-
صانع الميجان مريض نفسى
علشان افك الفانوس الامامى النهارده وانظفه كان لازم افك الاكسدام وخد معايا اكتر من 3 ساعات وقبل كده كنت عايز اكشف على الفيوزات كان لازم اخلع البطاريه وافك قاعدة البطاريه وبعد ماركبهم اعرف الكاست والزجاج والعربيه شاريها من شهر وخايف اجى اغير الزيت يقولولى لازم نخلع المتور:untitled:
-
معلش يا فندم بكره تتعود :ma: . الفرنسيين لازم يكلكعوا كل حاجه و مفيش اي حاجه عندهم بتتعمل ببساطه و حتي حياتهم بنفس الطريقه. انا مره كنت باتكلم مع صديق لي عن انه ملوش لزمه الحركه اللي كانوا عاملينها في العربيات السيتروين القديمه بتاعتهم دي اللي كانت لما تركنها تروح نازله في الارض و لما تدورها تقوم طالعه بيك لفوق زي الجمل مش عايز أقولك اتعصب قد ايه و جابلي نظريات و مواضيع طويله عريضه عن اهميه الموضوع ده لما خنقني :wink01:
-
هما عملوا حركة تخلي حياتك و انت سايق احسن , الكبوت القصير
مقابل انها تخلي حياتك في الصيانة تيييييييييييييييييييت , بالكربسة دي
و عرفوا غلطهم و ما كرروهاش في الفلوينس
-
علي فكره انا لسه فاكك الاكصدام و مغير الكشافات مخدش حوالي نص ساعه لان هو كالتالي
تفك الفبره اللي عالشنب
تفلك كلبسات الاكصدام اللي في الشنب
تفك المسامير اللي في الكصدم من تحت و اللي عند الكفرات
و بعد كده كل كشاف ماسك ب 3 مسامير النكي
امال بقي لو فكيت لانسر شارك
و علي فكره اغلب العربيات من اول 2004 و طالع نفس النظام مش الميجان بس
و علبه الفيوزات هي فعلا العيب الوحيد في العربيه دي
-
على فكره العيب فينا مش العربيه لان الصنيعيه عندنا يحبوا يفتوا ويكبروا المواضيع ولو مش عارف مثلا يفك حاجه لا يعترف ولكن يحاول ثم يحاول واخيرا اما يفلح او يكسر لك حاجه ويقولك ده عيب تصنيع وللاسف احنا متعودين على التعامل مع الواد بليه وليس التوكيل على سبيل التوفير ( وانا معاكم ) وده اكبر خطأ مع تحياتى للجميع
-
عادى ياباشا ، هتتعود
التويوتا كورولا الـ 1300 اللى المفروض حوضها واسع ( الموتور صغير ) وميكانيكتها سهلة ويابانى ، فيها نفس الحركة الغبية بتاعت فك الاكصدام عشان تفك الفوانيس
-
هههههههههه الحمدلله عالصني :d
-
الفرنساوي معظمه كده ... الـ307 صباح العقد لما تحب تفك الفانوسن الأمامي ... و لو حبين تغسلهم بتفضل المياه جواهم شويه لغاية ما تنشف ... و كمان الغسيل غلط عليهم علشان النيكل الداخلي ضعيف حبتين و حساس
و كمان فك الكاسيت أو أي جزأ من التابلوه
و كمان فك طرمبة البنزين علشان تطلعها من غير زرجينه لازم تكسر الصاموله
و كمان البانوراما الشهيره اللي علشان تفكها لازم تهد سقف الصالون كله
و لو عايز تسحب هوا من دورة التبريد في الـ307 لازم تفك علبة الهوا بأفيز بمفك عادة و و تفك مسمار 8 تقريبا و تفك خرطوم التعريق اللي لو صميعي أول مره يشتغل فيها لازم يقطمه و بعدين تفك ملحق علبة الهوا و هاتلاقي تحت الكوعه و الكوعه دي حوار لو إنت موديلات قبل 2006 يبقي محتاج مفتاح ألان كي و لو بعد 2006 يبقي مش محتاجه و هاتلاقي الطبة فبر و حاسب لا تقع منك و حضرتك بتفك
لكن في العربيات الكبيره زي الـ407 الحاجات دي بتبقي سهله شويه لكن برضه مفس العقد
الصراحه مع إن خامة الفرنساوي و ترتيب شغله في الأساسيات رائعه إلا إنه في الإكسسوار يلخدو ترتيب متأخر
بيعتمدو علي المستهلكات في حاجات بسيطه (شغل تجاري) ممكن لو أتعملت بضمير العربية تفضل جديده العمر كله
و ده عمره ما كان في العربيات الياباني .. الياباني بيعمل القطعه (الإكسسورار) تعيش عمر طويل و تبقي صالحه للتصليح و غالبا الفك و التركيب بيبقي في منتهي الوضوح
في النهاية لازم ننبه علشان متقومش خناقة ... الفرنساوي عربيات حلوه و لا يعلي عليها و عربيات تتفوق علي معظم العربيات الأوروبي و قطع غيارها رخيصه ... و المشكله اللي بنتكلم عليها دي مش هاتقابل المستخدم العادي اللي بيعمل صيانتة عند ورش و مراكز الصيانه .. اللي هايلاحظ المشكله الشخص الهاوي شغل في عربيتة بنفسه
Content Relevant URLs by
vBSEO 3.6.0 PL2