https://www.youtube.com/watch?v=0GpmtIQy3zs
لا تستاهل طبعا ... 295 الف جنيه ..
AUDI A3 1.4 TFSI ب 210 (نفس الفئة)
BMW 316i 1.6 PREMIUM ب 295 (فئة اكبر)
VOLVO S60 1.6T ب 290 الف (نفس الفئة)
VW PASSAT 1.4 TFSI ب 290 الف (فئة اكبر)
MERCEDES BENZ B200 ب 260 الف (فئة مختلفة)
ده طبعا غير البيجو 508 وال Citroen C4 وال 5 و الفورد ومنديو (الاكبر) :)
ممكن افكر تاني ؟ :)
هوا ليه كل زبون مصري بيشتري عربيه بيتحول وتحس انو بقي صاحب التوكيل او صاحب الشركه و يعد يدافع عنها و انها مفيهاش عيوب و عربيه معجزه و لما سعرها يزيد تلاقيه بيدافع عنها و يبرر الزياده و يقولك اشمعني العربيه الفلانيه !!!!
أهو بنقلب عيشنا
يا جماعة الموضوع بسيط لعربية جميلة
بلاش يتحول فأتجاه اخر
كل انسان معاه عربية بيبقي عارف انها جميلة ومميزات عنها هو بس الي عارفها
حتي لو كان من وجهة نظره لازم نقدر ذلك
لو روحنا الياباني او الكوري نفس الشئ وده من حق الاوروبي اكتر بصراحة ..
الفئه اللى ب 290 نازل فيها امكانيات عاليه اوى ,,, شوف كده
http://www.nilemotors.net/Nile/347618-a-2.html
الامكانيات دى تخليها تقدر تنافس ف الفئه السعريه دى بس مش هتكتسح الفئه دى طبعا
هنطلع ال A3 و ال C4 و C5 و المونديو
هيفضل ال 508 و دى امكانياتها اقل بس سعرها اقل
ال Passat نفس السعر بامكانيات اقل بس الناس بتحبها
المنافسين بقوة ف الفئه السعريه دى هما ال ds5 , 316 , s60
و طبعا كلهم كويسين محدش يقدر يقول حاجة
بس ال 316 هى المفضله لدى الشعب المصرى , دا حتى ال S60 افضل بس مش بتبيع زيها
المشكله الحقيقيه هتبقى ف اول و تانى فئه ب 230 و 240
الصرحه شايف السعر غالى عليهم خصوصا ان الفئه دى الباسات احتلتها من زمان
نرجع و نقول الدفاع عن سبب ارتفاع سعر العربيه عشان options اللى فيها و بغض النظر عن الفئات اللى اعلى منها و ما فيهاش ال options دى زى bmw 316 مثلا ....
اى مسمار زياده بيتحط فى العربيه بيبقى ليه سعر و جمارك عليه بغض النظر محطوط فى عربيه المانى او صينى . بتوع الجمارك ما لهمش دعوه غير بالكماليات الزياده .
بدليل السيراتو الجديده لمجرد انها زودت كراسى كهربا و كاميرا خلفيه و parking sensors قدام و ليدات ورا و قدام الهاى لاين بقت ب 196000 اينعم حجمها زاد لكن الاوكتافيا برده حجمها زاد .
من الاخر التبرير كان حيبقى غير منطقى لو ارتفع سعرها من غير زياده فى الكماليات او الحجم و لمجرد تغيير الشكل و خلاص . لكن دى مختلفه فى كل حاجه ( شكل و حجم و كماليات هايله و موتور ) . ارجو تكون الفكره وصلت .
و ما حدش ليه مصلحه فى الدفاع و خلاص لانى لا اعتقد ان اى حد فى القسم من مؤسسى شركه سكودا او vw .
