كنت اريد معرفه ارائكم في القارنه بين الياريس مانيوال كل الكماليات والنيو اكسنت من حيث وسع الصالون وقوه السحب وقوه التكيف وارتفاعها عن الارض واسنهلكم للبنزين وكل حاجه ارجو المساعده ولكم جزيل الشكر
عرض للطباعة
كنت اريد معرفه ارائكم في القارنه بين الياريس مانيوال كل الكماليات والنيو اكسنت من حيث وسع الصالون وقوه السحب وقوه التكيف وارتفاعها عن الارض واسنهلكم للبنزين وكل حاجه ارجو المساعده ولكم جزيل الشكر
مش عارف اجاوبك اقولك ايه بس هل ممكن تقارن بين الورد البلدى و الورد البلاستيك الصناعى
- ياريس بلا جدال
موضوع صعب جدا انك تقارن بين السما و الارض كده انت بتظلم الاكسينت الياريس تكتسح طبعا
انا مش فاهم الناس اللي بتقارن الكوري بالياباني ؟
يعني ممكن الواحد يحتار بين التويوتا والماتسوبيشي آو بين الكيا الهيونداي ، انما ازاي تقارن التويوتا بالهيونداي وتسآل اشتري انهي ؟؟
تويوتا طبعا
طبعا
طبعا
طبعا
طبعا
طبعا
طبعا
طبعا
ستاذ وليد ناس كتير ان ثبات الياريس مش قد كده وكذللك التكيف اقصد مش معني ان الياريس يباني و النيو اكسنت كوري يبقي السما والارض عموما اشكرك لرئيك وكنت اتمني لو تقرائ الناس التي تمتلك النيو اكسنت بيقولوا ايه عموما اشكرك جدا
الياباني ياباني و الكوري كوري
بص يا باشا اغلب الناس الي بتتكلم علي ثبات العربيه مركبوهاش و لا سقوها علي سرعه 20 كيلو حتي الموضوع ان لما الناس شافت العربيه عاليه قالو موش ثابته مع السرعات لكن شوف ملاك العربيه نفسهم هتلاقي ان الناس عمرها مشتكت من الثبات العربيه بالعكس العربيه ثابته جدا علي الارض و الثبات بيبتدي يقل بعد ال 160 و دا عن تجربه 10000 كيلو مع العربيه و السفر الكتير علي طريق مصر الاسماعيليه التكييف بقه دا لا خلاف عليه انت الضهر مجرد ما تتطلع الهوا السخن من العربيه و تفتح التكييف علي رنج 3 بعد ربع ساعه العربيه بتكون تلاجه متقدرش تستحمل درجه الحراره و تتطر تخلي الفان علي 2 بالليل اتحدي اي حد يقدر يحط الفان بتاعه التكيف علي 2 لان واحد كفايه جدا و كمان بتطر انت تخفف درجه الحراره من كتير السقعه
ياريت نسال الناس الس مجربه العربيه موش احد شافها مره معديه قصاده علي بعد تلات شوارع قالك دي فيها عيوب
من الأخر ياريس
بص ياباشا:
الاكسنت تقفيل كوري نضيف للغايه ومن احسن العربيات الكوري بعد الالنترا اختها الكبيره
السعر 81000 الف كامله مانيوال بدون وسائد هوائيه
الياريس ياباني تقفيل احسن من الكوري واسم شركه تيوتا اكبر بكتيييييييييييييييييييييي ييييييير من هيونداي
السعر 87000 باور كهرباء ومرايات كهرباء وكاسيت تيوتا و تكييف وسائد هوائيه
احتيجاتك في العربيه
1- سعر
2-رفاهيه كماليات و قياده
3-سعر قطع غيار (رفارف اكصدامات......)
