بسم الله الرحمن الرحميم
السلام عليكم ورحمة الله وبركاته

ازيكم يا ايبيزاوية .. اخوكم ابيزاوى جديد

بس تعبت اوى العربية اشترتها موديل 94 glx وكانت اساسيتها كويسه بس الفرعيات فيها كل شويه تطلعلى

المشاكل المواجهانى وعايز تقولولى المختص للحاجه دى ايه ( ميكانيكى - كهربائى - .. ) والمكان فين مع العلم انى ساكن فى الشيخ زايد وشغلى فى مدينة نصر ..

1- فى زيت بينشع من فوق الماتور .. وبينزل على الأسلاك شوفت مقياس الزيت لاقيته كويس .. لكن صوت الماتور بقى أعلى وسحبه قل .. وبقيت اضطر انقل مثلاً على الرابع قبل ال 60 مباشرةً وقبل ال 70 انقل على الخامس والعربية مش بتجيب اكتر من 130 بالعافية ... وايه افضل نوع زيت للعربية عشان لما اغير.

2- السورنايد الخاص بتعلية االعربية لما التكيف يشتغل بيعلق لكن لما اشغل التكييف العربية بتتظبط .. لكن حاجه غريبة جدا لما مروحة التبريد بتشتغل الآقى العربية عليت اوى والأربى ام على فميحصلش تبريد فالحرارة ممكن تعدى لقبل الخط الأبيض الأخير فى مؤشر الحرارة

3 - مية التببريد بتقل بشكل ملحوظ لكن مبمشيش بيها وهى قليله فلاحظت انه بيبقى فيها فتحه كده فى الجنب بس مش خرم هى فتحه فيها متغطيه بكفر اسود .. فالميه لما بتسخن بتطلع منها .. الأول مكنتش كده .. أنا سدتها على سبيل التجربة بمنديل وبكيس لاقيت الوضع أفضل .. لكن واحد قالى ان كده لازم تغير الطرمبه لان كده ممكن يضربلك خراطيم مهمه فهى بتخرج الحرارة من الفتحه دى .. فمش عارف ده نتيجه للحرارة اللى بسببب السورنايد ده ولا بسبب نشع الزيت ولا حاجه تانيه وانا مش شايف اى حاجه بتنقط الا دى

4- بحس بعضه فى الفتيس ما بين الأول والتانى زى حكه رخمه كده مع العلم انى غيرت قاعدة الفتيس بس جبتها زيت مش جلد والعفشجى قالى مش هتفرق، وهل دى مشكلة زيت ؟ وايه افضل زيت لو هغير زيت

5- الدريكسيون تقيل جدا مع العلم انى جبت علبة وصليبه بس عاده .. وصاحب العربية كان بيقولى انه هاف باور .. وكل الصنايعية أجمعوا انها عادة .. وجبت علبه وصليبه لأن كان في عضه ولكن راحت الحمد لله بس التقل موجود

6 - عايز اغير كاوتشات واجيب جديد بس يكون السعر كويس ميزيدش عن 300 فى الفرده .. فتنصحونى بأفضل شئ للإبيزا ايه لأنى بحس بالمطبات جدا .. لأن الكوتش اللى عندى متهالك وماركته غريبة جداً .. واجيبهم منين.

7- سير الدينموا والتكييف عندى بيصرخ جامد لأنى ملقتش الألمانى فجبت التايلاندى والشرشيه بتاعته كانت اعلى شويه من القديم ، وفى ونه فى الكلاتشه بتاعة تكييف وبتعلق احيانا مدورش .. وده بعد ما البصمجى اللى شحنلى التكييف قعد يضرب عليها بالأجنه عشان كانت معلقه فدارت ولكن زود البله طيبن.

8 - الدبرياج تقيل شويه وبسمعه بيزيأ بيعمل صوت كده لما بدوس عليه ده عايز تشحيم ولا تغير ولا ايه .. ؟

9 - لما نضفت الكاربيراتير .. العربية الصبح كانت تجننى عشان يستمر الماتور داير .. لازم افضل دايس كتير على البنزين جامد وكانت تبطل بردوا .. روحتلهم تانى قعدوا يظبطو ولكن اتعدلت شوية وكان موفرلى بنزين جدا جدا جدا .. ولكن لما روحت للكهرباءى قالى فى حد موطيلك الكاربيراتير وعلاهولى بس اتعدلت اكتر ولكن بتسحب كهرباء ..

علما بأن فونية السلانسيه كانت واسعه وهما ضيقوهالى وعندى البوابة المسئوله عن تسخين العربية الصبح اللى اخد منه العربية كان قافلها وسادد الخرطوم بتاعها .. وبتوع الكاربيراتير قالولى ملزوقة بأمير فمش هينفع نفتحها .. .


.... الحاجات اللى عملتها لما جبت العربية ....

- غيرت قاعدة ماتور أمامى وقاعدة فتيس وعلبة دريكسيون والصليبة بتاعته .. وغيرت سيور ونضفت الكاربيراتير وشيكت على الكهرباء وغيرى جلدة السورنايد ده وبليه دينمو .. .

- وكل ده يا جماعه من الحرفيين والمشوار صعب جدا عليا وتعبت والصنايعية مش حاسسهم جامدين جداً يعنى انا روحت عند عفشجى اسمه احمد سوسته ومكانيكى اسمه ياسر هو شغال فى الفولكس بس وهو اللى دلنى على بتاع التكييف اسمه خالد ودلنى على احمد سوسته، والكهربائى كان فى المعادى بيشتغل فى الالمانى مرسيدس وغيره وده كان افضلهم بس ملحظش مشكلة السورنايد ظن انه عملها

- قطع الغيار جبتها زى ما استاذ حسام قالى من احمد رضوان وفعلاً ملاقتش كل حاجه الا عنده ... وان شاء الله هعملكم موضوع بالأسعار.

- المشكلة المواجهانى انىبضرب مشوار للحرفيين وطبعا لو فى اى حاجه تانية برجع على هناك لاتفه الأسباب والمشوار من زايد لهناك مش سهل .. وانا احتمال اروح انهاردة لصنايعية شبه الحرفيين كده بس فى الحى السابع فى مدينة نصر سمعت انهم كويسين بس عايز ارائكم واعمل ايه وترتيبى يكون ايه يا ابيزاوية ..