مفيش كلام طبعا ان ال RWD ممتع رغم انه بيحتاج منظومة ثبات عاليه و طبعا BM عندها المنظومة دى ,,,, بس صعب تلاقى حد راكب mercedes او BMW موديل 2013 و شغال drifting او تخميس لان ببساطه معظم اللى بيشتروها ناس كبيره ف السن
بالنسبة للموتور الجديد فهو مش بطة و لا حاجة دا 1.6 twin scroll turbo بيطلع 136 hp و torque كااااااااااام ؟ 220 N·m
مش لازم drifting و تخميس عشان تستمتع بالعربية....فى ال spirited driving هتلاقى العربية rewarding برضة....و مع احترامى انا شايف الموتور برضة بطة.
يا سيدى الفاضل مش ملاك الفانتازيا و الصنى بس هما اللى بيحبوا عربياتهم
انا نفسى بس ان ملاك العربيتين دول يبقوا fair شويه ف الحديث عن عربياتهم و يقولوا انها value pricing كويس (عكس عربيات كتير ) لكن مش يقارنوهم بعربيات افضل منهم
اصل مش معقول كل حد هايتكلم كلمه عن ( سكودا , نيسان) يلاقى حد طالع يعارض كأن العربيتين دول مافهومش غلطة و يبدأ جدال مالوش نهايه و طبعا لازم يكون فى تريقة على عربية اللى بينتقد (مش عارف ليه ) عشان كدة انا مش كاتب حاجة ف خانه نوع السيارة
لك منى كل احترام و تقدير ,,,,
اسعار السيارات ارتفعت في العموم ارتفاعات مبررة (بسبب ارتفاع الدولار) لكنها ارتفاعات مبالغ فيها ولابد لها من وقفة بالامتناع عن شراء اي سيارة مبالغ في سعرها حتي يعود التوكيل الي رشده , بالمناسبة امس انا كنت في توكيل vw فرع العبور بعمل صيانة ال 5000 للعربية (باسات هاي لاين 2012) وسألت علي سعرها الحالي وجدته 329000 وانا كنت شاريها من 6 شهور ب 279000 اي زيادة 50000 جنية في خلال مدة بسيطة جدا واصبح سعرها يكاد يلامس سعر الbmw 320 يعني بسعرها الغريب ده اتحطت في كاتيجوري اعلي لن تستطيع المنافسة فيه وستهوي بمعدلات البيع للصفر واظن ان هذا سيحدث واكثر للاوكتافيا 3 لانها و ان كانت احدي سيارات مجموعة vw الا انها ليست من انتاج الصانع الالماني .
مليش دعوة بكماليات انا لو معايا ٢٩٠ الف ابقي مجنون اني اجيب بيهم اوكتافيا
من غير مقارنات ال BMW Audi and even the Volvo
احسن ١٠٠٠ مرة من اي سكودا مع احترامي مهكا كانت الكماليات
الاوكتافيا عربية محترمة جدا وكن احسن السيارات في فئتها نسيت اقول كدة بس مش ب ٣٠٠ الف جنيه
ظب ماجيب اصلها احسن !!! الجولف و ال a3? الي هي مستعملة مواتيرهم و شاسيهاتهم ارخص !!! حتي في الفئات الاقل!!!
سكودا ماركة فولكس الاقتصادية المفروض تكون ارخص من فولكسةوةاودي مش بتمنهم و اغلي
ده كيل بيستعبط
بعد اذنك ممكن تشوف الجدول دة....و عاوز اعرف انطباعك الأولاني وانت شايف ال 316 منورة فى الأول و بعديها لستة طويلة عريضة و كمان منغير ال M3 ....
