اخيراااا و بفضل الله !!!

**Z_ahmed salah** · 15-04-2013 02:16 AM

الحمد لله جبت 316 الحمدلله بعد عناء 4 شهوور !! العربية بسم الله ماشاء الله نضيفه بس فيها شوية حاجات مش عاجبانى زى السحب و صوت السماعات مش عالى اوي!!! بس كده !! :D لو تقدروا تساعدوتى و تقولولى ممكن اعمل ايه فى المشكلتين بس السحب ده مزعلنى اوى عشان هيا مانيوال !! و بجد انا سعيد اننى بقيت واحد منكم

**Z_ahmed salah** · 15-04-2013 02:29 AM

و اه معلش نسيت حاجة مهمة اوى !!!! المطباااااااااااات وحشة اوى !!! ايه ده انا بقف على المطب شوية بخاف انزل ياريت الناس الخبرة تقولى حلول !! وشكرااااا

**Aymen** · 15-04-2013 02:52 AM

أولا" ألف مبروك
موديل كام و جبتها بكام

**eslam3344** · 15-04-2013 03:39 AM

Z_ahmed salah استاذي العزيز مساء الفل اولا الف مبروك ربنا يديلك خيرها ويكفيك شرها وشر العين
ثانيا بالنسبه للسحب انت محتاج تغير شوية حاجات اللي هي السيرفيس بتاعت العربيه زي :
بوجيهات - فلتر بنزين - فلتر زيت - فلتر هوا - تيل فرامل - سير كاتينا - سير دينامو - وتغيير زيت حتي لو اللي فيها لسه جديد لانك متعرفش صاحبها اللي فقبلك شاريه امتي وهيمشي قد ايه وهي مشيت بيه قد ايه
لو كل ده اتغير ومع ذلك ممفيش تحسن يبقي ندخل في موضوع اتقل شويه اللي هو دسك واسطوانه
بس ان شاء الله يبقي الحال زي الفل بعد تغير طقم السيرفيس وطبعا اكيد عربيه زي دي يبقي اقل بنزين واجب ليها 92
واحب اديلك نصيحه صغيره ويا ريت تعميل بيها بعد ما تعمل السيرفس استني التنك يفضي تماما وحط 10 او 15 لتر بنزين كحد اقصي 15 واشتري منظف انجيكشن ابرو من اي محطة موبيل وحطه علي التنك بكامله وامشي بالعربيه باسلوب رياضي بمعني ان نقلاتك متكونش علي ار بي ام واطي لا 4.5 او 5.5 وامشي عليها حتي ينفذ البنزين تمام بس تبقي عامل حسابك انكتعمل كده ومتوقف بالعربيه نهائي لان منظف الانجيكشن ده ممكن يتسبب في تآكل الخراطيم بتاعت البنزين وبالنسبه للمساعدين انت ممكن تشوف عفشجي كويس يظبطلك الاداء

**Z_ahmed salah** · 15-04-2013 12:59 PM

المشاركة الأصلية كتبت بواسطة Aymen

أولا" ألف مبروك
موديل كام و جبتها بكام

الله يبارك فيك
2007 155 highline الحمد لله !

**Z_ahmed salah** · 15-04-2013 01:05 PM

المشاركة الأصلية كتبت بواسطة eslam3344

z_ahmed salah استاذي العزيز مساء الفل اولا الف مبروك ربنا يديلك خيرها ويكفيك شرها وشر العين
ثانيا بالنسبه للسحب انت محتاج تغير شوية حاجات اللي هي السيرفيس بتاعت العربيه زي :
بوجيهات - فلتر بنزين - فلتر زيت - فلتر هوا - تيل فرامل - سير كاتينا - سير دينامو - وتغيير زيت حتي لو اللي فيها لسه جديد لانك متعرفش صاحبها اللي فقبلك شاريه امتي وهيمشي قد ايه وهي مشيت بيه قد ايه
لو كل ده اتغير ومع ذلك ممفيش تحسن يبقي ندخل في موضوع اتقل شويه اللي هو دسك واسطوانه
بس ان شاء الله يبقي الحال زي الفل بعد تغير طقم السيرفيس وطبعا اكيد عربيه زي دي يبقي اقل بنزين واجب ليها 92
واحب اديلك نصيحه صغيره ويا ريت تعميل بيها بعد ما تعمل السيرفس استني التنك يفضي تماما وحط 10 او 15 لتر بنزين كحد اقصي 15 واشتري منظف انجيكشن ابرو من اي محطة موبيل وحطه علي التنك بكامله وامشي بالعربيه باسلوب رياضي بمعني ان نقلاتك متكونش علي ار بي ام واطي لا 4.5 او 5.5 وامشي عليها حتي ينفذ البنزين تمام بس تبقي عامل حسابك انكتعمل كده ومتوقف بالعربيه نهائي لان منظف الانجيكشن ده ممكن يتسبب في تآكل الخراطيم بتاعت البنزين وبالنسبه للمساعدين انت ممكن تشوف عفشجي كويس يظبطلك الاداء

صباح الفل يا كبير و الله يبارك فيك
انا روحت كشفت عليها فى التوكيل ماكنتش عايزة حاجة خالص الحمد لله هيا ماشية 45 الف 2007 الحمد لله و هابقى اعمل الحوار بتاع المنظف بس ماظنش هيفرق اوى و متشكر لاهتمامك