanmix** · 11-08-2008 05:41 PM

أنا برجح ال 113 نظرا لكل ما سبق ذكره من الخوة و انا كنت بفكر زيك بالظبط و لكن فعلا العربية شكلها سيىء كما ان 113 تتفوق بأنتشارها عن 213 وده شيىء يطمنك و على فكرة ان شاء الله انا حستلم 113 بكرة و عقبالك.

**m_mohi** · 11-08-2008 06:24 PM

how much is the cost of the A113 ?

**hanmix** · 11-08-2008 06:37 PM

ال a113 بحوالى 56000 من المعارض و ممكن تجيبها من ابو الفتوح ب 51900 و لكن حتنتظر شهر لحد متستلم

**m_mohi** · 11-08-2008 06:48 PM

Thanks a lot Hanmix
I can't understand why this huge difference 4000LE !!
Have you tried it before buying it and sure it really deserve its cost as a Chinese car ?
I really tried to search about users of this car here but most of the people here judge from noticing it in streets or show rooms not real trial
I hope to know your opinion soon as I really think of it instead of buying used cars!

**amr007** · 12-08-2008 12:07 AM

شكراااااا يا رجالة جدا ااااااااااااااااااااااااا اااااااا و تم الغاء الفكرة تماما......ههههههههههههه
و مبقياش عارف اعمل ايه بالقرشين اللى معايا...
ممكن اشترى دايو ؟

**hanmix** · 13-08-2008 03:07 PM

انا اشتريت ال a113 و جربتها و اقدر اقولكم ان اختيارى كان فى محله ماشاء الله حاجة تحفة بجد انصحكم بيها وخاصة ان دى مش اول عربيه اركبها انا سوقت (بيجو 305 ,سيفيا ,دايهاتسو شاريد ,لادا,النترا) فحكمى عليها كان فى محله .. اقدر اقولكم ان حجم العربية الخارجى لا يمثل مساحتها الداخلية على الإطلاق .. المساحة واسعة بجد .. السحب أكثر من ممتاز , العفشة ممتازة , الكاسيت أكثر من رائع بها جميع الكماليات تكييف ممتاز و شكل التابلوه حلو جدا , استجابة الفرامل جميل جدا و مش حيحس باللى باقولو الا اللى ساقها .. فعلا ادفع فيها فلوس و انت مطمن و على فكرة انا جبت العربية بعد ما اتاكد من امكانبتها و كفائتها من قبل ناس اعرفها و ده فعلا اللى لقيته لما استلمت العربية ...بالنسبة لفرق الفلوس بين التوكيل و المعرض ده لان التوكيل بيبيع للموزع و الموزع بيطلع مكسب و الموزع بيبيع للمعرض و المعرض بيكسب برضه .. اتمنى انى اكون افادتكم