اية احسن انواع البويات للعربية ؟؟؟؟؟؟؟؟؟

**Mahmoud_405** · 11-08-2008 02:00 PM

السلام عليكم...
عندي السقف في عربيتي ال 405 مقشر ( بوية الفابريكة) قولت اروح اسئال يتعمل بكام روحت مودرن سرفيس الي في طريق السندباد قاللي حيتكلف 550 جنية ( البوية بالمصنعية وفك الازاز الامامي والخلفي) وقاللي البوية نوعها سكنز ..... روحت لوجبة اباظة في غمره قالي 700 جنية واحتمال نغير جلد الازاز الامامي والخلفي ( الجاد لوحده ب 675 جنية ) والبوية ديبون .... قولت للمهندس الي هناك دا في مودرن سرفس ب 550 جنية والبوية سكنز قالي لا اصل الديبون احسن من السكنز.................؟؟؟؟

اسف للاطالة بس انا كنت عايز اعرف انهوا احسن السكنز ولا الديبون ؟؟؟؟
وبكام الكيلو؟؟؟؟؟؟؟ والسقف ياخد كمية قد اية؟؟؟؟؟؟

**hazem_khidr** · 11-08-2008 02:22 PM

بص حضرتك انا ما اعرفش الديبون
انا بستعمل السكنز دايما و لعلمك هيا دهانات غاليه و محترمه جدا يعني ما تقلقش منها.
ما اعرفش بقي الديبون اعلي منها و لا لاء؟؟
استني رد باقي الاعضاء:)

**Ghamrawy** · 11-08-2008 02:45 PM

أسأل كمان على ال Spice hecker
دى المانى و الوكيل بتاعها هنا فى اسكندرية معرفة و جار من زمان لو احتجت منها قولى بس لازم العربية يكون ليها كود بوية

**Shocky** · 11-08-2008 02:49 PM

بالنسبة للأسعار سعر كيلو الاسكنز 320 جنية تقريبا
دهان سقف السيارة هيحتاج نص كيلو إن شاء الله

بالنسبة للديبون دى بصراحة مش عارفها

**Adham** · 15-08-2008 12:02 PM

الديبون Dubont بوية كويسة جدا بس مش معروفة قوي في مصر (مش واخدة حظها)

بس الاسكنز Sikkens احسن

و السبيس هيكرSpice Heker برضة بوية كويسة بس و مش مشهورة في مصر بس اقل من الاتنين في الجودة

و موجودة في الحرفيين في القاهرة عند وكيل ليها اسمة ممدوح ورا المزرعه اخر الشارع اللي فية فرن صابر الاسمر

بس 700 جنية كتير قوي في رش سقف عربية مش بياخد غير تمن 1/8 كيلو بوية, و لو ميتالك يبقى كمان 1/8 ورنيش

يعني ماتتكلفش بوية ب 40 جنية لو سادة و بمثلا 120 جنية لو ميتالك علشان الونيش السكنز غالي

بس اقولك حاجة

ماترشش السقف

روح لحد بتاع دوكو نضيف يعمل السقف المقشر بكمبواند و بولش كويس و بعدين يعمل واكس عربيات

دة لو اللون اصلا موجود و الورنيش بس مقشر

و ممكن يتسحق بصنفرة ناعمه قوي (صنفرة 1200 مثلا) الاول لو التقشير كتير

و ممكن يترش ورنيش بس فوق البوية القديمة لو كويسة و لونها مش جربان
بس برضة يتسحق التقشير كويس قوي بالصنفرة الناعوه قوي الأول

و لو انت عاوز ترشها و تريح بالك

احسبها كدة

100 مصنعية
100 جنية خامات (بوية +تنر+ صنفرة+لزق.... و مفروض مكافيش لا فللر ولا معجون طبعا)
60 جنية فرن (حيث انها مرمة سقف عربية مش عربية كاملة)
40 فك و تركيب كاوتش الزجاج الامامي و الخلفي (ودة مش ضوروي قوي وومكن الرش بدون مايتفك و يتم لزق ورقة عليهم و بعد الرش يتم تنضيف الكاوتش من اي عفرة بوية عليهم)

يعني 300 جنية

شوف صنايعي كويس في الحرفيين يعملها

ولو عاوز انا اعرف واحد على اول طريق السويس يعملهالك وممكن ابعتك لية ياباشا