الموضوع: عايز الجنوط الحديد الفابريكه بتاعة الابيزا

اولا يا باشا لية عايز تنزل للــ 13 حضرتك ممكن تنزل للــــ 14 وده برده المقاس القياسي للعربية ومش هيخبط معاك وهتلاقى الكلام ده مكتوب على باب التانك وهتلاقى مقاسات الجنوط المناسبة للعربية هما مقاسين 13-14 ، اما بخصوص الجنوط الحديد دور عليهم عند بتوع الاستيراد فى الحرفيين او شارع الاربعين افضل ، بالنسبة للسعر ما عنديش فكرة عن الحديد لكن انا اعرف ان فى اطقم اسبور اندونسي تقريبا ونضيفه جدا الطقم يعمل 1400 او 1600 جنية لو حابب تجيب اسبور .

والله اعلى واعلم ،،

المشاركة الأصلية كتبت بواسطة ehab_mansour

+1
انا مع كلام حسين و لكن احسنلك تنزل تدور عليهم و اللي تلاقيه ركبه و من وجه نظري مافيش احسن من الجنوط الفبريكة ايا كانت ايه يعني العربيات اللي بتنزل بجنوط حديد و الناس تغغيرها لجنوط اسبور بتبقي متعبة جدا و مقرفة في طرقنا الجميلة (طبعا فاهمني)
و ربنا يوفقك و متركبش اي حاجه لازم تكون فبريكة و تنفع علي العربية بدون تعديل عشان الأمان

السلام عليكم
انا مع كلام المهندس ايهاب مفيش احسن من الجنط الحديد
اللي راكب عندي 14 وزي الفل لو يهمك الشكل في طاسات جامده جداً في التوفيقية كل اللي شوفها يفتكر انك مركب جنط اسبور
بس المهم تجيب كاويتش رفيع شويه عشان لما تحمل ما يحكش في الصاج
وربنا يكتب ليك الخير
سلام

والله يا هندسة انا بحب جدا الجنوط الحديد على الرغم من انى عندى سبور لكن الحديد لما بيبقى فابريكة بتاع العربية بيبقى احسن وافضل كتير وفعلا الاسبور بيبقوا مقرفين فعلا فى الشوارع الى عاملة زي السيرك بتعتنا ده .

بس برده على الرغم من راى ان الجنوط الحديد الاصلي بتوعها ممتزاين لكن برده فى جنوط اسبور بيبقوا حكاية ومتانة محترمة فى الاخر حضرتك الى تقرر موضوع الجنوط سواء كان حديد او اسبور لكن راى خليك فى المقاس الــ 14 على اى وضع هتغير ليه .........