حضرتك قلتها بنفسك هو بينقل مشاكل من موضوعات الاعضاء فى قسم نيسان مش بيفتى دون علم لأنه مخترعش مشاكل او جاب كلام من عنده .. كل اللى قاله بناء على كلام اعضاء قسم نيسان اللى مفروض هم ادرى الناس بالعربية
-الحقيقه دائما بتوجع
--أي حد من حقه يبدي و جهه نظره و فيه ناس فاهمه و دارسه بطريقه علميه و تقدر تتكلم من واقع المواصفات الفنيه للسياره بجانب طبعا شكاوى الأعضاء
-العربيه محدوده و صاحب الموضوع لسه جايبها :15_2_143:
-النصائح هنا غير موضوعيه و فيها تحيز غريب و طبعا حدث و لا حرج عن المبالغات الفضائيه
-و ده أن دل على شئ يدل على مدى التعصب الزائف لماركات بعينها و عمل دعايه مقصوده و غير مقصوده
-و لاحظ نفس التشويه ده أتعمل على عربيات تانيه بقصد الدعايه السلبيه
-
-
حضرتك متضايق ليه حتى لو حملة تشويه متعمدة فدا مش هيأثر فى حضرتك ابدا العربية مع حضرتك لو عاجباك ربنا يبارك لك فيها ويديك خيرها ويكفيك شرها ..غيرك شايف انها عربية مش حلوة فلم يشتريها هو بردو حر
بصوا يا شباب إحنا بنلف ونعيد الكلام مع الاحترام للكل طبعاً.
أنا مش معترض على أي حاجة من كل إللي بتقولوه والله.
أنا بتكلم على الفتي بس. لأن الفتي بينرفزني سواء في النيسان أو الفيات أو حتى العربيات الكارو.
أنا حبيت أوصل فكرتي .. والحمد لله وصلتها.
ومازلت بأكد .. إن إللي بياخد كوبي باست من كل حتة شكل عشان يعمل شو وجو ويعمل نفسه بيفهم ده بيفتي. نقطة ومن أول السطر بالنسبالي أنا.
طالما العربية عاجباك و مقتنع بيها خلاص متشغلش بالك بحد
ولو بصينا من الناحية العملية فهى عربية اقتصادية على قد تمنها و فيها عيوب و فيها مميزات و الى اشتراها متعايش مع العيوب و مبسوط من المميزات
مع احترامى لصحاب الموضوع واكيد مفيش حاجه كامله
بس ده كفايه شكل العربيه !!!!!
بص حضرتك كل العربيات فيها عيوب ومميزات وممكن واحد يطلع العربيه للسما وواحد يخليها في الارض يعني انا كان نفسي في الصني الجديده لكن وقت ما كان معايا الفلوس \مكنتش نزلت فقررت اجيب الاكسنت وبعد ماجبتها لقيت فيها عيوب الصاج ورق +ورق مشكله في المساعدين الخلفيين صوت تزييق لكن اتغيروا في الضمان عدم وجود وسائل امان كل دي مشاكل في عربيه جديده المفرض تزعل الواحد لكني اتقلمت مع العربيه وبدات احبها الخلاصه ان حضرتك متزعلش لكل انسان اراءه سواء سلبيه او ايجابيه والكل يستفيد ممكن النيسان فيها مشاكل وتزعل اي حد يشتريها فيعرف مشاكلها بدل مايزعل ان اشتراها ويشتري مثلا الشكل القديم انا واحد من الناس اللي بسالني علي عربيتي بقله علي عيوبها مش عيب يعرف لان الفئه السعريه اللي في حدود100000صعب تلاقي الكمال فيها وشكرا