بخصوص إستخدام زيت الشنبر

**bassemali** · 11-08-2008 08:08 PM

ياجماعه أنا عربيتي بتاكل زيت بمعدل علبه لكل غيار زيت والميكانيكي قاللي طقم شنبر بس مش عارف ده أيه فوايده وكيفية إستخدامه بالضبط .
ولكم جزيل الشكر

**shoudy2005** · 12-08-2008 02:07 AM

فيه فرق بين طقم الشنمبر و زيت الشنمبر طقم الشمبر هو مجموعة شنابر جديدة اما زيت الشنمبر هو زيت تحطه مع الزيت الجديد

**bassemali** · 12-08-2008 02:19 PM

يعني دلوقتي العربيه بالضبط الزيت بينقص مع أن مفيش أي دخان طالع من الشكمان وأمبارح جبت بيها 180 كيلو والمكيف شغال مفيش مشكله ممكن يكون في تهريب زيت مش محتاجه طقم شنبر ولا حاجه ؟

**bassemali** · 12-08-2008 02:21 PM

ملحوظه : العربيه كيا أوبتيما 2002 و 2000 سي سي ماشيه 195000 كيلو (أنا في السعوديه)

**WalidAdel** · 12-08-2008 05:42 PM

المشاركة الأصلية كتبت بواسطة bassemali

يعني دلوقتي العربيه بالضبط الزيت بينقص مع أن مفيش أي دخان طالع من الشكمان وأمبارح جبت بيها 180 كيلو والمكيف شغال مفيش مشكله ممكن يكون في تهريب زيت مش محتاجه طقم شنبر ولا حاجه ؟

حتاجه طقم شنبر طالما الزيت بينقص
طيب طالما مفيش دخنه هل بقي في دخنه لما تيجي تدور العربيه الصبح مثلا او روحت مشوار و ركنتها ساعتين و جيت تدور
في دخنه بتطلع كتير كده و بعدين بتقطع

**shoudy2005** · 13-08-2008 02:16 AM

سرعة زى 180 كم بتاكل كميه زيت بص جرب تمشى على 140 و شيل رجلك من البنزين شويه و اكبس بنزين مره واحده و بص فى المرايا لو طلع دخان يبقى الشنابر فى بدايه تآكلها و ساعتها الزيت هينقص كل ما بتشيل رجلك من البنزين و هو ده سبب حرق الزيت لو مفيش دخان يبقى شيل خرطوم الفايظ و شوف فيه دخان كثيف طالع منه لو مفيش يبقى غير جوان غطاء التاكيهات و جوان اللى موجود عند البكره

**bassemali** · 13-08-2008 02:02 PM

أسف على التأخير ياجماعه لكن مفيش أبدا أي دخان طالع من العادم نهائي حتى مع دوس البنزين وده اللي مخليني مش مقتنع بأن الموتور محتاج طقم شنبر وخصوصا أن العربيه 2000 سي سي وماشيه 195000 كيلو وأنا مش بمشي بيها مسافات كبيره أو حتى متواصله