4-ثبات في السرعات العاليه
يبفي اكيد النيو اكسنت
احتياجاتك
1- رفاهيه قياده فقط
2-توكيل محترم
3-وسع العربيه والشنطه
4-موتور معمر جدا مهما كان الاستخدام
5-اسم تيوتا
6-استهلاك بنزين
7- متعقد من غبور
8-بتحب انك تقول راكب يباني
يبقي اكيد ياريس
اوجه التشابه
1-سرعه التجميع
2-قوه الفرامل
3-الصاج وعوامل امان
4-الكفاءه في المناوره
5-انتشار واعاده البيع
انا ركبت الاتنين كتير
وربنا يوفقك ف الاختيار
فرق اكتر من 8 الاف بين اعلي فئه للنيو اكسنت مانيوال و اقل فئه للياريس مانيوال
يعني من الاخر الاتنين مش في نفس الشريحه السعريه ابددددددددا
ايه ايه ايه يا جماااعه
متحااامليييين على الاكسنت لييييه
ويعنييي كل الي بيتكلموا على الياريس دوول ساقوااا ولا ركبوا النيو اكسنت عشان يطلعوا اليارس احسن
اولاا اليارس ما تتفوقش على الاكسنت في اي حاجه الا انها اوسع واريح في العفشه سنه بسيطه فقط لا غير
ماتور الاكسنت تكسب
تكييف الاتنين زي بعض
ثباااات ف الاكسنت تكسب الكرولا في الثبات مش هتكسب اليارس
وانا في عز ما عربيتي الاكسنت متبهدله جرييت مع شاب لسه جايب اليارس جديده واتبهدل ملفات وغرز وكل حاجه وفي اخر الطريق وكان الاوتوستراد هديت وجه جنبي ووقفني وقعد يعيط من ثبات اليارس وباللفظ قالي الملفات بعد 100 بحس اني هتقلب وانا ملفات الاوتوستراد دي كلها 160 وكنت بشوفه في المرايا ورا بيهدي
واذا كانت الكرولا اضعف من الاكسنت في الثبات وعن مليون تجربه ومليوون طريق والعربيتين راكبهم وكرهت سواقتهم ان كانت كرولا ولا اكسنت ف استحاله تكون اليارس اثبت
ثانيا تجميع اليارس قوي بس هو بالنسبه للاكسنت صفر على الشمال 1600 مقارنه ب 1300
112 باور مقارنه ب 90
انا مش بعيب في اليارس بس بصراحه حرااام الي بيتقال
العيب الاول والاخير في الاكسنت شنطتها العاليه الي بتخلي العربيه تتنطط من ورا سنه واليارس وعن تجربتي ليها مش مريحه للدرجه دي والاختلاف في العفشه بينهم مش كبير
لو اكسنت مع جنط 15 ولا 16 انسى اي حاجه
بصراحة انا مش شايف " الفرق " الرهييييييييييييييييب الي انتوا عمالين تتكلموا عليه ده !!!
انا ركبت ياريس 1300 اوتوماتيك اعلي فئة فيها ام 108 الف ( معرفش اذاي عمي اقتنع ! )
و ركبت النيو اكسنت 1600 برده اظن كانت ب 86 الف .
وركبت الياريس 1500 اوتوماتيك هاتشباك و دي تمنها 122 الف تقريبا
-----------------------
الياريس سيارة مدينة جميلة جدا و خامتها الداخلية جيدة .. الكراسي الامامية مريحة جدا و التابلوه و الكونسول بسيط و لكنه انيق وواضح جدا .
الكراسي الخلفية غير مريحة خالص بالنسبة لي ( 178 سم ) بس معرفش ممكن ناس تختلف معايا .
موتور الياريس لم يبهرني اطلاقا و خوصوا انها اوتوماتيك .. ولكنه يكفي جدا استعمال المدية و السفر علي السرعات الرسمية .. الموتور صوتع بيعلى شوية عكس معظم السيارات اليابانية .
انما ال 1500 حكاية ! فرق السماء و الارض بين الياريس ال 1300 و ال 1500 .. ال 1500 مثلها مثل اي سيارة 1600 و طلعت منها من سيارات كتير جدا !
بينما ال 1300 الي 85 حصان سيارتي المتواضعة ام 80 حصان بتطلع منها !
السيارة فعلا ثباتها مش جيد و لكنه مش معيوب يعني .. هي بس بتدي احساس انها مش ثابتة او مثل المركب كدة .. بس ده علي ملفات بسرعات لسيارة لم تصمم لذلك اصلا فده مقبول جدا و مش غيب برده . حتى ال 1500 يمكن اقل شوية علشان الجنوط ال 15 بس برده في احساس بعدم الامان بسيط كدة .
التكييف ممتاز كعادة السيارات اليابانية .. بس برده تاثيره علي الموتور ملحوظ و ده عادي في ال1300 يعني في ال 1500 فرق بسيط اوي في النقطة دي .
تقديري العام لها سيارة ممتازة لعائلة صغيرة او لشاب و هي سيارة " مدينة " و لكن يعيبها سعرها المبالغ فيه جدا خصوصا للفئات الاولي منها و المشكلة دي مش في مصر بس .. الياريس غالية في كل حتى حتى في امريكا .. اوتوبلوج مرة علقت عليها و قالت ان تويوتا بتبيعها بالثمن ده باسمها مش بقيمتها .
-----
الاكسنت ال 1600 .
سيارة في نفس فئة الياريس الحجمية
مريحة في الامام - خامات التابلوه و الكونسول اقل من الياريس و لكنها تقفيلها جيد جدا
الكراسي الخلفية رغم احساسي بضيقها عن الياريس الا انها اريح في كل شيء ماعداالمطبات ... المطبات في الياريس انعم و اريح للراكب عنها في الاكسنت .
