مش عارف ؟؟؟؟!!!!
عرض للطباعة
كلها طرق تعطيل مش اكتر
قفل دركسيون خامته كويسة
و لوك الدركسيون
و جهاز انذار ماركة كويسة و مانسترخصش انا بسمع ان في اجهزة انذار ب 1200 و ب 2000 جنيه اكيد مش غالي بفراغ
و ممكن حركة جميلة اوي فك فيوز طرمبة البنزين و انت نازل مش هياخد 10 ثواني
في نقطة كمان
الفاميه مش بيخلي الازاز يتكسر بسهولة بمعني اوضح اللي هايكسر الازاز مش هايتفتت معاه من اول مرة و دي حركة تربك
الفاميه في منه درجة شفافة مش بيبان
او ممكن نعمل زي فيلم ترانسبورتر و نخلي العربية بكود رقمي
بس بردو في الفيلم اتسرقت منه و هو واقف (الجزء التالت مشهد العجلة)
بس مين فينا في نفس يعمل اللي عمله بالعجلة هههههههههههه
المشكلة عاوزين نعرف بيحصل ايه فى العربية علشان الحرامى يدورها
خلينا نكون عمليين وموضوعيين
أمن عربيتك بقفل دريكسيون وكلابش وجهاز انذار
بس لازم تعمل شكوي لغبور كحل أولي ولو ما استاجابش. يبقي لهيونداي
انا ابتديت بنفسي وبعت شكوي لغبور وقولت فيها ان المبيعات حتتاثر زي سيراتو وان سمعه العربيه حتبقي وحشه
طلبوا اني أروح مركز الصيانه عشان يعرفوني جهاز الصيانه بيشتغل ازاي حروح بس ده مش نهايه المطاف انا حعمل شبوره وشكوي في جهاز حمايه المستهلك لحد ما يشوفوا حل في الموضوع ده او يركبوا امبوليزر
محدش يسكت عن حقه
مفيش عربيه مؤمنه ضد السرقة بس مش في دقيقة ونص انا وراهم لحد ما أخد حقي
دى شكوى مقدمة من عضوة على صفحة نايل موتورز عى الفيس
رسالة من العضوة سميه اسماعيل :
Somaya Ismail
سيارة مسروقة: ر د ر 879 النترا سودا 2012. شاسيه 406169 موتور 450989
اتسرقت الاسبوع الماضي
الرسالة من صاحبة السيارة - إتسرقت السيارة إلنترا 2012 بعد يوم واحد بس من عمل الصيانه فى توكيل غبور... وجهاز الإنذار ماشتغلش.. بالإضافه إنهم كانوا بدأوا فى إجراءات التأمين مع غبور بس العربيه إتسرقت قبل تسليم البوليصه... ورغم إنهم دفعوا قيمة التأمين كامله و إستلموا الوصل إلا إن غبور رفض التعامل معاهم على أساس إن التأمين لم يسرى بعد لإن مندوب شركة التأمين اللى بيتعامل معاها غبور ماجاش عمل المعاينه... رغم إن الكلام ده مغاير تماما لما قاله مندوب غبور حين دفع قيمة التأمين... حيث قال إنه بمجرد دفع قيمه التأمين... الإسم حيتحط على السيستم على طوول....... المهم فى الموضوع إن مندوب غبور قام بزيارة البيت وعاين مكان العربيه قبل السرقة بيوم بزعم إن فاتوره التأمين الصادره من غبور كان فيها غلط كتابى ومحتاجه تتعدل وفعلا قام بتبديلها... من غير مانتهم حد بس مين يقدر يفك شفرة عربيه بسهوله كده من غير ولا صوت.... أحسن من عمال صيانة أو مندوبى الشركة... عموما دى تفاصيل العربيه المفقوده... إلنترا 2012 سوداء ... شاسيه رقم 406169..... رقم المحرك 450989.... رقم اللوحه ردر 879..
لا اله الا الله
وحسبنا الله ونعم الوكيل في كل شخص بيستحل فلوس الناس بالشكل ده
طبعا فى الاول و الاخر ربنا هو الى بيستر بس فى كام حاجة ممكن يعطلو اى حد يفكر يسرق العربية
1- كلابش الدريكسيون
2- كلابش الدواسات و الدريكسيون
3- مفتاح فصل الموبينة و طرمبة البنزين
4- جهاز الجى بى اس
5- السنتر الى بيفصل كهربة العربية
6- كلابش العجل
7- غطاء العربية و انها تتركن فى مكان فيه حركة و مش مقطوع