http://img24.imageshack.us/img24/3944/f30w.jpg
ههههههههههههااااي:new:
العربية لسه منزلتش أساساً ولا شمينا ريحيتها وخدت نصيبها في الحرب مقدماً :ma:
وطلعت ماركة اقتصادية وملناش دعوة بتجهيزاتها اللي مش موجوده في أي عربية بالسعر ده :ma:
وطلع ان محدش مغفل عشان يدفع المبلغ ده في سكودا بس عادي يروح يدفع ٢٠٠ ألف في سيراتو :new:
وفي النهاية طلعنا داخلين بأسهم في شركة سكودا وبندافع عنها ،،،،، رد انت يا حسين :ma:
عجبت لأمركم شعب مصر اللذيذ
خلى بالك ان ف الجدول اللى انت حاطه دا ,,,,,
ال 316 هى الوحيده ال 1600 cc (ال dynamic edition مش بينزل مصر ) و اكيد مش هنقارن ال 1600 بال 2000 او ال 3000 مع العلم ان كلهم twin turbo بس للعلم
316 acc 0-100 ف 8.9 /// 320 acc 0-100 ف 7.3 /// 335 acc 0-100 ف 5.5
و خلى بالك كمان ان فرق السعر بين 316 lux و ال 320 lux ف حدود 86 الف
فرق السعر بين 316 lux و ال 328 lux ف حدود 166 الف
فرق السعر بين 316 lux و ال 335 ف حدود 206 الف
the point is : فرق ال Acceleration بين ال 316 و ال 320 ف حدود 1.5 Sec يعنى هى اه ابطأ بس مش لدرجة بطة و متنساش ان دى 1600 و دى 2000 و ان فرق السعر 86 الف جنيه
تعالى نقارن بالمنافس الاصلى ...... ال c180
مبدايا العربيتين 1600 cc
ال BM مزودة ب twine turbo و المرسيدس kompressor
unladen weight = 1480 kg (اتقل ب 80 كيلو )
موتور 156 hp و torque 229 N.m (نظريا اقوى من موتور ال 316)
نيجى للاهم : 0-100 ف 9.5 sec (ابطأ من ال 316 ب 0.6 )
ارخص c180 اغلى من اغلى 316 ب 10 الاف
--------------------------- farewell-----------------------------------
مش مستاهلة حرب ..اديك شفت السيراتو امه ٢٠٠ الف باعت حاجة تذكر؟
بس لما تبقي العربية الاصلية للسكودا (المبنية عليها) بنفس المحرك .الي هي الجولف. ارخص من اول فئة و بنفس المحرك يبقي في حاجة تستدعي الاندهاش من غير فريسكا يعني
ولما تعدي تمن السوبيرب كمان و الباسات يبقي ذهول شنيع ... الغريب مش الشعب المصري الي بيتريق علي اي حاجة و بيحاربها .. الغريب هو انه بيوافق علي اي حاجة طلاما من ريحة حبايبه و في الاخر انا قلت انا ابقي مجنون مقلتش لحضرتك او غيرك ...
فلوسك و ذوقك انت حر فيهم
أولا محرك الجولف ١٢٢ حصان في حين محرك الأوكتافيا ١٤٠ :)
ثانياً مش عارف معني كلمة مبنيه عليها دي ايه بصراحة يعني قصدك هاي كوبي زي الموبايلات يعني ولا إيه ؟ اللي أعرفه ان الشاسيه اللي راكب هنا هو اللي راكب هنا يعني مش مفصلينلها شاسيه علي مقاسها مثلاً،،والفتيس هنا هو هنا ( والاتنين رايحين في داهية ومستنيين حل مشكلته في المجموعة كللللللها )
ثالثاً فين الجولف اللي في مصر اللي تقارنها بالتجهيزات اللي في الأوكتافيا الجديدة :) ومش جولف بس ( كل المجموعة ) يا راجل مشوفناش حتي حاجة من مجموعة الvag بسقف بانوراما غيرها :)
رابعاً سوبيرب ٢ ايه اللي دخلها في الموضوع مش تستني تشوف السوبيرب ٣ ( google it )
خامساً متقوليش مليش دعوة بالتجهيزات ،، حضرتك واضح انك كبير وفاهم انهم مش حاطينها في عربية سبيل لوجه الله تعالي :) وأكيد كل إضافة ليها تمن !