موتور النيو اسكنت CVT 1600 اعتقد بيولد 115 حصان و هي فعلا سيارة سريعة جدا و مخيفة جدا لانك متعتقدش انك حتاخد منها كل ده خصوصا و ادائها السلس في السرعات المنخقضة .يعيبها بس معرفش ليه دايما كنت بحس ان الفرامل مش مسعفة .. او متأخرة شوية ! بس يمكن ده احساس شخصي .
السيارة في مجملها جيدة جدا ان لم تكن ممتازة في هذه الفئة بس هي واخده حقها في التسويق من غبور
انا شخصيا بفضل شقيقتها الريو ال 1400 عنها .
---
زي ماشفت مفيش فروقات جوهرية في السيارتين و كلامي بالصدفة مثبت من مجلة WhatCar الانجليزية :
http://www.whatcar.com/images/stars/wc_verdict_3.gif http://www.whatcar.com/images/nav/spacer.gif FOR The Toyota Yaris has a roomy and versatile interior with plenty of stowage. Fuel economy is good too. http://www.whatcar.com/images/nav/spacer.gif AGAINST The Yaris has a bouncy ride and vocal engines. There is only modest safety kit on the entry-level car.
FOR The Accent gives you a lot of car for the money, with good spacepainless to drive and own and kit compared to its supermini rivals. It's also . http://www.whatcar.com/images/nav/spacer.gif AGAINST The driving experience and looks are bland. The engine runs out of puff at higher speeds and safety equipment is below par.
الاتنين واخدين 3 نجوم من 5 مع اختلاف بسيط في التقييم .
انا راي الشخصي روح شوف الاتنين و ضيف معاهم الريو و شوف انت موافق تدفع فرق ال 10000 جنيه ده علشان مجرد اسم تويوتا ؟ و لا وفرهم في حاجة تانية احسنلك .
الريو 1600 افضل من الاتنين
الريو 1400 و 1600 عفشتها احسن من النيو اكسنت عشان عفشه هوا على زيت بس اقل ثبات من الاكسنت
متستئلوش ب 1300 بتاع اليارس دة بيغلب مواتير 1600 عربيات تانية انا راى اليبانى مفيش احسن منو
على فكرة يا جماعة الهورس باور بتاع اليارس 92 حصان واظن 92 حصان بالنسبة ل 1300 سى سى تكنولوجيا عالية جدا وكفاية انك راكب تويوتا....(الكورى لما بيقدم بيفتح بؤو فتحة وحشة اوى)
يا جماعة انتوا لو حتحسبوها كده هورس باور وتكييف يبقي الصيني ابرك من الاتنين بالنسبة لسعره
الموضوع مش موضوع شد وسحب وغرز (اللي بيكتب الكلام ده عنده كام سنة؟؟)
الموضوع موضوع durability عاوز تقارن صح بين صناعة التويوتا وصناعة هيونداي احنا النهاردة في 2008 بص علي اي عربية هيونداي موديل 1998 واي عربية تويوتا موديل 1998
شوف الحالة جوة وبرة وداخل الكبوت وشوف قبول السوق للعربيتين واسمع عفشة الاتنين واحده لسة نعمة زي الحرير ووحده تخبيط ورزع وكركبة في العفشة
طبعا حتكتشف بمنتهي العدل مين رمي فلوسه ومين استثمر وكسب في عربيته
ولك الاختيار
وسع الصالون تقريبا زى بعض
قوة السحب وقوة التكييف الأكسنت
الارتفاع تقريبا زى بعض
استهلاك البنزين الياريس
بس عامة انا بختار الياريس
بيتهيالي المقارنة آصلا فيها ظلم للتويوتا وبتبخسها حقها تويوتا متستحقش مننا كده
:no:
http://www.markettoyota.co.za/car_im...aris-sedan.jpg http://images.dealer.com/nctd/07-accent-hero.jpg
ياريس رغم كل حاجه
انا ركبت الاتنين و كنت بقارن بينهم هما الاتنين و انا بشتري
بس الياريس كسبت
افضل في كل شئ.
مش عارف لو كان فيه ريو اياميها كنت جبتها و لا لاء؟؟!!!!!!
