-
متشكر ليكم جداً يا جماعة والله ربنا يكرمكم
خلاص استاذ syd هتواصل معاك واعرف الأماكن بالظبط
أ.حسام شاكر لحضرتك الإهتمام جداً وانا سعيد بمشاركتك معايا فى الموضوع
وانا بس هوضح حاجه الكاوتش 14 مش 15 وكل ما اجى اعدل الموضوع الاقى مينفعش .. سامحونى .. انا جديد
امبارح انا روحت لصنايعى محترم فى الحى السابع فى مدينة نصر وكشف عليها من غير اى حاجه .. طلب جوان تاكيهات وواير دبرياج وقالى شوف كهربائى عشام السورنايد لان ده بعلى الحرارة .. وقالى نضف الريدياتير ومش محتاج ترموستات كوعة ميه ، والسيور بص عليها قالى بعد فترة هتبطل او اشترى سيور تانية ..
-
طب تمام الحمد لله
ممكن نظبط سوا ونروح الميكانيكي والكهربائي والردياتير
كلهم في الهرم ماعدا الكهربائي في الصحفيين
انا ومحمود غانم متفقين نروح للكهربائي يوم الجمعة الجاية ان شاء الله
تحياتي
-
حبايبى
أ.سيد معلش ماتاصلتش وما اتقابلناش عشان العربية جابت طقم دبرياج !!
هحكلكم انا وصلت لايه ..
1- غيرت جوان التاكيهات 35 جنيه الجوان
2 -غيرت دورة ميه ريدياتير مايه خضرا 20 جنيه
3 -غيرت واير ديبرياج جبته ايطالى 90 جنيه ومالاقتش المانى .. ولما روحت لاقيت العربية بتسحب فجبت اخر الدواسة جابت معايا 130 ، وجيت اركن لاقيت التروس بتخبط لما اجى اول او مارشدير .. من الآخر جابت طقم دبرياج نزلت جبت واحد جديد يوم الجمعة وركبته السبت بس كان مواااااااال كبير .. جبته طقم فاليو اسبانى 650 جنيه والتركيب فى مدينة نصر 180 جنيه ..
4 - روحت لكهربائى ركبلى كتاوت للتكييف لوحده وفصلله عن مروحة التبريد العادية ولكنها تشتغل مع التكييف برده .. وده كان السبب فى ان العربية تعلى لما المروحه بتشتغل ، المهم ظبطلى الأداء والتكييف اشتغل .. تخيلوا مكنش عندى الا كتاوت واحده بس !! والكهربائى خد مصنعيته 10 جنيه بس !! وكان فى واحد بيقولى هياخد 110 !!!!!!!
5 - غيرت السير اللى بيصرخ جبت واحد عاده وشكله زبالة المهم وانا لسه بجرب العربية وشميت شياط أتارى السير قطع منى .. رجعت بسرعة للميكانيكى قالى هات سير 625 × 13 بدل 625 × 9.5 لأنه صغير وبيسقط فى الطنبوره وبيصرخ ، حتى اللى قطع منى كان بيصرخ .. سمعت الكلام وجبت وبالفعل ممتتااااااااااااااااز لا قيت 600 × 13 .
وبكده العضه اللى فى الفتيس راحت بفضل الله والدبرياج .. والحرارة ظبطت والتكييف ظبط وفاضلى الكاوتشات وظبط الكاربيراتير ، لأنى لما باجرى بحس ان العربية فيها اكتر ومش قادرة .. ولما اهدى عند مطب بعد سرعة عالية وانزل للتانى .. الاقى العربية مكتومة جدا وبتنط كده .. فاظاهر فى حاجه فى رش البنزين .. !
اللى استفادته يا جماعه الصنايعية ماشاء الله ممتازه فى الحى السادس .. منطقة كده زى الحرفيين وبيشتغلوا فى كل حاجه وعندهم قطع غيار كل حاجه ..
-
1000 مبروك على حل المشاكل
معلش هى لازم فى الاول كده تظبطك بس بعد كده هترتاح ان شاء الله طالما بتعمل كل حاجة صح
-
الف مبروك حل مشاكلك
بس ممكن من فضلك تشارك معانا في الموضوع دة
http://www.nilemotors.net/Nile/341028-a.html
ولكم مني جزيل الشكر ووافر التحية
-
شكراً كريم شكراً استاذ سيد ومن عنيا حاضر هشارك فى الموضوع وهزود فيه كل حاجه انا جبتها
Content Relevant URLs by
vBSEO 3.6.0 PL2