ياجماعه أنا عربيتي بتاكل زيت بمعدل علبه لكل غيار زيت والميكانيكي قاللي طقم شنبر بس مش عارف ده أيه فوايده وكيفية إستخدامه بالضبط .
ولكم جزيل الشكر
عرض للطباعة
ياجماعه أنا عربيتي بتاكل زيت بمعدل علبه لكل غيار زيت والميكانيكي قاللي طقم شنبر بس مش عارف ده أيه فوايده وكيفية إستخدامه بالضبط .
ولكم جزيل الشكر
فيه فرق بين طقم الشنمبر و زيت الشنمبر طقم الشمبر هو مجموعة شنابر جديدة اما زيت الشنمبر هو زيت تحطه مع الزيت الجديد
يعني دلوقتي العربيه بالضبط الزيت بينقص مع أن مفيش أي دخان طالع من الشكمان وأمبارح جبت بيها 180 كيلو والمكيف شغال مفيش مشكله ممكن يكون في تهريب زيت مش محتاجه طقم شنبر ولا حاجه ؟
ملحوظه : العربيه كيا أوبتيما 2002 و 2000 سي سي ماشيه 195000 كيلو (أنا في السعوديه)
اتأكد من موضوع الدخنة كويس و لو مافيش خالص و لا تغيير في لون العادم حتى
يبقى بص على جسم الموتور ممكن تلاقي زيت بيهرب من اي حته
و راجع على الــoil seals
سرعة زى 180 كم بتاكل كميه زيت بص جرب تمشى على 140 و شيل رجلك من البنزين شويه و اكبس بنزين مره واحده و بص فى المرايا لو طلع دخان يبقى الشنابر فى بدايه تآكلها و ساعتها الزيت هينقص كل ما بتشيل رجلك من البنزين و هو ده سبب حرق الزيت لو مفيش دخان يبقى شيل خرطوم الفايظ و شوف فيه دخان كثيف طالع منه لو مفيش يبقى غير جوان غطاء التاكيهات و جوان اللى موجود عند البكره
أسف على التأخير ياجماعه لكن مفيش أبدا أي دخان طالع من العادم نهائي حتى مع دوس البنزين وده اللي مخليني مش مقتنع بأن الموتور محتاج طقم شنبر وخصوصا أن العربيه 2000 سي سي وماشيه 195000 كيلو وأنا مش بمشي بيها مسافات كبيره أو حتى متواصله
ممكن يكون اويل سيل ضارب وبيسرب زيت ابقى بص تحت العربية لما تركن فترة في زيت تحتها وللا لا
مفيش زيت تحت العربيه وأنا راكنها ولا دخنه ولا أي تغيير في لون العادم
بس الغريبه أن الميكانيكي قاللي مش شرط العربيه تطلع دخان لو الموتور خفيف أو عايز طقم شنبر ممكن ماتطلعش دخان هل الكلام ده صحيح؟
الدخان يطلع لما معدل تاكل الزيت بيزيد مع مرور الوقت
فى الاول بيكون على خفيف فمبيطلعش دخان
لكن مع مرور الوقت والحرارة والقرص على الغيارات يبدأ بالظهور شيئا فشيئا
يعنى بدون دخان ممكن تستنى شوية ممكن 6 شهور او سنة مثلا حسب استهلاكك للسيارة
يعني كده فعلا تبقى العربيه عايزه طقم شنبر ؟
وهل لو عملت طقم الشنبر هتكون بنفس كفائتها ولا هتقل ؟
زيت شمبر اس تى بى ممتاز
http://www.nilemotors.net/Nile/474907-a.html
https://img1.etsystatic.com/010/0/77...28019_8e8j.jpg
لازم يتحط مع زيت موتور جديد ومع كل غيار زيت تحط علبة وزيت موتور لازم يكون معدنى بترولى وليس تخليقى ولا نصف تخليقى
:36_3_10[1]::beat4::36_1_37[1]:
بالرغم من قدم الموضوع لكن لدي شيء أضيفه للإفاده
معنى إن الزيت بينقص فهذا معناه وجود خلل في دورة الزيت وأنها غير محكمة وهذا بيكون بطريقتين:
- وجود تسريب للزيت من أي جوان أو الكارتيرة أو مكان الفلتر أو أي مكان بدورته وفي هذه الحالة ستجد الزيت متجمع حول موضع تسريبه وأحياناً على الأرض أسفل العربية بعد ركنة طويلة ويمكن التأكد من ذلك بغسيل العربية جيداً ومن الأسفل تم متابعة هل يوجد تسريب أم لا.
- دخول الزيت غرفة الإحتراق داخل الموتور وبيتم حرقه مع البنزين وهذا خطأ وبالتالي ينقص مستوى الزيت دون تسريب ويمكن التأكد من ذلك بإخراج البوجيهات وستجد عليها آثار الزيت وكربون بسبب الاحتراق الغير جيد وكذلك مع الوقت والتقادم سيقل سحب السيارة وسيزيد استهلاك البنزين ثم تبدأ ظهور دخان أبيض مزرق من الشكمان كلما ازدادت الحالة سوءاً
الحلول المتاحة:
- في الحالة الأولى تغير الجوانات أو الربط للمسامير أو لحام الكارتيرة أو ... حسب موضع التسريب
- في الحالة الثانية الحل هو تغيير طقم شنبر بمعنى فك الموتور وتغيير الشنابر التي تحيط بالبستم التي هي أشبه بالغوايش للسيدات والتي تحكم عملية الإحتراق فتمنع دخول الزيت لغرفة الإحتراق ويمكن تأخير تغيير طقم الشنبر ولكن يجب استدام زيت ثقيل وإضافة زيت شنبر مع كل غيار زيت وذلك لزيادة كثافة الزيت وزيادة صعوبة أو تقليل دخوله لغرفة الحريق وزيت الشنبر ليس علاج للمشكلة وإنما مسكن لحين إجراء الحل وهو تغيير طقم الشنبر