هتقولي ال ٣١٦ و كلام Rwd وكده هقولك أنا كأحمد مش بركب العربية عشان أركز أشوف أنهي عجلتين هيحركوها اللي ورا ولا اللي أدام ( ملحوظة بس قبل ما تعقب علي الجزئية دي،، أنا كنت راكب ٥٢٣i إنديفيدوال وحالياً راكب s320 long يعني RWD و عادي يعني الدنيا peace مش باكل فريسكا يعني لما بنزل منها وأركب الأوكتافيا )
في النهاية أرجو إنك تتقبل كلامي بصدر رحب وإحنا في الأول وفي الآخر بنتكلم عن عربية من VAG
مش دخيل أجنبي بالغصب يعني :) وسلامتك من الجنان يا باشا حط في بطنك بطيخة صيفي وانت بتشتريها محدش هيستجري يقول عليك مجنون
يعني هي العمليه بقت بالتحهيزات و الكماليات دلوقتي
افهم من كده ان السيراتو و الالنترا الهاي لاين احسن من ال 316
الاوكتافيا عربية ممتازه
و الهاي لاين الجديده بقت bucket of options
بس بالسعر ده بقت out of its leage بصراحه
اي حد و خصوصا في مصر هيكمل و يدخل علي ال bmw و المرسيدس علي طول
و اصلا اغلب التجهيزات اللي نازله فيها مش هتاكل في مصر
عندك الناس هنا بتقلق من البانوراما جدا
و نفسي اشوف ال lane assest هيعمل ايه في شوارعنا ههههه
شخصيا شايف انهم هينزلوا سعرها ل 280 الف بالكتير عشان تعرف تبيع
شريف بيه أخبار حضرتك إيه،،الموضوع مش موضوع تجهيزات وكماليات
ولا يجوز أساساً نجيب سيرة القيا والهونضاي مع العربيات دي
كل ما هنالك ان الكلام علي عربية ألماني شأنها شأن أي عربية ألماني،،محدش يقولي شيكي والكلام ،، مرسيدس وبي ام بيتقفلوا في مصر عادي جداً،،الجيتا في المكسيك والصين عادي جداً بردو فالكلام ده مش مقياس
فلما اتكلم عن تجهيزات زي دي ( لا يستهان بيها ) + عربية ألماني + ليها إسمها ووضعها يبقي انا بتكلم عن حاجة ليست بالشأن الصغير وسط المنافسين
بالنسبة للبانوراما عادي جداً بينزل في المرسيدس ومحدش خاف منه،،ولنفرض،،وهما بيصنعوا العربية مش في دماغهم خوف المصريين من البانوراما
بالنسبة لل lane assist معمول أساساً للطرق السريعة مش عشان أستعمله في شارع رمسيس مثلاً :ma:
غير كده هو controllable يعني تقدر تشغله وتقفله
تحياتي لك يا باشا :)
انا كويس الحمد لله يا باشا
متشكر علي السؤال
و مع احترامي الماني عن الماني يفرق
و انت راجل ركيب و عارف
السكودا شئنا ام ابينا من اقل الالماني و صعب قوي تقارن بال bmw و المرسيدس
و هنا مربط الفرس
و حتي بلستة التجهيزات الطويله ده ( اغلبها standard في البيمر و الميرك علي فكره) صعب تنافسهم
و زي ما انت عارف السعر هو ال driver الحقيقي للاختيار في مصر
و ده مش في صالح الاوكتافيا ابدا
باشا:
http://img827.imageshack.us/img827/9...7a2e791hey.jpg
مبدئيا هى مش twin turbo....دى توربينة واحدة بس twin scroll ماعدا موديلات ال Alpina .
و بعدين انا مقارنتش برة و جوة مصر ولا على الأسعار ولا منافسين....انا بتكلم strictly فى performance figures العربية فعلا بطة.....
فى الأخر whatever makes you happy يا باشا.
