م/طارق ارجو الافادة السريعة لاني تعبت

**ezz** · 12-08-2008 12:36 AM

م / طارق
عاوز
اجيب لانسر 1300 اوتوماتيك وسمعت من بعض ناس ان سحبها ضعيف والتجميع للسرعة ضعيف ارجو الافادة من واحد يكون جرب فعلا لاني مش حمل اشتري عربية وبعدين ابعها ارجو الافادة من الاخر بكل امانة مع العلم اني عاوز 1300 علشان توفير فلوس وبنزين

**D . a .\ AYMAN** · 12-08-2008 02:36 AM

1300 اتوماتيك فعلا هاتبقى السحب فيها ضعيف شوية واستهلاك البنزين فيها عادي جدا لأن الأوتوماتيك مع الـ1300 = استهلاك أعلى في البنزين من الطبيعي

1300 مانيوال انا عن نفسي برجحها عن الأتوماتيك ومجربها بنفسي وهية جميلة جدا الصراحة وماتفرقش عن الـ 1600 الا حاجات بسيطة جدا ابرزها حمل المكيف على الموتور بس حمل المكيف بيتعوض بزيادة عزم العربية لما الواحد يكون مستعجل

ولو عايز الأتوماتيك يبقى الـ 1600 عشان الفتيس يقدر يمشي العربية مرتاح من غير تعب على الموتور

الكلام ده انا حسيته في عربيات كتير اتوماتيك ماركات مختلفة أن الأتوماتيك محتاج موتور قوي عشان يمشي حلو خصوصا لو عربية تقيلة زي اللانسر

وبعدين الأتوماتيك بعمل استهلاك بنزين عالى في أي عربية عن المانيوال من نفس العربية بفرق كبير يتعمله حساب ممكن يوصل لأكتر من 50 كيلو في الصفيحة

**ezz** · 12-08-2008 03:34 AM

طيب ممكن اجربها لاني في السواقة لا اتخط 100كم ونفسي اجيب اوتو والفلوس مش مساعدة والحمد للة

**D . a .\ AYMAN** · 12-08-2008 04:10 AM

والله ياباشا انا ماعيش دلوقتي لانسر انا معايا بيجو 505 مانيوال

بس عموما انا مابحبش الأتوماتيك هوة مريح في السواقة الهادية آه لكن مابيسعفش لما الواحد يكون مستعجل ولو اتقرص عليه بيتقصف عمره وصيانته منعدمة تقريبا يعني لما يبوظ يتغير احسن من الصرف عليه اللى مالوش لازمة

**مصراوي جدا** · 12-08-2008 09:58 AM

المشاركة الأصلية كتبت بواسطة ezz

م / طارق
عاوز
اجيب لانسر 1300 اوتوماتيك وسمعت من بعض ناس ان سحبها ضعيف والتجميع للسرعة ضعيف ارجو الافادة من واحد يكون جرب فعلا لاني مش حمل اشتري عربية وبعدين ابعها ارجو الافادة من الاخر بكل امانة مع العلم اني عاوز 1300 علشان توفير فلوس وبنزين

أهلا يا استاذ عز

انا مجربتش العربية وحضرتك عاوز الرد من المجربين فياريت أصحاب اللانسر 1300 أوتوماتيك يقولوا رأيهم

انا ردي دايما على السؤال ده ان العربية الـ 1300 أوتوماتيك مش بتاعة جري وشد انما مناسبة جدا للسواقة العادية او الهادية انما لو عايز شد وجري وسرعة تجميع يبقى الـ 1600 أو الـ 1300 مانوال
وبرضه باذكر الناس ان طول عمر اللانسر في مصر حتى عام 2004 كانت 1300 سي سي حتى تم تعديل قانون الجمارك ودخلت محركات 1600 في شريحة الجمارك المعقولة وبدأت الـ 1600 تنزل مصر وبالتالي كل اللانسر أوتوماتيك عيون صفية وبطة وكريستالة وبومة أي ما قبل أواخر 2004 وقت اصدار القانون كان كلة محركات 1300 سي سي وكانت الناس راضية ومبسوطة بس اللي شاف المحرك الـ 1600 صعب يقتنع بالـ 1300 الا لو عنده سبب وجيه زي توفير البنزين

ويا ريت حد من ملاك اللانسر 1300 أوتوماتيك يساعد حضرتك في الاختيار ويسمح لك بتجربتها اذا ما سمحت الظروف

وبالتوفيق باذن الله

**Bassel** · 12-08-2008 11:56 PM

فعلا سحبها ضعيف خصوصا مع التكيف
بالنسبة لاستهلاك البنزين معنديش فكرة بس غالبا هيكون عالي عشان العربية تقيلة

**sharkawy** · 29-01-2009 03:32 PM

الصديق العرزيز انا معايا كريستالة 1300 اتوماتيك مو99 وسحبها كويس مش وحش انت مش هتحتاج اكتير من كدة والاستاذ طارق مشكورا قالك ان العربيات لحد 2004 كانت 1300 اتكل على الله وإن شاء الله ربنا يرزقك بسيارة تكون حالتها كويسة متكنش متهانة

**omarhelalyehia** · 31-01-2009 02:57 PM

انا معايا لانسر 2009 اتوماتيك 1600 بقالها معايا شهرين و امس اول مرة افتح الكابوت لقيت قربة الميه بتاعة الرادياتير تكاد تكون فاضية فقمت بتزويدها ميه خضرا للاخر و بمراجعة كتالوج السيارة لقيته بيقول ان نظام التبريد مغلق فهل تزويدى للمية غلط ولا ايه ارجوا الافادة و لسيادتكم جزيل الشكر.....