الموضوع: جنون سائقي مصر - حادث محتمل ولكن شكر لله ثم لمنظومة فرامل rio

المشاركة الأصلية كتبت بواسطة 2CODE

السلام عليكم يا جماعة

امبارح وانا ماشي على الطريق السريع واخد الحارة التانية يميني وفي جرار بمقطوره راكن يمين وانا جاي على سرعة 95 - 100 - 105

وفجأه تجد الجرار بدأ يتحرك ويعكس اتجاهه وانا بيني وبينه حاجه بسيطة جداً ويلف الشارع بالعكس على طريق سريع رغم النور والكلاكسات وانا جاي اطلع منه كان قلبي حاسس ان في غباء هيحصل

المهم بدأ يتحرك ويلف الشارع وطبعاً هو ومقطورته سد الطريق لغاية ما يلف

كان بيني وبينه مسافة قليلة فعلاً لكن بكل ما املك من قوة ضغطت على الفرامل طبعاً الـabs و ebd و ba حسيت ان الارض اولا بتتهد من تحتي بسبب abs وياجماعة ليه صوت جبار في الارض هههههههههههههههه

وقدرت اخد يمين شويه طبعاً مع الـabs قدرت اتحرك بالعربية

طبعاً انك تلم نفسك والعربية والموقف ده قدامك اكيد ده فضل ونعمة من عند الله وحده

ولكن شكر لله ثم لمنظومة فرامل كيا rio 2013 بجد يا جماعة انا مكنتش مصدق ان العربية هديت بالشكل ده في الزمن ده وقدرت اعدي من الموقف ده والله نزلت بعد اللي حصل ده وشربت قهوة على الطريق لاني لايمكن كنت اكمل سواقة وانا بعد اللي حصل معايا كده

والله يكفينا شر غباء السواقين وخصوصاً الفلاحين والجهلة والغير متعلمين الناس دي بتسوق كده يا جماعة اغبي ناس ممكن تشوفوها في حياتك هم السواقين بتوع الجرارات

ونصيحة علشان الناس اللي بتقول لك ايه فايدة الـabs و ebd و ba ما انت ممكن متستعملش اي منهم نهائي احب اقول له صدقني الوقت اللي هتحتاج فيه الفرامل دي وهي مش معاك هتقدر فعلاً يعني ايه مش معاك انظمة فرامل متقدمة في العربية

ربنا ينجينا كلنا يا جماعة وخلي بالكم من السواقين اليومين دول اهو تبقى ماشي في حالك لكن الغلط احيانا كتير مش بيبقى منك انت ماشي في الطريق بفضل ربنا وبسواقتك وبحسب غباء اللي قدامك

ولو بتفكر تشتري عربية اوعي تشتري عربية مفيهاش فرامل متقدمة مش هقول لك هات حاجة فيها abs و ebd و ba لا على الاقل خلي معاك abs بس وهو كفيل جداً بعد ربنا في فرامل العربية

الف حمد لله على سلامتك كان ليا سؤال هو انت متأكد ان فى الريو الهاى لاين فيها BA( break assistant) لان موقع كيا مصر موجود فية ABS & EBD بس ولا اللى معاك خليجي ؟

المشاركة الأصلية كتبت بواسطة 2code

دي جزء اساسي من فرامل الريو مع الـabs و ebd



هي بتساعدك على الحصول على قوة فرامل معينة للضغطة زي ما الشكل موضح فوق

سيبك من موقع كيا مصر دا جهل جهل انا اشتريت العربية على ان مفيهاش انذار بعد ما اشتريها ابص على الزجاج اجد security system وعلامه الانذار على الزجاج

يعني كأن العربية من كوكب تاني او من الفضاء بالنسبة لكيا مصر

هل تقصد ان لو اى عربية فيها abs & ebd يبقى كدة لازم يكون فيها ba ???

المشاركة الأصلية كتبت بواسطة 2code

لأ طبعاً ولكن ده المفترض ان تعمله الشركات لكن مش كل الشركات بتضيف كل وسائل الامان الممكنة ماعدا bmw بتضيف تقريباً معظم وسائل الامان في الفرامل

طيب كدة ازاى انت اتأكدت ان عربية حضرتك فيها Break Assistant؟