يا جماعة لازم نبقى واقعيين ,,,,
الفئه اللى ب 290 الف التكنولوجيا اللى نازله فيها عاليه اوى مش موجوده ف ال 316 او c180 اللى ف مصر لكن موجودة ف الفولفو
انا مقلتش ان الاوكتافيا افضل انا بقول نازله بانظمه متطورة انا شخصيا بفضل ف الفئه دى الs60 ثم ال316 الجديدة ثم الc180 لانى اساسا ماشفتش الاوكتافيا لسه و بعدين كل حاجة ليها تمن مفيش حاجة ببلاش و طبعا سواء الجمارك او المصنعيين او التوكيل مايهموهمش الناس هتستفاد من التكنولوجيا دى و لا لا المهم ان تمنها يدفع (دا ف حاله لو حد شايف ان التكنولوجيا دى مالهاش لازمه)
و دى مش مجرد accessories , احنا لو هنحكى ع ال adaptive cruise control شوف اتكلف كام ؟ و شوف فايدته تسوى كام ؟
يمكن الناس مش بالعين فكره ان الاوكتافيا بقت تنافس الفولفو و المرسيدس نظرا لفرق التاريخ الكبير و حجم الشركتين (ع فكرة انا من الناس دى ) و يمكن لو كانت نزلت باسم تانى كان الناس اتقبلوها ,,,,,,, ف الاخر لازم ندى كل واحد حقه العربيه تمنها مش مبالغ فيه
فعلا انا غلطت و انا بكتب ف المشاركه ال 24 و هى فعلا twin scroll زى ما انت قولت و زى ما انا قولت ف المشاركة ال 15
بالنسبه لموضوع ال Acceleration ,,,,, انا اخدت بالى انك كاتب نوع عربيتك لانسر GSR من ال CK1A و الله اعلم انت مسقط انهى موتور يمكن عشان كده انت شايف ال316 بطه
انا طبعا كنت بتكلم على العربيات ال Stock اللى بتنزل مصر مش ال Tuned
عامة انا تشرفت بالكلام معاك ,,,,,,,,,,,, farewell
ولا يهمك يا باشا كلنا بنغلط..
عربيتى لانسر كرستالة و كود الشاسية CK1A و كنت مسقط ال 1.8 تربو بتاع ال gsr و دلوقتى حاطط 2.0 تربو بتاع ال Evo 5 ....و انا مكنتش واخد موتور عربيتى كا reference مع ال 316.
و انا برضة بتكلم على عربيات stock و مجبتيش سيرة ال tuned ....
الشرف ليا.
قصة اية يا باشا؟؟
تسلم يا استاذ احمد
بالنسبة لل s60 اللى بتنزل مصر ,,,, بتشترك مع الاوكتافيا اللى ب 290 ف ESC , adaptive cruise control و lane departure warning و front assist و collision warning , و طبعا بمسميات مختلفه من شركة لشركة بس نفس الوظيفه
دول اهم حاجة و اعلى technology فاضل الحاجات العاديه (بالنسبه للشركات دى ) زى ال etc ,,,,,,,,,,,,,,,,,,,,,,, , air bags , brake assist , abs , isofix
حبيت اعقب على نقطه بس مين قال ان الجولف 122 الجولف 140 حصان و من الفئه الاولى كمان 205000...مع وزن اخف......والجولف الهاي لاين 235000 بتجهيزات واقعيه اكتر تقريبا نفس تجهيزات الاوكتافيا اللي ب 240000 بس مع 140 حصان مش 122 يعني من الاخر اكنك بتاخد الموتور بتاع اعلى فئه مع تجهيزات الفئه اللي 240 الواقعيه اكتر على فولكس ب 235000 !!!!! و فوق كده الماني من الف الى الياء.....صح ولا انا غلطان في حاجه D: اه نسيت الجولف 7 الهاي لاين اغلب الظن فيها بانوراما واللينك اهو Volkswagen Egypt هتلاقيها مكتوبه في الEXTERIOR EQUIPMENT