الموضوع: استفسار عن تغير مقاس كاوتش اكسنت اربي من 14 الي 16

السلام عليكم ورحمة الله وبركاته
لو سمحتوا يا جماعة انا عندي استفسار انا معايا غربية اكسنت اربي 2012 ومقاس الكاوتش 14/70/175 وعاوز اغير عشان الثبات والشكل الافضل والمقاس اللي مكتوب ع الباب 16/50/195 بس بصراحة في ناس بتخوفني ع العفشة وكده . ياريت لو حد جرب المقاس دا في العربية دي يقولي او ياريت حد يقولي اركبهم عادي ولال بلاش وايه افضل انواع الكوتش الطري عشان العفشة
وجزاكم الله كل خير

بص ياباشا انا زيك وركبت 16 وهقولك على اللى فيها

اولا انت هتلف مصر كلها مش هتلاقى المقاس اللى مكتوب على الباب اللى هو 16/50/195

فانا لما ملقيتوش جبت 16/50/205

وده ليه مميزاته وليه عيوبه

مميزاته؟ بيرسم العربية ويديها شكل تانى وكمان ثبات تانى خالص عن ال14 وفرامل مفيش بعد كده وهيحببك ى العربية اكتر

وعيبه العفشه هتنشف معاك شوية فى المطبات وهتحتاج انك تربطها على الافل كل شهرين حسب استخدامك

والخلاصه ونصيحه ركب 16 لو انت ساكن فى منطقه شوارعها نضيفه ومفيهاش مطبات هتلاقى معاك عربية تانية وانا لو كنت فى منطقه كده والله اركبلها 17 كمان زى مواحد صحبى عامل فى اسكندرية لكن للاسف انا منطقتى مطبات ومكسره فعشان كده رخمه على العفشة بس عادى بتعامل

ولو حابب تشوف شكلها وهى بال16 شوف الموضوع ده بتاعى
http://www.nilemotors.net/Nile/348037-16-4-100-a.html