اعتقد بعد كل ما اثير في هذه المقارنه الياريس تكسب واشكركم دي كلمه بسيطه للمساعده الجاده والمحترمه الفعاله واختياري للياريس الاتومتيك الفولابشن وجزاكم الله عني خير فاضل العضو الجميل حزومه باشا جبت عربيتك منين وبكام وبستلم معاها ايه والترخيص وخلافه بيكون ازاي وامتي حيث اني ليس عندي خبره سابقه واشكركم جميعا
فعلا كلمة اخيرة قبل اغلاق الموضوع التويوتا تويوتا والهونداى هونداى مينفعش تقارن بين اليابانى والكورى لانة ببساطة اليبانى يكسب لطول عمرة
خالد باشا لا شكر علي واجب
انا جبت العربيه من موزع معتمد لتويوتا في عباس العقاد
و دا رقم تليفون الاستاذ خالد مدير المعرض 0106347989
اتصل بيه و قوله انا من طرف حازم خضر بتاع المحله اللي واخد الياريس الفيراني
و هو حيعمل الواجب و لو حيعرف ينزل في تمن العربيه حينزلك
(في 3 من الزملاء راحوا جابوا عربيات من عنده و عملهم تخفيض)
و بتستلم مع العربيه استبن و كوريك و شنطه عده صغيره و طفايه و ولاعه .
ما تقلقش يعني الاستاذ خالد بيسلم العربيه كامله مش ناقصها حاجه و مش ماشيه كيلوات كتير يدوب هما 30 او 40 كيلو نقلها من المخزن للمعرض.
و اي حاجه انا تحخت امرك و دا تليفوني 0122949398
اولا في بعض المقارنات اللي ممكن تحطها في حسبان حضرتك
1- معدل استهلاك الوقود ح يعوض فرق السعر مع النيو أكسنت
2- عوامل الأمان في السيارة ياريس مش موجود منها اي حاجة في النيو اكسنت
السيارة مجهزة AIR BAGS - ABS -EBD
3- البعض مش عاجبة شكل الياريس مع ان السيارة ديه تقريبا بدأت تغزو أوربا وبغض النظر عن كده في علم هندسي اسمه aerodynamic
ده شركة تويوتا تفننت في عمله مع السيارة الياريس انسيابيه السيارة غير طبيعية
4- بعض الوكلاء مثل شركة غبور بتطلب من الشركة المصنعة الغاء بعض الأضافات للمنافسة في السوق يعني تخيل لو في عوامل امان فقط في السيارة النيو اكسنت مضافة كان يكون الفرق في السعر كام ولاصالح مين
ياريس بالتأكيد
من الأخر ياريس عن تجربه
انا متفق معاك في كل النقاط ،،
بس ايه الأيروديناميك اللي في تصميم الياريس !!!!!
اذا كان مشكلتها في الثبات و صوت ارتطام الهواء باكصطداماتها العريضة
حسب كلام ملاكها
القبح و الجمال طبعا شئ نسبي
بس معظم المواقع متفقه ان تصميمها قبيح
http://www.autoblog.com/2008/08/08/s...rs-new-colors/
شوف اوتو بلوج معرفينها Still ugly
يارس من غير ولا كلمه
موضوع قديم جدا ياريت نبص عالتاريخ قبل ما نرد
يا سيدى الفاضل ده رأيك وأنت حر فيه وبعدين مش فيه اشراف وظيفته الى أنت بتعمله ده هو يقول مين استفاد ومين ما استفدش ويحذفوا موضوعات او مشاركات
هو حضرتك شاغل بالك ليه بالامور ديه
وبرضه هاقول لحضرتك ايه الاستفاده مع انى كتبت يارس وبس
مش لازم اسبب اسباب لاختيارى ممكن يكون الموضوع احصائى بحت يعنى كام واحد فضل العربية ديه وكام واحد فضل العربية التانية وبالطريقة ديه الناس هتستفيد على الاقل هيعرفوا تقبل الناس للعربية وده الى بتقوم عليه فى الاساس فكرة العرض والطلب يعنى ممكن تكون عربية مش قد كده بس الناس بتقبل عليها فتلاقى اعادة بيعها سهل وبسعر كويس لا لشى الا لانها مطلوبه فقط
ياريت ميكونش سبب اعتراضك على المشاركة أنها تكون عكس رأيك فى العربية ويس
بجد ياريت
انا مش قصدى أشرف عليك لا سمح الله لانها مش شغلتى
انا وانت اعضاء زى بعض عادى
انا بس باقوللك وجهة نظرى
وعلى فكره رأيى ملوش علاقه بنوع العربيتين خالص والله
بس لما بالاقى موضوع قديم بقاله أكتر من سنه
يبقى الرد فيه مالوش لازمه بالنسبه لصاحب الموضوع عشان أكيد هايكون حسم قراره بعد الفتره الطويله
وكمان مش هايفيد الناس اللى هاتدخل دلوقتى
تالت سبب ان فى اعضاء بتعمل الحكايه بهدف زيادة عدد مشاركتها وخلاص
انا مش قصدى انك بتعمل كدا او دا هدفك
بس فى ناس كتير بتعمل كدا فعلا
عموما حصل خير